Mataio 6

PENE VI - 6

Te oronga anga apinga aroa: te pure e te akakoreanga kai, e kia na mua i te kimi i te basileia o te Atua.

1KIA matakite oki, ko te oronga aea kotou i ta kotou apinga aroa ki mua i te aroaro o te tangata, kia akaraia e ratou: ko te kore aea e rauka ta kotou tutaki i to kotou Metua i te ao ra. 2#Roma 12:8Kia oronga ra koe i taau apinga aroa, auraka e na mua i te akatangi i te pu, mei ta te aronga pikikaa, i roto i te au sunago, e i te au arataa ra, kia akameitakiia ratou e te tangata. Koia tika taku e karanga atu kia kotou na, Kua rauka ta ratou tutaki. 3Kareka kia oronga koe i taau apinga aroa, auraka toou rima kaui e kite i ta toou rima katau e rave ra: 4Kia munangaro taau oronga anga apinga aroa, e na to Metua, tei kite ua mai i te mea ngaro, #Luka 14:14e o mai akakite ua i taau tutaki.

5E kia pure koe, auraka mei ta te aronga pikikaa ra: ko tei inangaro i te pure tu ua i roto i te au sunago, e te pae arataa ra, kia akaraia ratou e te tangata. Koia tika taku e karanga atu kia kotou na, Kua rauka ta ratou tutaki. 6Kareka kia pure koe, #2 Ari 4:33e aere ki roto i toou pia, e topiri marie i te pa, ka pure ei ki toou Metua, e na to Metua, tei kite ua mai i te mea ngaro, kore ua rai aia e kitea, e o mai akakite ua i taau tutaki. 7E kia pure kotou, #Kohe 5:2auraka e maata te tuatua rikiriki puapinga kore, mei ta te au etene ra: ko #1 Ari 18:26,29tei manako e, tei te rai o te tuatua e kiteia mai ei ratou. 8Auraka kotou e aite kia ratou ra; kua kite ana to kotou Metua i te au mea e tau ia kotou, ou kotou i pati atu ei. 9Na ko kotou kia pure: #Luka 11:2-4E to matou Metua i te ao ra, Kia tapu toou ingoa. 10Kia tae toou basileia. #Mata 26:39,42; Anga 21:14Kia akonoia toou anoano i te enua nei, #Sala 103:20,21mei tei te ao katoa na. 11O mai i te kai e tau ia matou #Iobu 23:12; Mase 30:8i teianei rā. 12#Mata 18:21-27,34E akakore mai i ta matou ara, mei ia matou i akakore i ta tei ara ia matou nei. 13#Mata 26:41; Luka 22:40,46; 1 Kori 10:13; 2 Pete 2:9; Apo 3:10Auraka e akaruke ia matou kia timataia mai, #Ioa 17:15e akaora ra ia matou i te kino. #1 Para 29:11Noou oki te basileia, e te mana, e te kakā, e tuatau ua atu. #6:13 E tika ïaAmene. 14#Mare 11:25,26; Ephe 4:32; Kolo 3:13Kia akakore oki kotou i ta etai ke ra ara, e akakore katoa to kotou Metua i te ao ra i ta kotou; 15#Mata 18:35; Iako 2:13Kia kore ra kotou e akakore i ta etai ke ra ara, kare katoa oki to kotou Metua i te ao ra e akakore mai i ta kotou ara.

16E #Isa 58:5kia akakore kotou i te kai auraka e akaraumatea te mata, mei ta te aronga pikikaa ra, ko tei akatu ke i to ratou mata, kia kitea e te tangata e, te akakore ra ratou i te kai. Koia tika taku e karanga atu kia kotou na, Kua rauka ta ratou tutaki. 17Kareka kia akakore koe i te kai, e #Ruta 3:3; Dani 10:3tainu i toou upoko, e e orei i toou mata; 18Kia kore taau akakoreanga kai e kitea e te tangata, i toou Metua ra; e na to Metua, tei kite ua mai i te mea ngaro, kore ua rai aia e kitea, e o mai akakite ua i taau tutaki.

19 # Mase 23:4; 1 Timo 6:17; Ebe 13:5; Iako 5:1-3 Auraka e akaputu i te apinga na kotou i teianei ao, i te ngai e pou ei i te uu, e te pe, i te ngai e tomoia, e e keiaiaʼi e te keia. 20#Mata 19:21; Luka 12:33,34; 18:22; 1 Timo 6:19; 1 Pete 1:4Ka akaputu ra i te apinga na kotou ki runga i te rangi, i te ngai e kore ei e pou i te uu e te pe, kare oki te keia e tomo i reira ka keiaʼi: 21Te ngai oki i vaioiaʼi to kotou na apinga, ka riro katoa i reira to kotou ngakau. 22#Luka 11:34,36Ko te mata to te kopapa nei mārama: te meitaki ra to mata, kua mārama ïa to kopapa katoa: 23Kia kino ra toou mata, ka poiri ïa to kopapa katoa. E kia riro te mārama i roto ia koe ra ei poiri; eaa ua te aite i te reira poiri i te maata!

24 # Luka 16:13 Kare e tika i te tangata kia akono i nga pu e toko rua: ka riro aia i te riri atu ki tetai, e te anoano atu ki tetai; e kare ra, ka riro i te tau atu ki tetai, e te akaviivii atu ki tetai. Ko kotou nei oki, #Gala 1:10; 1 Timo 6:17; Iako 4:4; 1 Ioa 2:15kare e tika kia akono atu i te Atua e te Mamona. 25E teianei, e ako atu au ia kotou, #Sala 55:23; Luka 12:22,23; Phili 4:6; 1 Pete 5:7auraka e apiapi i to kotou ora, i ta kotou e kai, e ta kotou e inu, e te kakau no to kotou kopapa. Kare aina e maata te ora i te kai, e te kopapa i te kakau? 26#Iobu 38:41; Sala 147:9; Luka 12:24-30Ka akara na i te au manu o te reva nei: kare ratou i tanu, kare oki i kokoti, kare oki o ratou are kai; na to kotou Metua i te ao ra i angai ia ratou. Kare aina e meitaki maata to kotou i to ratou? 27Koai oki to kotou, e tika kia akaroa atu i tona tu, kia apiapi aia, e okotai ake kubiti? 28E eaa kotou e apiapi ei i te kakau? Ka maara na i te au lili o te enua, te peea nei to ratou tupu; kare ratou i angaanga, kare oki i iro: 29E karanga atu au kia kotou, E tae ua atu ki te manea ope o Solomona, kare rai tona manea i arite i tetai o ratou nei. 30I pera oki te Atua i te akamanea anga i te rakau rikiriki o te enua, akonei te vai ra, e apopo kua uriia ki roto i te umu; ka tanga atu ei oki ia kotou, e kotou, te aronga akarongo mea ngiti nei! 31E teianei, auraka kotou e apiapi ua, ka na ko ei ra, Eaa ua ta matou kia kai? e, Eaa oki ta matou kia inu? e, Eaa to matou kakau kia kakau? 32(Te kimi ra oki te au etene i taua au mea katoa ra:) kua kite oki to kotou Metua i te ao ra e, kia rauka taua au mea katoa ra ia kotou e tikaʼi. 33#1 Ari 3:13; Sala 37:25; Mare 10:30; Luka 12:31; 1 Timo 4:8E na mua ra kotou i te kimi i te basileia o te Atua, e te tuatua-tika nana ra; e kapiti katoaia mai taua au mea katoa ra ia kotou. 34E teianei, auraka e apiapi i to apopo ra; na apopo e apiapi i tana uaorai. Ko te rā ko tona uaorai kino, oti ra ua ïa.

Currently Selected:

Mataio 6: CIMB

Highlight

Copy