HEBRU 4
4
1Cucaah, ṭih u sih, a dinhnâk chung luhnâk biakam a hmunh lio ahhin nan lakah a tling lomi nan um sual lai. 2A ngaingai tiah, kan sin i chim a si bangin Thawngṭha kha an sin zongah chim a si ve ko, asinain a ngaitu hna nih zumhnâk he an fonh hna lo ruangah an ngaihmi bia kha san an tlaihpi lo. 3Zeitintiah vawlei ser ka in rian kha lîm dih asinain thin hungin chiat kâ rak serh cang bang khan, ka dinhnâk ah an lut lai lo, tiah a rak chim cang. Cuticun kannih zumtu hna hi cu dinhnâk ah cun kan lut cang. 4Zeitintiah ni sarih kong cu hitihin hmun khatah a rak chim cang; “Ni sarih ni ah Pathian nih a rian ṭuanmi vialte a dinhtâk,” 5cun hi hmun ah hin, “Ka dinhnâk ah an lut lai lo,” tiin a chim ṭhân. 6Cucaah mi cheukhat hna caah luhkhawh a si ko rih, Thawngṭha chim a thei hmaisatu hna kha nawlngaih lonâk ruangah an luh khawh lo caah, 7David nih ni zeimaw kha “Nihin” tiin a ruah i cân saupi hnu ah: “Nihin ah” hin a aw nan theih ahcun, nan lung ṭhawnter hlah u,” tiah a rak ti ṭhân. 8Joshua nih khan dinhnâk rak pe hna sehlaw, a hnu ah ni dang chim ṭhân a herh ti lai lo. 9Cucaah Pathian mile hna caah dinhnâk a um ko rih. 10Zeitintiah a dinhnâk ah a lut i â dinmi hna nih Pathian nih a tuah bang khan a rian ṭuanmi kha a dinhtâk tawn. 11Cucaah cu dinhnâk ah lut dingin i zuam u sih, culoahcun nawl a ngai lomi hna bangin kan tlu ve sual lai. 12Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih. 13Sermi thil a mithmuh ah thuhmi zeihmanh a um lo, kan kong kan chimnâk ding Pa mithmuh ah zeizong vialte taklawng le oncia in a um dih. 14Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih. 15Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si. 16Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.
Currently Selected:
HEBRU 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
