ACT 18
18
1Cuthil hna hnu ah Paul nih Âthên a chuahtâk i Korin ah a kal. 2Cuka ah Judah mi pakhat Akuila a hmuh, amah cu Pontia ram i a chuakmi a si. Klaudias nih Judah mi vialte Rom khua in chuak dih dingin nawl a pêk ruangah a nupi Prisila he Itali in an rak phâk ka a si, cu hna innah a tlung. 3Zeicatiah an rianṭuanmi â lawh caah an umṭinâk cu a si. An rianṭuanmi cu Puaninn ser a si. 4Sabbath nichiarte Sinagog ah Pathian bia a chim tawn i Judah mi le Krik mi zong a sawm khawh hna. 5Sailas le Timote cu Mesidonia ram in an rak phâk hnuah Paul cu Thlarau nih a namchih ruangah, Judah mi hna sinah Jesuh cu Krih a si tiah a chim tawn. 6Asinain an rak doh i an thangchiat tikah a puan a thinhnawh hna i an sinah, “Nan thisen mawh cu nan lucung ah tla seh, kei cu ka thiang. Atu thawk in Gentel hna sinah ka kal cang lai,” tiah a ti. 7Cu hmun cu a chuahtâk i mi pakhat a min Jastas innah a lut, amah cu Pathian biatu a si i a inn zong sinagog changtu a si. 8Krispas, sinagog hotu cu a chungkhar vialte he Bawipa an zumh. Korin khua mi tampi zong nih an theih i an zumh i baptisma zong an in. 9Zanah Paul sinah Bawipa â lang i bia a chimh, “ṭih hlah, dai loin bia chim lengmang ko; 10zeitintiah na sinah ka um ko, ahohmanh nih fahnâk an in pe lai lo, hi khua ah hin mi tampi ka ngeih ko hna,” tiah a ti. 11Kumkhat le thlaruk chung mi sinah Pathian bia chim in a um. 12Gallio cu Akai ram i uktu bawi a si lioah, Judah mi hna nih lungrual tein Paul cu an tlaih i biaceihtu hmai ah an chuahpi. 13“Hi pa nih hin nawlbia ralchanh in Pathian biak awkah mi a sawm tawn hna,” tiah an ti. 14Paul nih a leh hlan ah Gallio nih Judah mi hna sinah, “Judah mi hna, hihi nawl buarnâk maw, thil ṭhalo tuahnâk kong hna sisehlaw kan ruahpiak hrimhrim ko hna lai, 15asinain, bia, min le nan nawlbia kong hna a si ahcun nanmah tein ceih u, kei nih cubantuk kong ka ruat duh lo,” tiah a ti. 16Cuticun biaceihnâk hmun in a ṭhawl hna. 17Grik mi vialte nih sinagog hotu Sosthen an tlaih i biaceihnâk ṭhutdanh hmai ah an tuk i Gallio nih cubantuk thil cu zeihmanh ah a rel lo. 18Paul cu ni sau nawn ṭha te in a câm i unau hna cu a kaltâk hna. Siria ramlei ah tilawng in a kal. Prisila le Akuilas zong nih an zulh. Biakam a ngeih caah Kenkthria khua ah a lu â kongh. 19Efesa khua a rak phân i cuka ah annih cu a chiahta hna, anih tu cu sinagog ah a lut i Judah mi hna sinah bia a chim. 20Annih nih sau deuh câm dingin an sawm nain a cân â rem deuh loin a ruah. 21A ra laimi Thô ah hin Jerusalem i ka um hrimhrim a herh, Pathian a hna a tlâk ahcun nan sinah ka ra ṭhân lai tiah a ti. Cuticun Efesa khua in tilawngin a kal. 22Sisaria a phân i Jerusalem khua ah a kal, kawhhran kha an kut a tlaih hna i cu hnuah Antiok ah a kal. 23Cuka ah cân saupi a câm hnu ah, a kal ṭhân i zultu vialte hna fehter pah in Galatih ram le Frizia ram a ṭol dih. 24Cubangin Judah mi pakhat, a min Apollo, Aleksandria khawchuak, ṭhahnem a ngai tak takmi, biachim a thiam i Cathiang zong a hngal tak takmi kha Efesa a phân. 25Cu pa cu Bawipa kong cawnpiak cangmi a si, ṭhahnem a ngaimi a si caah Bawipa kong cu ṭhahnem ngai ngaiin, a cawnpiak tawn, asinain Johan Baptisma kong lawng a theih. 26Sinagog ah ralṭha ngai in bia chim a thawk i Prisila le Akuilas nih a biachim an theih tikah a dang tein an hruai i a sinah Pathian lamthluan cu felfai tein an chimh. 27Akai ram ah kal â tim, an rak cohlan nâkhnga zultu hna sinah ca an ṭialpiak, a va phâk tikah, Pathian zângfahnâk ruangah zumtu kha tampi in a bomh hna; 28zatlâng hmai ah Judah mi hna cu holh kho loin a el tawn hna i Cathiang hmangin Jesuh cu Krih a si tiah a langhter tawn.
Currently Selected:
ACT 18: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
