2CO 2
2
1Asinain ngaihchia buin nan sin i rat ti lo dingin biakhiahnâk ka tuah cang. 2Zeitintiah nan ngaih kan chiatter hna ahcun a ka lawmhtertu dang, nan ngaih a chiatnâk cu dah ti lo cu an um hlei hnga maw? 3Hihi câ ka ṭial chan cu a si, culoahcun ka rat tikah, ka lunglomhnâk dingah, ngaihchiatnâk tu ka hmuh sual lai, kâ lawmh taktak ahcun nan dihlak lawmhnâk zong a si lai, tiah ka zumh. 4Zeitintiah mitthli tla thluahmah in lungthin i hrum ai le lungfak taktak buin hi ca hi ka ṭialmi a si, nanmah ngaihchiatnâk ah si loin, zeitluk tam in dah kan dawt hna tiah nan hngalh nâkhnga caah a si. 5Asinain mi pakhat nih ngaihchiatnâk a chuahter ahcun, keimah lawng ngaihchiatter lo in nangmah ngaihchiatter zong a si, asinain luantukin afah sual nâkhnga lo, ka timi a si. 6Hi dântatnâk mi tampi nih nan tuahmi hi cubantuk mi caah cun â za ko, 7cuticun nan rak ngaihthiam lehlam i a hna nan ngamter cang, culoah cun ngaihchiatnâk nih cupa cu a dawlh sual lai. 8Cucaah amah nan dawtnâk tu kha fehter ṭhân ulaw kaduh. 9Cucu hi ca ka ṭial chan zong a si, thil vialte ah nawl nan ngaih le ngaih lo kan hniksaknâk hna can zongah a si. 10Cubangin zeithil pauh ah nan ngaihthiammi cu, kei zong nih ka ngaihthiam ve. Keizong nih zeithil pauh ka rak ngaihthiam ahcun nanmah caah Krih hmaiah ka ngaihthiam. 11culoahcun, Satan nih cânrem laknâk ah a kan hmansual lai; a hlenthawinâk cu kan hngalh ko. 12Cuhleiah Krih thawngṭha chimding in Troas khua ka phâk ah khan Bawipa nih lam a ka on piak, 13ka unau pa Titas cu ka hmuh lo ruangah ka thlarau cu aidin kho lo; asinain annih cu kaltak in, Masidonia ah ka kal. 14Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk. 15Zeitintiah khamhlio mi le a tlau liomi hna caah Pathian caah Krih rimhmui kan si. 16Bu khat caah thihnâk i hruaitu ding thihnâk rim kan nam, bu khat lei caah nunnâk i hruaiding ah nunnâk rim kan nam ṭhân. Cubantuk caah a hodah a tling kho hnga? 17Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.
Currently Selected:
2CO 2: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
