Yeremia 7
7
Aniani nyamesom
1Asɛm a ɛfiri AWURADE nkyɛn baa Yeremia nkyɛn, sɛ: 2Kɔgyina AWURADE fie ponkɛseɛ mu, na kɔpae asɛm yi hɔ ka sɛ: Montie AWURADE asɛm, mo Yudafoɔ nyinaa a mofa aponkɛseɛ yi mu bɛsɔre AWURADE. 3#Yer 26.13; Yes 1.16 Sɛ asafo AWURADE, Israel Nyankopɔn seɛ nie: Momma mo akwan ne mo nneyɛɛ nyɛ yie, na mama moatena ha yi. 4Mommfa mo ho nnto atorosɛm yi so sɛ: AWURADE asɔrefie, AWURADE asɔrefie, AWURADE asɔrefie nie!
5Na sɛ momma mo akwan ne mo nneyɛɛ yɛ yie ampa, sɛ mobu onipa ne ne yɔnko ntam atɛntenenee, 6#Eks 22.21-22 sɛ moanhyɛ ɔhɔhoɔ, awisiaa ne okunafoɔ so, anaasɛ moanhwie mogya a ɛdi bem angu ha yi, na moanni anyame foforɔ akyi amfa anyɛ mo ho bɔne a, 7ɛno na mɛma moatena ha, asase a mede memaa mo agyanom firi tete sɛ ɛnkɔsi daa no soɔ.
8Hwɛ, mode mo ho to atorosɛm a ɛnyɛ mma hwee no so. 9Mobɛbɔ korɔno, adi awu, asɛe awadeɛ, akeka ntanhunu, akɔhye aduhwam ama Baal, akɔdi anyame afoforɔ a monni wɔn akyi, 10#Yer 4.10 ansa na moaba abɛgyina m’anim efie yi a wɔde me din ato no yi mu na moaka sɛ: Wɔayi yɛn afiri mu, ama moakɔ so ayɛ akyiwadeɛ yi nyinaa anaa? 11#Mat 21.13 Adwotwafoɔ tu na efie a wɔde me din ato no yi ayɛ mo ani soɔ anaa? Me nso, hwɛ, mahunu, AWURADE asɛm nie. 12#Yos 18.1; 1 Sa 4.12; Dwom 78.60 Na monkɔ me tenabea a ɛwɔ Silo a meyii no akane sɛ me din ntena hɔ no, na monkɔhwɛ deɛ me man Israel bɔne no nti mayɛ no. 13#Mmb 1.24; Yes 65.12 Na afei, ɛsiane sɛ moayɛ yeinom nyinaa, AWURADE asɛm nie, na matua nhema makasa makyerɛ mo, makasa na moantie, na mafrɛ mo nso na moannye soɔ nti, 14#Yer 26.6 mɛyɛ efie a wɔde me din atoɔ no a mode mo ho to soɔ no ne tenabea a mede memaa mo ne mo agyanom no, sɛdeɛ meyɛɛ Silo no ara, 15#2 Ah 17.18-23 na matoto mo afiri m’anim agu, sɛdeɛ metoo mo nuanom nyinaa, Efraim asefoɔ nyinaa, guiɛ no.
16 #
Yer 11.14; 14.11 Enti wo deɛ, mpa kyɛw biara mma ɔman yi, nso mma wɔn ho abooboodie ne mpaebɔ so na nsrɛ mma wɔn, ɛfiri sɛ merentie wo. 17Wonhunu deɛ wɔreyɛ Yuda nkuro mu ne Yerusalem mmorɔno soɔ no anaa? 18#Yer 44.17 Mma tase nnyina, na agyanom sɔ ogya, na mmaa fete mmɔre sɛ wɔreyɛ taterɛ ama ɔsoro hemmaa#7.18 ƆSORO HEMMAA: Oyi yɛ Asiria ne Babelfoɔ bosombaa bi a wɔde no toto Kanaanfoɔ bosombaa Astarte a wagye din sɛ ɔtumi ma awoɔ no ho. no, na wɔagu anyame foforɔ ahwiesa, de yi me abufuo. 19Me na wɔyi me abufuo? AWURADE asɛm nie, ɛnyɛ wɔn ho na wɔyɛ no sakasaka? 20Enti sɛ AWURADE Nyankopɔn seɛ nie: Hwɛ, wɔbɛhwie m’abufuo ne m’aboɔhyeɛ agu ɛha yi, nnipa ne mmoa, wira mu nnua ne asase so aba so, na adɛre a ɛrennum.
21 #
Dwom 50.8-15
Sɛdeɛ asafo AWURADE, Israel Nyankopɔn seɛ nie: Momfa mo hyeɛ afɔdeɛ nka mo kum afɔdeɛ ho, na monni nam. 22#Mika 6.6-8; 1 Sa 15.22 Ɛfiri sɛ da a meyii mo agyanom firii Misraim asase soɔ no, manka wɔn ɔhyeɛ afɔdeɛ ne okum afɔdeɛ ho asɛm na manhyɛ wɔn ɛho mmara biara, 23#Eks 19.5 na mmom asɛm yi ho mmara na mehyɛɛ wɔn sɛ: Montie me, na mɛyɛ mo Onyankopɔn, na mo nso moayɛ me ɔman; na monnante me kwan a mahyɛ mo ho mmara nyinaa so, na awie mo yie. 24#Yer 11.18; Yes 65.2 Nanso wɔantie, na wɔammrɛ wɔn aso ase, na wɔfaa wɔn ara wɔn akwan so, dii wɔn akoma bɔne denyɛ akyi, na wɔsanee wɔn akyi, na wɔankɔ anim. 25Ɛfiri da a mo agyanom firii Misraim asase so de bɛsi nnɛ da yi, masoma me nkoa, adiyifoɔ no nyinaa, aba mo nkyɛn; daa na metuaa nhema mesomaa wɔn, 26#Yer 16.12 nanso wɔantie me, na wɔammrɛ wɔn aso ase, na wɔsenee wɔn kɔn yɛɛ bɔne sene wɔn agyanom.
27Na woka nsɛm yi nyinaa kyerɛ wɔn a, wɔrentie wo, na wofrɛ wɔn a, wɔrennye wo so. 28#Yer 5.1 Na ka kyerɛ wɔn sɛ: Yei ne ɔman a wɔntie AWURADE wɔn Nyankopɔn na wɔnnye atenetene no; nokorɛ asa, na atu afiri wɔn anomu.
29Yi wo tirinwi gu,
na twa mpampa pataa so agyaadwo,
na AWURADE apo nnɛɛmmafoɔ a
ne bo afu wɔn no, asum wɔn agu.
30 #
Yer 32.34
Na Yuda mma ayɛ m’ani so bɔne, sɛ AWURADE seɛ nie, wɔde wɔn akyiwadeɛ asisi efie a wɔde me din atoɔ no mu, de agu ho fi; 31#2 Ah 23.10; Lew 18.21 na wɔasisi Tofet sorɔnsorɔmmea a ɛwɔ Hinom ba bonhwa mu no, de hye wɔn mmabanin ne wɔn mmammaa ogya mu; nso menhyɛɛ wɔn saa, na ɛmmaa m’adwene mu saa da. 32#Yer 19.6 Enti sɛ AWURADE seɛ nie, hwɛ, nna bi reba a wɔremfrɛ no Tofet anaa Hinom ba bonhwa bio, na mmom okum bonhwa, na wɔbɛsie nnipa Tofet hɔ, amusiebea a wɔnnya nti. 33#Yer 19.7; 9.22 Na ɔman yi afunu bɛyɛ aduane ama ewiem nnomaa ne asase so mmoa, a wɔrennya obi rempam wɔn. 34#Yer 16.9 Na mɛgu Yuda nkuro mu ne Yerusalem mmorɔno so ahosɛpɛ nne ne anigyeɛ nne, ayeforɔkunu nne ne ayeforɔ nne, ɛfiri sɛ asase no bɛdane amamfo.
Currently Selected:
Yeremia 7: ASW
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Ghana, 2012
