PHUNGTHLÛKBIA 21
21
1Siangpahrang lungthin cu BAWIPA kut ah a um, tiva i ti a luangmi bantukin a duhnâk lei pauh ah a luanter tawn. 2Mahhmuhnâk ah kan umtuning hi a dik cio in kan ruah, asinain BAWIPA nih lungthin hi cuai ah a thlai tawn. 3Dinnâk le diknâk tuah hi, raithawinâk nâk in BAWIPA caah cohlan deuhmi a si. 4Mitcung chawnh le lungthin porhlawt le misuaksual hna meiin hi sual a si. 5Teima mi rem ruatnâk nih hlawknâk a chuahpi, asinain rianrang tuk i hmalaknâk nih chamhbaunâk a chuahpi tawn. 6Lihchim i hmuhmi chawva cu thihnâk kawltu hna rauthla a zuangmi bantuk a si. 7Misuaksual hna zângennâk nih anmah a hrawh hna lai, zeicatiah dinnâk i biaceih kha an hlawt caah. 8Thiamlo comi hna nunning cu â ngerh, asinain mithiang hna tuahmi tu cu a dikmi a si. 9Nupi phunciar he innpi chung um nâkcha cun inn cung ki te i um a ṭha deuh. 10Misuaksual nunnâk nih thilṭha lo a duh, a innpa hna nih a mit au ah duhpiaknâk an hmu lo. 11Nisawh a hmangmi hna dântatnâk ah, mi sawsawh nih fimnâk an i lâk, asinain mifim nih cawnpiaknâk a hmuh tikah hngalhnâk a hmuh tawn. 12Dinnâk Pathian nih misuaksual hna chungkhar kha ṭha tein a ruah i misuaksual cu an suahsualnâk in a hlawnh tawn hna. 13Mi sifâk au nâk aw a hna a cheh kanhtu hna cu, vansang au i an um tikah ngaihpiak an si ve lai lo. 14A thliin thilpêk nih thinhunnâk a daihter, a thli in ziknawhmi nih faktuk thinhunnâk zong a daihter. 15Biaceihnâk dik hi midik caah lomhnâk a si, asinain sualnâk tuahtu hna caah rawhralnâk a phân lai. 16Theithiamnâk lam pialtâktu hna cu mithi hna pumhnâk ah an i din ve lai. 17Nomhnâk lawng kawltu cu a si a fâk lai, misur hang le chiti a duh tukmi an rum lai lo. 18Misuaksual hna cu miding hna tlanhnâk ah hman an si lai, zumhawk a tlâk lomi hna cu midik hna tlanhnâk ah hman an si lai. 19Phunzai le ingpuan hmangmi nu he umṭi nâk cha cun ramcar i um hmanh a ṭha deuh. 20Mifim umnâk ah ro le a sunglawimi chiti a um i mihrut nih an sawksâm tawn. 21Dinnâk le velngeihnâk zultu hna nih nunnâk le dinnâk le upatnâk an hmuh tawn. 22Mifim cu miṭhawng khualipi ah a lut i khualipi kulh a fekmi kha a chimh tawn. 23A lei le a kâ a vengtu nih buaibainâk chungin a luat tawn. 24Mi ruamkai le porhlawmi cu a min hmanhah “Nihsawhtu” tiah kawh a si i hngal ngai le i uah ngai in a cawlcang tawn. 25Thathu mi duhbia phaimi nih amah a thah tawn, zeitintiah a kut in rianṭuan a duh lo. 26Nitlâk tein hngarnâk in khua a sa, asinain miding nih ui loin a pêk tawn. 27Misuaksual raithawinâk cu fihnung men a si, suahsual duhnâk lungput he raithawinâk hna cu zeitluk in dah fih a nun chinchin lai. 28Biahngaltu deu cu a lotlau lai, asinain hngalhpitu dik nih a hngalhmi bang i a chimmi cu cohlan piak a si lai. 29Misuaksual cu a mithmai a tunter, asinain midik nih a lam kha a fehter. 30BAWIPA ralchanh in fimnâk le theihthiamnâk le remruatnâk hna a um lo. 31Rangtum cu raldohnâk ni caah timhlamh a si i teinâk tu cu BAWIPA ta a si.
Currently Selected:
PHUNGTHLÛKBIA 21: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
