Popular Bible Verses from Yeremia 7

Share

Ɛfiri sɛ da a meyii mo agyanom firii Misraim asase soɔ no, manka wɔn ɔhyeɛ afɔdeɛ ne okum afɔdeɛ ho asɛm na manhyɛ wɔn ɛho mmara biara, na mmom asɛm yi ho mmara na mehyɛɛ wɔn sɛ: Montie me, na mɛyɛ mo Onyankopɔn, na mo nso moayɛ me ɔman; na monnante me kwan a mahyɛ mo ho mmara nyinaa so, na awie mo yie.

Nanso wɔantie, na wɔammrɛ wɔn aso ase, na wɔfaa wɔn ara wɔn akwan so, dii wɔn akoma bɔne denyɛ akyi, na wɔsanee wɔn akyi, na wɔankɔ anim.

Na sɛ momma mo akwan ne mo nneyɛɛ yɛ yie ampa, sɛ mobu onipa ne ne yɔnko ntam atɛntenenee, sɛ moanhyɛ ɔhɔhoɔ, awisiaa ne okunafoɔ so, anaasɛ moanhwie mogya a ɛdi bem angu ha yi, na moanni anyame foforɔ akyi amfa anyɛ mo ho bɔne a, ɛno na mɛma moatena ha, asase a mede memaa mo agyanom firi tete sɛ ɛnkɔsi daa no soɔ.

Sɛ asafo AWURADE, Israel Nyankopɔn seɛ nie: Momma mo akwan ne mo nneyɛɛ nyɛ yie, na mama moatena ha yi.