Levitiku 16
16
PENE XVI - 16.
Te tu o to te taunga maata tomo anga ki roto i te ngai-tapu.
1KUA tuatua mairā Iehova kia Mose, #Levi 10:1,2i muri ake i te matenga o nga tamariki toko rua a Aarona, ka apai ei raua i te ai ke ki mua i te aroaro o Iehova, e mate iora: 2I tuatua mairā Iehova kia Mose, E karanga atu koe ki toou tuakana kia Aarona, #Exo 30:10; Levi 23:27; Ebe 9:7; 10:19auraka aia e aere ua ki roto i te ngai-tapu, ki roto i te ngai paruruia ki mua atu i te tapoki i runga i te aruna ra; kia kore aia e mate: #Exo 25:22; 40:34; 1 Ari 8:10,11,12ei roto oki i te tumurangi i rungao i te tapoki e kiteaʼi au. 3E akaperā Aarona #Ebe 9:7,12,24,25kia tomo ki roto i te ngai-tapu ra; #Levi 4:3e rave aia i tetai puakatoro ou ei tarangaara, e tetai mamoe toa ei atinga karakaratio. 4#Exo 28:39,42,43; Levi 6:10; Eze 44:17,18E aao oki aia i te piriaro tapu orongā ra, e aao oki aia i te piripou orongā, e kia tatuaia oki aia ki te tatua orongā, e kia pare oki ki te pare orongā; e kakau tapu anake te reira; #Exo 30:20; Levi 8:6,7e paî oki aia ki te vai, ka aao ei i te reira. 5E rave oki i e rua puakanio #Levi 4:14; Nume 29:11; 2 Para 29:21; Ezera 6:17; Eze 45:22,23na te uipaanga tamariki a Iseraela katoa ei tarangaara, e tetai mamoe toa ei atinga karakaratio. 6E na Aarona e apai i te puakatoro tarangaara, nana uaorai ra, #Levi 9:7; Ebe 5:2; 7:27,28; 9:7ei tapokiangaara nana, e na tona katoa ra ngutuare. 7E ka rave oki aia i nga puakanio, ka apai ei ki mua i te aroaro o Iehova, ki te ngutupa Are uipaanga ra. 8E tuku oki a Aarona i te kelero i aua nga puakanio ra; tetai kelero na Iehova, e tetai kelero no te puakanio akaora. 9E te puakanio tei iaia te kelero na Iehova ra, ka rave mai a Aarona i te reira e apai ei tarangaara. 10Kareka te puakanio, tei iaia te #16:10 Tikaanga - kelero.kalero no te puakanio akaora, ka apai ora uaia ki mua i te aroaro o Iehova #1 Ioa 2:2ei tapokiangaara, ka tuku ua atu ei kia aere ua na ki te medebara, ei puakanio akaora. 11E reirā Aarona e taki mai ei i te puakatoro no te tarangaara nana uaorai, ka apai ei i te tapokiangaara nana uaorai, e tona ngutuare; e kia oti taua puakatoro tarangaara nana uaorai i te taia, 12Ei reira aia e akaki ei i tetai #Levi 10:1; Nume 16:18,46; Apo 8:5āriki ai ki te ngarau ka, no runga i te atarau i mua i te aroaro o Iehova, e akaki oki ona puke rima ki te #Exo 30:34atinga kakara i akaungaungātitiia ra, ka apai ei ki roto mai i te paruru ra: 13#Exo 30:1,7,8; Nume 16:7,18,46; Apo 8:3,4E tuku oki aia i taua atinga kakara ra ki runga i te ai ki mua i te aroaro o Iehova ra, kia ngaro te #Exo 25:21tapoki, i runga i te aruna kite ra, ki te auai o te atinga kakara, kia kore aia e mate: 14E rave oki aia i tetai manga #Levi 4:5; Ebe 9:13,25; 10:4i te toto o taua puakatoro ra, ka #Levi 4:6pîpî ei i te tapoki ki tona maikao-rima, i te pae i te itinga o te rā ra; e pîpî oki i te toto ki tona maikao-rima ki mua atu i te tapoki, e kia itu ïa pîpî anga.
15 #
Ebe 2:17; 5:2; 9:7,28 Ei reira te puakanio tarangaara, na te au tangata ra e taiaʼi, ka apai oki aia i te toto #Levi 16:2; Ebe 6:19; 9:3,7,12ki roto mai i te paruru ra, ka rave ei i to reira toto, mei tana i rave i te toto o te puakatoro ra, e pîpî ki runga i te tapoki aruna, e ki mua atu i taua tapoki ra. 16Nana e apai i te #Exo 29:36; Eze 45:18; Ebe 9:22,23tapokiangaara no te ngai-tapu ra, no te viivii o te tamariki a Iseraela, e to ratou kino i ta ratou ara ravarai; e pera katoa oki aia i te Are uipaanga, e vai ia ratou, i rotopu i to ratou viivii. 17#Exo 34:3; Luka 1:10Auraka roa ei tangata to roto i te Are uipaanga, kia aere aia e apai i te tapokiangaara ki roto i te ngai-tapu ra, e tae mairai aia ki vao, kia oti te tapokiangaara i te apaiia e ia nana uaorai, e na tona ra ngutuare, e na te uipaanga Iseraela katoa ra. 18Ei reira aia ka aere ei ki vao ki te atarau i mua i te aroaro o Iehova, ka apai #Exo 30:10; Levi 4:7,18; Ebe 9:22,23ei i te tapokiangaara no te reira; e e rave aia i te toto puakatoro, e te toto puakanio, ka tuku ei ki runga i te au tara o te atarau e pini ua ake. 19E pîpî oki aia i te toto ki tona maikao-rima ki rungao, e kia itu ake pîpî anga, #Eze 43:20ei tamā anga, kia tapu i te viivii a te tamariki a Iseraela.
20E oti akera te #Levi 16:16; Eze 45:20tapokiangaara i te apaiia e ia no te ngai-tapu, e no te Are uipaanga, e no te atarau, ka apaiia mai ei te puakanio ora ra: 21Ka tuku oki a Aarona i ona puke rima e rua ki runga i te mimiti o taua puakanio ora ra, ka aaki ei i te au ara ravarai a te tamariki a Iseraela ki runga i te reira, e to ratou kino katoa i ta ratou au ara ravarai, ka #Isa 53:6tuku ei ki rungao i te mimiti o taua puakanio ra, ka tono ei i tetai tangata tau, e taki ke atu i taua puakanio ra, ki te medebara: 22E na taua puakanio ra e #Isa 53:11,12; Ioa 1:29; Ebe 9:28; 1 Pete 2:24apai i ta ratou au ara ravarai ki runga iaia uaorai, ki te enua motutaa; ka tukuia taua puakanio ra ki roto i te medebara ra. 23Ei reirā Aarona e aere ei ki roto i te Are uipaanga ra, #Eze 42:14; 44:19ka tataraʼi i te au kakau orongā, i tana i aao ka aere ei aia ki roto i te ngai-tapu ra, ka vaoo ei reira: 24Ka orei oki aia iaia uaorai ki te vai i roto i tetai ngai tapu, ka aao ei i ona kakau, ka aere mai ei ki vao, #Levi 16:3,6ka apai ei i te atinga karakaratio na te tangata, e apai oki i te tapokiangaara nana uaorai, e na te tangata. 25#Levi 4:10E ka taʼu aia i te tongaua o te tarangaara ra ki runga i te atarau. 26E te tangata i tuku i taua puakanio ra ei puakanio akaora, ka orei aia i ona kakau, e #Levi 15:5paî oki aia ki te vai, ka aere mai ei aia ki roto i te puakapa i muri ake. 27#Levi 4:12,21; 6:30; Ebe 13:11E te puakatoro tarangaara, e te puakanio tarangaara, i tei apaiia te toto ki roto i te ngai-tapu ei tapokiangaara ra, ka apaiia ïa ki vao mai i te puakapa; e ka taʼuia te kiri, e te kiko, e te repo katoa, ki te ai. 28E te tangata e taʼu ra, e orei aia i ona kakau, e paî oki ki te vai, ka aere mai ei ki roto i te puakapa i muri ake.
29Ei akonoanga vai tamou teia na kotou: #Exo 30:10; Levi 23:27; Nume 29:7; Isa 58:3,5; Dani 10:3,12kia tae ki te marama itu ra, e te ngauru o te rā i taua marama ra, ka taakaakaʼi kotou i to kotou au vaerua, e auraka rava e rave i te angaanga, ma te tangata uenua, e te tangata ke katoa i tuitarere ua i roto ia kotou na: 30Ei te reira oki rā ka apai ei te taunga maata i te tapokiangaara na kotou, #Sala 51:2; Iere 33:8; Ephe 5:26; Ebe 9:13,14; 10:1,2; 1 Ioa 1:7,9e tamā ia kotou i ta kotou au ara katoa, kia mā kotou ki mua i te aroaro o Iehova. 31#Levi 23:32Ei sabati akaangaroi anga ïa te reira no kotou, ei akonoanga tamou kia taakaaka kotou i to kotou au vaerua. 32#Levi 4:3,5,16E na te taunga i akatainuia, e #Exo 29:29,30; Nume 20:26,28i akataoongaia, ei tupau i tona metua ra, i te rave anga i te taoonga taunga ra, nana e apai i te tapokiangaara, #Levi 16:4e aao oki aia i te kakau orongā, te kakau tapu ra: 33#Levi 16:6,16,17,18,24E apai oki i te tapokiangaara no te ngai-tapu; e apai oki i te tapokiangaara no te Are uipaanga, e no te atarau, e apai oki aia i te tapokiangaara na te au taunga, e na te au tangata katoa o te uipaanga ra. 34#Levi 23:31; Nume 29:7Ei akonoanga vaoo tamou teia na kotou, e, ei tapokiangaara te apaiia, #Exo 30:10; Ebe 9:7,25okotai apai anga i te mataiti okotai, no te au ara ravarai a te tamariki a Iseraela. Kua pera oki aia i ta Iehova i akaue mai kia Mose ra.
Currently Selected:
Levitiku 16: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
