2CO 9
9
1Mithiang hna caah rianṭuannâk kong tu cu nan sinah ṭial theng a herh lo; 2zeitintiah nan nunsianning kan hngalh ko, Masidonia mi hna sinah, “Akai rammi hna nih kumkhat a liam cangmi ah an timh dih cang,” ti in ka ti hna i kan in hmaihngalpi ngaingai hna. Nan lungthawhnâk nih anmah chung i mi tampi lung zong a thawhter hna. 3Asinain hi kong ah kan in thangṭhat mi hna hi pakpalawng a si sual nâkhnga lo, timh cia i nan um nâkhnga, unau hna hi ka rak thlah lai. 4Culoahcun Masidonia in mi zeimaw nih an ka zulh sual lai i timh cia i nan um lo an hmuh sual ahcun kannih (nannih kan ti hna lo) nanmah â hmaihngalpitu hi kan ning a zak sual lai. 5Cucaah nan rak i kam cangmi, siangngai i nan pêkmi cu timh cia te i a um nâkhnga, unau hna hi ka rak thlah hmasa lai. Cucaah nan thawhlawm cu hnêkchawm mi si loin siannâk in a chuakmi a si awk a si. 6Asinain hihi ka chim. Tlawmte tuhtu nih tlawmte a zûn lai, tampi tuhtu nih tampi a zûn lai. 7Cuticun mikip nih sianlo buin pe loin, peklo khawh lo i ruah ruang i pe loin, a lungin a timhning cio in pe seh. Zeitintiah Pathian nih lunglawm te i petu kha a dawt hna. 8Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai. 9“A phawtzamh i Sifak hna sinah a pêk, a dinnâk cu zungzal in a hmun,” tiah ṭial a si. 10Cubangin thlaici tuhtu sinah thlaici petu, eiawk rawl petu, thlaici petu le karhtertu, dinnâk theitlai karhtertu nih, 11nansiannâk ruang i zeizong vialte ah an rumter hna nâk thawngin kannih lei zong nih Pathian sinah lawmhnâk bia chim awk kan rak ngei ve. 12Zeitintiah hi bomhnâk rian nih hin mithiang hna chamhbaunâk a tlinter lawng si loin Pathian sinah lawmhnâk bia chim awk a liam in a liamter, 13hi rian nih hin, Krih thawngṭha zumhnâk nan pom ning le, anmah le mi vialte ca pêk lei i nan siannâk thawngin Pathian an thangṭhat tawn, 14cun nan cungah Pathian zângfahnâk a tamtuk ruangah hin, nanmah ngaih bu in nan caah thla an cam. 15Chimkhawhlomi a thilpêk ruangah Pathian sinah lawmhnâk bia um ko seh.
Currently Selected:
2CO 9: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
