PHUNGTHLÛKBIA 30
30
1Jakeh fapa Azur phungthluk bia cu, amah nih Ithiel sinah - Ithiel Uhal sinah hitihin a ti. 2Mihrut bik ka si i minung nih theithiamnâk an ngeihmi zong hi ka ngei ve lo. 3Fimnâk hi ka cawng ve lo i mithiang mi hna hngalhnâk zong ka ngei hlei lo. 4Ahodah vanah a kai i ahodah a rung ṭum ṭhanmi cu? Ahodah a kut in thli a humtu cu a si? A puan in ti a zawitu cu ahodah a si? Vanhram deng vialte fehtertu cu ahodah a si? Amin hodah a si i, a fapa min zong ahodah a si, na hngal maw? 5Pathian bia vialte cu a thiang, â bochantu vialte caah Amah cu phaw a si. 6A bia kha chap hlah, coloahcun, an sîk lai i milihchim na si zia hmuh a si lai. 7Thil pahnih kan hal lai (ka thih hlan ah ka pe hram ko). 8A diklomi le lihbia hi lamhlapi ah ka chiahpiak hna law; sifahnâk siseh, rumnâk siseh ka pe hlah; ka herhmi rawl in ka cawn ko. 9Culoahcun ka ngeihdih ahcun kan hlawt lai “BAWIPA cu Hodah a si?” kan ti sual lai. Asiloah ka si a fâk lai i thil ka fir sual lai i ka Pathian min ka chiatter sual lai. 10Sinum cu a pu sinah congoih hlah, culoahcun chiat an serh sual lai i thiamlo na co sual lai. 11Anpa chiat a serh i annu le thluachuah a pe duh lomi chan an um. 12Anmah hmuhnâk i thiang ngai i â ruatmi chan an um, asinain an thurhnawmhnâk thenhpiak an si rih lo. 13Khua hoi a sâng ngaimi chan an um, an khua hoi cu a sâng tak tak ko. 14Anha cu chiandeih bantuk, anha tang lei cu namte bantuk a simi chan an um, hi lei cungin misifak hna le sem a ngaimi hna ei dih an timhnâk a si. 15Cangvat nih fanu pahnih a ngei i, ka pe, ka pe, tiah an ti. a cim kho lomi pathum an um. “Â za cang ti bal lomi,” thil pali an um. 16Thlân, a cingmi nauin, ti aiza lomi vawlei le, “Aza a ti bal lomi” mei an si. 17Apa a zomhtaih i anu bia zei i a rel lomi hna mit cu lakngak nih a coih lai i mufa le nih an ei lai. 18Thil pathum ka ca i khuaruahhar ngaimi an um; asi, ka theihthiam lomi pali hna he. 19Thli lak i mupi zuannâk lam le, lungpher cung i rul kalnâk le, tipi cung i tilawng kalnâk le, tlangval nih ngaknu a lennâk lam hna. 20Ṭangdang kai a hmangmi nu umtuning cu, a ei i a hmur a hnawh hnu ah, “Suahsualnâk zeihmanh ka tuahlo dah kaw” tiah a ti tawn. 21Thil pathum ruangah vawlei hi ṭih in a ther tawn; si ê, thil pali tuar awk a ṭha lomi cu. 22Umpi siangpahrang i â can le, mihrut nih eidinawk tampi a ngeih le, 23Nu ṭhalo nih va a ngeih le, sinum nu nih a pi dirhmun a chuhmi hna hi. 24Leicungah hin thil hmete pali an um, asinain cu hna cu an fim ngai ngai. 25Hngerhte hi an ṭhawng lo nain, ṭhal cân ah ei awk khon luaimai an hngalh. 26Saveh hi an derthawm ngai nain, a kuaimi lungpi karlak ah an um tawn. 27Khaubawk hna nih bawi an ngei lo nain, ruang tein kal an thiam. 28Maimomh hi a ke in â thlai nain siangpahrang inah an um tawn. 29Thil pathum kal a rang ngaimi an um, asi, kal a ṭhawng ngaimi cu pali an si! 30Chiandeih cu saram lakah a ṭhawng taktak, zeihmanh nih an khirh kho lo. 31Tlikzuamnâk ah hmanmi uico le, meheh pa le, siangpahrang a ralkap rual nih an kilvenmi hna. 32Mah le mah i cawisan tiangin na hruh ahcun, asiloah thil ṭhalo tuah nâ timh a si ahcun, na kut in na kâ i hup. 33Zeitintiah cawhnuk cawhlengmang nih cawhnuk khal a chuahter bantuk le, hnar hmeh i thi a chuah bantukin thinhunnâk chuahtermi nih buaibainâk a chuahter tawn.
Currently Selected:
PHUNGTHLÛKBIA 30: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
