2 PETER 1
1
1Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah, 2Pathian le kan Bawipa Jesuh Krih hngalhnâk ah nan cungah zângfahnâk le daihnâk karhter in um ko seh. 3A sunparnâk le ṭhatnâk thawngin a kan kotu nih, amah hngalhnâk thawngin a ṭhawnnâk in nunnâk caah le Pathian ṭihzahnâk caah a herhmi vialte a kan pêk, 4cu nih cun a ngan tak takmi le a sunglawimi biakam kan sinah a kan pêk cang, cu thawngin Pathian nunning i hrawm kho ve dingin horduh cuainâk ruang i a rawkmi vawlei hi nan hrial khawh lai. 5Hi ruangah hin teihmâk chuah u law, nan zumhnâk ah khan ṭhatnâk telhchih u law, ṭhatnâk ah khan hngalhnâk telhchih u, 6hngalhnâk ah khan i sûmnâk telhchih u law, i sûmnâk ah khan inkhawhnâk telhchih u, inkhawhnâk ah khan Pathian ṭihnâk telhchih u law, 7Pathian ṭihnâk ah khan unau zawnruahnâk telhchih u, cun unau zawnruahnâk ah khan dawtnâk telhchih u. 8Zeitintiah hi hna hi nan ta a si i a karh lengmang ahcun kan Bawipa Jesuh Krih hngalhnâk kongah taklawng le theitlai ngei loin an umter hna lai lo. 9Zeitintiah mizei pauh cubantuk a baumi cu tawite lawng a hmumi mit caw bantuk a si, hlanlio a sualnâk ṭawlpiak a simi hmanh a philh cang. 10Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo. 11cuticun Jesuh Krih kan Bawipa le khamhtu nih zungzal ram i luhkhawhnâk cu siangngai in an pek hna lai. 12Hiruangah hin biatak hngalhnâk kongah rak fek cang hmanh ulaw, hngalhter ṭhân ding in kâ zuam chin lai. 13Asi, hi thlâm chung i ka um chung pauh cu nan lung lawmhter lengmang hi a ṭha tiah ka ruah. 14Kan Bawipa Jesuh Krih nih aka hngalhter bang khan, hi ka thlâm ṭhehcân hi a phân zau lai ti kha ka hngalh. 15Ka thihhnu zongah cu thil hna cu nan hngalh pengnâk lai, fakpi in kâ zuam ko lai. 16Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si. 17Zeitintiah Pa Pathian sinin thangṭhatnâk le sunparnâk a hmuh lio ah, Liannganbik sinin aw a rak phân i, “Hihi ka Fapa dawtmi, kâ lawmhnâk bik cu a si,” tiin. 18A thiangmi Tlâng i a sinah kan um lio ah khan, vanin cu aw a rami cu kanmah hrimhrim nih kan theih. 19Cun chimchung bia a hmânning fehter cangmi cu kan ngei. Ceunâk nih muihnâk hmun a ceuh i khua a dei in nan lungthin i deirel arfi a rak chuah hlanpauh cu, chimchung bia cu biatak i nan ruah ahcun nan ca a ṭha lai. 20Hihi hngal hmasa u, Cathiang chung i chimchung bia vialte hi pumpak ruahnâk phuannnâk bia men men an si lo, 21Chimchung bia hna hi minung duhnâk in a chuakmi an si bal lo. Pathian mithiang hna nih Thiang Thlarau nih a hngalhter hna ningin an chimmi a si.
Currently Selected:
2 PETER 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
