ACT 17
17
1Cubangin Amfipolis khua le Apollonia khua lanhtâk in Thesalonika khua an phân. Cuka ah Judah mi hna sinagog a um. 2Paul cu a tuah tawn bangin sinagog ah a lut i sabbath voithum tiang Cathiang chungin 3Krih cu harnâk temtuar ding a si zia le thihnâk in a thoṭhân ding a si zia a phunphun in a langhter i a fianter tawn. Hi Jesuh kan chimmi hi Krih cu a si, tiah a ti. 4Mi cheukhat nih an zumh i Grik mi hna lakah Pathian duhmi cheukhat le nu hruaitu mi zeimawzat nih Paul le Sailas kha an zulh. 5Asinain a zum duh lomi Judah mi nih an hnahchuah hna i chawdawr hmun i â chawk sawhsawhmi misual kha an i sawm hna i khuachung kha an buaiter dih. Zatlâng ah chuahpi dingah Josan in kha an va nam. 6Asinain annih kha an hmuh hna lo tikah Josan le unau dang hna tu kha khua uktu hna sinah an kalpi hna. An au i vawlei buaitertu hna kha hika zongah an ra, 7Josan nih â tlunter hna; hi hna nih Jesuh siangpahrang dang a um tiin Sizar nawlpêk an ralchanh,” tiah an ti. 8Cu bia an theih tikah mibu hna le khua uktu hna cu an buai ngaingai. 9Josan le midang sinin an aiawh i chiah ding thil an lâk hnu ah an chuah hna. 10Unau hna nih cu zan lila ah Paul le Sailas kha Beria khua ah an kalter hna. Cuka an phâk tikah Judah mi sinagog ah an lut. 11Cu khuami hna cu Thesalonika khuami hna nâk in an ṭha deuh, bia kha timhcia tein an rak cohlan, hi thil hna hi a si taktak maw si taktak lo ti hngalhnâk caah nichiar tein Cathiang in an dothlat. 12Cucaah mi tampi nih an zumh. Grik hmaizahmi nu hna le pa tampi zong nih an zumh. 13Asinain Thesalonika khua i Judah mi hna nih Paul nih Beria khua ah Pathian bia a chim ti kha an theih tikah an ra i mizapi kha an tukforh hna. 14Cuticun unau hna nih rili tiang kal dingin Paul cu an thlah, Sailas le Timote tu cu cuka ah an câm. 15Cuticun Paul hruaitu hna nih Âthên khua an kalpi. Paul nih Sailas le Timote cu a sinah khulrang i ra dingin bia a cah i an kir. 16Cubangin Paul nih Âthên khua in a hngah hna lioah, khua cu milem lawng tein a khah kha a hmuh tikah a thlarau in a si a vâng. 17Cucaah Sinagog ah Judah le Gentel chungin Pathian a duhmi kha a ruahpi hna. Market hmun zongah nichiar tein a caihpi hna. 18Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti. 19Cun an hruai i Areopagas ah an kalpi, “Hi cawnpiaknâk thar na chimmi hi nakan fianter kho hnga maw? 20Kan hna chungah a mak ngaimi biathar na phâkter fawn. Cucaah hi thil hi zei set dah a si kha hngalh kan duh,” tiah an ti. 21Zeitintiah Âthên mi hna cu an khual ngeihmi hna tiangin zei dang ruat loin biathar chim ding le mi chimmi ngaih ding lawng an ruat tawn. 22Cuticun Paul cu Areopaga laifang ah a dir i, “Nannih Âthên mi hna, a lamkip in biaknâk minung nan si hi ka hngalh. 23Kâ chawhleh pah in nan biakmi hna ka zoh i bia`heng pakhat cungah, “HNGALH LOMI PATHIAN CAAH” tiah ṭialmi ka hmuh. Cuticun hngalh lo buin nan biak tawnmi kha, cu kong cu kan chimh hna. 24Pathian, vawlei le a chung i a ummi vialte a sertu cu lei le van Bawi a si caah, kut i sakmi ṭempal ah a um lo. 25Chambaumi bangin minung hna kut in rian ṭuanpiak herh zongin a um lo, Amah tu kha zeizong vialte sinah nunnâk le thaw le thil vialte petu a si. 26Cun leicung vialte i khuasa dingin thisen pakhat chungin miphun vialte a ser i an caah khuacân a khiahpiak hna i an umnâk ramri zong a khampiak hna. 27Bawipa kha an kawl i an hmuh khawh nâkhnga le an dahhriah lengmang i hmuh zong an hmuh phum nâkhnga, Amah cu aho sin hmanh in â hlat lo nain. 28Zeitintiah Amah ah, kan nung, kan cawl, kan câng i khua kan sa, nan hlaphuah thiam hna zong nih, “Kannih zong a tefa kan si ve,” an rak ti bang khan. 29Cuticun Pathian tefa kan si caah Pathian sining cu sui le ngun, lung le minung zungthiamnâk i serchawmmi bantuk ah kan ruah awk a si lo. 30A ngaingai tiah, Pathian nih kan hngalh lo cân hna cu â cinken lo, asinain atu ah ramkip i mi vialte ngaihchih dingin nawl a pêk hna. 31Dinnâk in vawlei hi bia a ceih lainâk ni kha a khiah cang i biaceihtu ding zong a ruah cang. Cucu mi vialte nih an hngalhfian khawh nâkhnga thihnâk in a thawhter,” tiah a ti. 32Mithi thawhṭhânnâk kong an theih tikah, cheukhat nih an nihsawh, cheukhat nih, “Hi bia hi na sinin kan ngaih ṭhân te lai,” tiah an ti. 33Cuticun Paul nih a chuahtâk hna. 34Asinain cheukhat hna cu amah lei ah an ṭang i an zumh. Cu hna lakah, Areopagas chungmi Dionisias le nu pakhat Damaris le midang hna he.
Currently Selected:
ACT 17: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
