PHUNGTHLÛKBIA 9
9
1Fimnâk nih a inn a sak i tung pasarih a bunh. 2Sa a thah i misur hang phunphun hna a cawh hna i cabuai ah ei awk in a tuah. 3A umpi mi ngaknu a thlah hna i khualipi hmun sangbik in an au, 4“Mi sawhsawh a simi pauh hika leiah imer hna seh!” theihthiamnâk a baumi hna sin zongah, 5“Ra ulaw, ka changreu rak ei u, a phunphun cawhchihmi ka misur hi rak ding u,” tiah a ti. 6Hruhnâk hi kaltâk ulaw, nung u; cun theihthiamnâk lam hi zul hna u. 7“Zomhtaih hmang chimhringtu nih serhleihnâk a ton lai, misual chimhringtu nih kutthlâk a ton tawn. 8Zomhtaih a hmangmi cu chimhring hlah, huat na ton lai, mifim nun na chimh ahcun an dawt lai. 9Mifim chimhring law a fim chin lai; midik cawnpiak law a thiamnâk â chap lai. 10“BAWIPA ṭihzah hi fimnâk hram a si, Mithiang hngalh cu theihthiamnâk a si. 11Zeitintiah na ni hna cu ka tamter lai i na nun chung kum hna an chap lai. 12Na fim ahcun na caah a fimmi na si lai, nihsawh a hmangmi na si ahcun nangmah nih na tuar lai.” 13A hrutmi nu cu an aukhuang, mi sawsawh a si i zeihmanh a hngal lo. 14Zeitintiah a innkâ hramah a ṭhu i khualipi hmun sangbik ah a ṭhu tawn. 15Lam i a kalmi anmah le an lam cio i a kalmi kha a rak kawh hna. 16“Mi sawsawh a simi pauh hika ah ra hna seh,” tiah a ti; cun theihthiamnâk a baumi hna sinah, 17“Fir mi ti cu a thlum i a thlithup i eimi changreu cu a thaw khun,” tiah a ti tawn hna. 18Asinain cuka ah mithi an um ti kha a hngal lo, a khual hna cu a thuhnâk hell ah an um ti zong kha a hngal lo.
Currently Selected:
PHUNGTHLÛKBIA 9: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
