Popular Bible Verses from Mataio 6

Share

E na mua ra kotou i te kimi i te basileia o te Atua, e te tuatua-tika nana ra; e kapiti katoaia mai taua au mea katoa ra ia kotou.

E teianei, auraka e apiapi i to apopo ra; na apopo e apiapi i tana uaorai. Ko te rā ko tona uaorai kino, oti ra ua ïa.

E teianei, e ako atu au ia kotou, auraka e apiapi i to kotou ora, i ta kotou e kai, e ta kotou e inu, e te kakau no to kotou kopapa. Kare aina e maata te ora i te kai, e te kopapa i te kakau?

Kareka kia pure koe, e aere ki roto i toou pia, e topiri marie i te pa, ka pure ei ki toou Metua, e na to Metua, tei kite ua mai i te mea ngaro, kore ua rai aia e kitea, e o mai akakite ua i taau tutaki.

Na ko kotou kia pure: E to matou Metua i te ao ra, Kia tapu toou ingoa. Kia tae toou basileia. Kia akonoia toou anoano i te enua nei, mei tei te ao katoa na.

O mai i te kai e tau ia matou i teianei rā.

E akakore mai i ta matou ara, mei ia matou i akakore i ta tei ara ia matou nei.

Auraka e akaruke ia matou kia timataia mai, e akaora ra ia matou i te kino. Noou oki te basileia, e te mana, e te kakā, e tuatau ua atu. Amene.

Kia akakore oki kotou i ta etai ke ra ara, e akakore katoa to kotou Metua i te ao ra i ta kotou

Ka akara na i te au manu o te reva nei: kare ratou i tanu, kare oki i kokoti, kare oki o ratou are kai; na to kotou Metua i te ao ra i angai ia ratou. Kare aina e meitaki maata to kotou i to ratou?

Auraka e akaputu i te apinga na kotou i teianei ao, i te ngai e pou ei i te uu, e te pe, i te ngai e tomoia, e e keiaiaʼi e te keia. Ka akaputu ra i te apinga na kotou ki runga i te rangi, i te ngai e kore ei e pou i te uu e te pe, kare oki te keia e tomo i reira ka keiaʼi: Te ngai oki i vaioiaʼi to kotou na apinga, ka riro katoa i reira to kotou ngakau.

Kare e tika i te tangata kia akono i nga pu e toko rua: ka riro aia i te riri atu ki tetai, e te anoano atu ki tetai; e kare ra, ka riro i te tau atu ki tetai, e te akaviivii atu ki tetai. Ko kotou nei oki, kare e tika kia akono atu i te Atua e te Mamona.

I pera oki te Atua i te akamanea anga i te rakau rikiriki o te enua, akonei te vai ra, e apopo kua uriia ki roto i te umu; ka tanga atu ei oki ia kotou, e kotou, te aronga akarongo mea ngiti nei!

Kareka kia oronga koe i taau apinga aroa, auraka toou rima kaui e kite i ta toou rima katau e rave ra: Kia munangaro taau oronga anga apinga aroa, e na to Metua, tei kite ua mai i te mea ngaro, e o mai akakite ua i taau tutaki.

KIA matakite oki, ko te oronga aea kotou i ta kotou apinga aroa ki mua i te aroaro o te tangata, kia akaraia e ratou: ko te kore aea e rauka ta kotou tutaki i to kotou Metua i te ao ra.

E kia akakore kotou i te kai auraka e akaraumatea te mata, mei ta te aronga pikikaa ra, ko tei akatu ke i to ratou mata, kia kitea e te tangata e, te akakore ra ratou i te kai. Koia tika taku e karanga atu kia kotou na, Kua rauka ta ratou tutaki. Kareka kia akakore koe i te kai, e tainu i toou upoko, e e orei i toou mata; Kia kore taau akakoreanga kai e kitea e te tangata, i toou Metua ra; e na to Metua, tei kite ua mai i te mea ngaro, kore ua rai aia e kitea, e o mai akakite ua i taau tutaki.