SÂM 118
118
1Aw, BAWIPA sinah lomhnâk bia chim u, zeitintiah Amah cu a ṭha, a vêlngeihnâk cu zungzal in a hmun. 2“A vêlngeihnâk cu zungzal in a hmun” ti hi Israel hna nih chim hna seh. 3“A vâlngeihnâk cu zungzal in a hmun” ti hi Âron chungkhar nih chim hna seh. 4“A vêlngeihnâk cu zungzal in a hmun” ti hi BAWIPA a ṭihtu hna nih chim hna seh. 5Ka vansan lio ah BAWIPA cu ka auh i, BAWIPA nih aka leh i hmun kau pi ah aka umter. 6BAWIPA cu keimah leiah a ṭang i, ka ṭih lai lo; minung nih ka cungah zeidah a tuah khawh lai? 7BAWIPA cu a ka bawmtu hna sinah keimah leiah a ṭang; cucaah aka huatu hna cungah ka duhmi kha ka hmuh lai. 8Minung bochan nâkin BAWIPA bochan a ṭha deuh. 9Bawi hna i bochan nâkin BAWIPA bochan a ṭha deuh. 10Miphun kip nih anka dûm, asinain cu hna cu BAWIPA min in ka hrawh dih hna lai. 11Annih nih anka dûm, asi, anka kulh; asinain cu hna cu BAWIPA min in ka hrawh dih hna lai. 12Khuai rual bantukin ka dûm hmanh hna seh; hling bur a alhmi bangin an mit; zeitintiah BAWIPA min in ka hrawh hna lai. 13Thlûk tîm in zângen in naka nam len, asinain BAWIPA nih aka bomh. 14BAWIPA cu ka ṭhawnnâk le ka hla a si, amah cu ka khamhnâk a si. 15Lunglomhnâk le khamhnâk thawng cu midingmi hna puan inah a um tawn; BAWIPA orhlei kut nih ralṭha ngaiin a tuah tawn. 16BAWIPA orhlei kut cu cawisan in a um tawn; BAWIPA orhlei kut nih ralṭha ngaiin a tuah tawn. 17Ka thi lai lo, asinain ka nung lai i BAWIPA tuahmi kha ka phuan hna lai. 18BAWIPA nih faktuk in aka chimhrin, asinain ka thih bel a siang rih lo. 19Dinnâk inkhar cu ka hunpiak law, cuka ah ka lut lai i BAWIPA cu ka thangṭhat lai. 20Hihi BAWIPA kutka, miding mi hna an luhnâk ding cu a si. 21Nangmah cu kan thangṭhat lai, zeitintiah nangmah nih naka leh i ka khamhnâk na si. 22Inn satu hna duh lomi lung kha, a biapi bikmi a kil lung a rak si. 23Cucu BAWIPA tuahmi a si, hihi ka mithmuh ah khuaruahhar a si. 24Hihi BAWIPA serpiakmi ni a si, cucaah kan i lawm i kan i nuam. 25Maw BAWIPA, atu ka khamh ko tiah thla ka cam; Maw BAWIPA, hlawhtlinnâk kan pe ko tiah, thla kan cam. 26BAWIPA min i a rami cu mithluachuak a si, BAWIPA inn in thluachuah kan in pêk hna. 27Pathian cu BAWIPA a si i amah nih ceunâk a kan pêk; raithawinâk ding cu hri in biakṭheng ki ah hreng u. 28Nang cu ka Pathian na si i kan thangṭhat lai. 29Aw, BAWIPA sinah lawmhnâk bia chim u, zeitintiah amah cu a ṭha! A velngeihnâk cu zungzal in a hmun. ALEPH
Currently Selected:
SÂM 118: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
