EFESA 6
6
1Ngakchia hna, Bawipa ah nan nu le nan pa nawl ngai hna u, cucu a dikmi a si. 2“Nanu le napa upat hna” timi hi biakamnâk he nawlpêk hmasabik a si. 3“Cuticun na caah a ṭha lai i vawlei ah na nun khua a sau lai,” 4Cun pale hna, nan fale an thin hunter hna hlah u, Bawipa chimhhrinnâk le, nunchimhnâk tu in zohkhenh hna u. 5Sinum hna, Krih bia nan ngaih bantukin, ṭih le phâng bu tein lungthin tak takin, 6mit rianṭuantu bantuk si loin, minung lawmhtertu men zong si loin Krih sinum taktak bantukin, Lungthin tak takin Pathian duhning tuah in, 7minung rianṭuantu bangin ṭuan loin nanmah te nan i pêknâk bangin rian ṭuan u, 8sinum siseh, miluat siseh, mikip nih thilṭha an tuahning cio in Bawipa sinin a sining tein an hmuh ṭhân te lai ti kha hngal bu tein nan hotu le hna nawl ngai u. 9Nannih hotu le hna, nan Hotu taktak cu vanah a um ti le, Amah ah thleidannâk a um lo ti kha hngal in, hrocer loin an cungah tuah ve u. 10A donghnâk ah ka ule nau hna, Bawipa le a lianngan mi a ṭhawnnâk ah ṭhawng ngaiin um u. 11Khuachia hlenthawinâk chungin nan dir khawh nâkhnga Pathian raltluam tlingin i thuam u. 12Zeitintiah thisa le thisen he kan i pai lo, asinain kan dohmi hna cu bawinâk le, nawlngeihnâk le, hi vawlei khuamui i biaceihtu hna le van hmun i thlarau sual hna khi an si. 13Cucaah ni ṭhalo ah nan dir khawh nâkhnga le, nan tei dih hnu zongah nandir khawh peng nâkhnga, Pathian ralthuam tlingin i thuam u. 14Cucaah fek tein dir u law, nan taiah biatak in i sawm u, dinnâk ṭangphaw i benh u, 15cun daihnâk thawngṭha caah timhcia i umnâk kha nan kedan ah hmang u law, 16hi thil vialte hleiah a alhkhomi misuaksual pa thal vialte hmihnâk caah zumhnâk phaw i lak u. 17Cun khamhnâk kha luchin ah hmang u, Thlarau vainam Pathian Bia kha i tlaih in; 18thlacamnâk le nawlnâk vialte kha Thlarau in tuah ulaw, fimhring te le ralring tein mithiang vialte caah biatak tein thla cam u- 19cun thawngṭha biathli cu phuang dingin pêk ka si i ka kâ ka ân i ral ṭhain ka chim khawh nâkhnga thla ka campiak ve u, 20zeitintiah hi thawngṭha Lamkaltu, cikcin in hrenchihmi ka si, cucaah ka chim hngami ral ṭhain ka chim khawh nâkhnga ka nawlpiak u. 21Nannih zong nih ka kong le ka um tuning nan hngalh khawh nâkhnga Ṭaikhikhas, Bawipa i dawtmi unau le zumhawktlak rian ṭuntu nih hin zeizong vialte an chimh hna lai, 22hi thil ruangah amah hi nan sin i ka rak thlahnâk cu a si, kan rianṭuannâk kong nan hngalh i amah zongnih nan lungthin hnâ a ngamter nâkhnga. 23Pa, Pathian le Bawipa Jesuh Krih sinin daihnâk le zumhnâk â telmi dawtnâk cu unau hna sinah khan um ko seh. 24Kan Bawipa Jesuh Krih zumhtlâk i a dawtu vialte sinah zângfahnâk um ko seh. Amen.
Currently Selected:
EFESA 6: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
