HEBRU 13
13
1Unau dawtnâk hi umpeng seh law. 2Ṭha te i khualtlung zohkhenh hi philhhlah u, cubantuk an philh lio cân ah cheukhat hna cu vancungmi nih an tlun tawn hna. 3Thongtla hna kha a tla vemi bangin philhhna hlah u. Pumsa i a ummi nan si bangin serhsatmi hna zong kha, serhsatmi bangin philhhna hlah u. 4Mi vialte sinah ṭhit-umh hi hmaizah siseh law, nuva ihkhun kha thûrter sihlah seh. Nupa sualnâk a tuahmi le ṭangdang kaimi cu Pathian nih bia a ceih hna lai. 5Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti. 6Cuticun ralṭha in, “BAWIPA cu aka bawmtu a si, ka ṭih lai lo. Minung nih zeidah anka tuah khawh lai? tiah kan ti. 7Nan sin i Pathian bia a rak chimtu le nan hotu hna kha philh hna hlah u, an nunning kha i zohchunh u law, an zumhnâk kha zul hna u. 8Jesuh Krih cu nizan, nihin, a zungzal in a hmun. 9Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo. 10Kannih nih biakṭheng kan ngeihmi ah biakthlâm i rianṭuantu hna nih ei khawhnâk nawl an ngei lo! 11Tlângbawi Nganbik nih saram thisen cu hmunthiang ah sual raithawinâk caah a luhpi, a ruak tu cu haulengah an khangh tawn. 12Cubangin Jesuh zong nih, Amah thisen hrimhrim in mi a thianter khawh nâkhnga, hau lengah ah a rak tuar. 13Cucaah Amah an zomh taihnâk cu phor in, haulenglei ah a sinah kal u sih. 14Zeitintiah hika ah hin a hmunmi khua kan ngei lo, a ra laimi khua khi kan kawlmi cu a si. 15Cucaah Amah thawngin thangṭhat raithawinâk hi Pathian sinah pechân lengmang u sih, cucu hmurkâ in a min kan ṭanhnâk theipar a si. 16Asinain thilṭha tuah le nunsian hi phihhlah u. Cubantuk raithawinâk ah Pathian â lawm tawn. 17Nan hotu le nawl ngai ulaw, an sinah i pe u, zeitintiah nan konglam chimtu le nan nunnâk kilvengtu an si. Ngaihchiat bu si loin lunglomhnâk he an chim khawh nâkhnga, zeitintiah cubantukin nan chimter hna ahcun nan caah a ṭha lai lo. 18Kan caah thlacam u; a lamkip in hmaizahmi si hi kan i tim. Chiaṭha hngalhnâk ṭha in kan tuah tiah kan hngalh. 19Nan sin i ka rak kir zau khawh nâkhnga, thla rakka cam piak cawlh dingin kan nawl hna. 20A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin, 21A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen. 22Cun unau hna, thapêknâk bia hi ṭha tein ngai dingin kan nawl hna, tawi tein ka rak ṭial ko hih. 23Kan unau pa Timote kha zalong tein an chuahter cang ti kha rak hngal ulaw, a rat zau ding a si ahcun amah he kan in hmuh hna lai. 24Nan hotu hna le mithiang vialte kha an kut ka tlaihpiak hna u. Itali rammi hna nih nan kut an in tlaihhna. 25Nan dihlak cungah zângfahnâk um ko seh. Amen.
Currently Selected:
HEBRU 13: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
