Levitiku 15
15
PENE XV - 15.
Te viivii o te tangata i te maki, e te tamā anga atu.
1KUA tuatua mairā Iehova kia Mose raua ko Aarona, na ko maira, 2E karanga atu korua ki te tamariki a Iseraela, e na ko atu kia ratou, #Levi 22:4; Nume 5:2; 2 Samu 3:29; Mata 9:20; Mare 5:25; Luka 8:43E maki opî to tetai tangata i tona kopapa, kua viivii aia i taua maki opî nona ra. 3Teia te tu o taua viivii nona i taua maki opî nona ra; kia taʼe taua maki opî no tona ra kopapa, e kia marō te maki opî i tona ra kopapa, te viivii ua ra aia. 4Te au roi katoa i moeia e te tangata maki opî ra, kua viivii ïa; e e viivii te au mea katoa tana e noo ra. 5E ko te tukia ua atu i taua roi nona ra, #Levi 11:25; 17:15ka orei aia i ona kakau, e ka paî aia ki te vai, e ka viivii ia e aiai atu. 6E ko te noo i te au mea katoa i nooia e taua tangata maki opî ra, ka orei aia i ona kakau, e paî oki ki te vai, e ka viivii ïa aiai atu. 7E ko te tukia ua atu i te kopapa o taua tangata maki opî ra, ka orei aia i ona kakau, e paî ki te vai, e ka viivii ïa e aiai atu. 8E kia tutua te tangata maki opî ra, i te uavare ki rungao i te tangata viivii kore ra: ka orei aia i ona kakau, e paî oki ki te vai, e ka viivii ïa e aiai atu. 9E te au nooanga oroenua katoa i nooia e taua tangata maki opî ra, ka viivii ia. 10E ko te tukia ua atu i tetai mea no raro ake iaia ra, ka viivii ïa e aiai atu; e ko te apai ua i taua au mea ra, ka orei aia i ona kakau, e paî oki ki te vai, e ka viivii ïa e aiai ata. 11E te tangata ravarai e akatukiaia e taua tangata maki opî ra, kare i oreiia tona rima i te vai, e orei aia i ona kakau, e paî oki ki te vai, e ka viivii ïa e aiai atu. 12#Levi 6:28; 11:32,33E te āriki karakaraea e akatukiaia e taua tangata maki opî ra, ka akangaangaaia ïa: e te au āriki rakau katoa ra, ka oreiia ïa ki te vai. 13E kia mā te maki opî o taua tangata maki opî ra; #Levi 15:28; Levi 14:8e tatau aia i nga rā e itu no te tamā anga iaia, ka #15:13 Tetai tataanga - oreiʼai.oreiʼi i ona kakau, ka paî aia ki te vai mapia, ka mā atu ei. 14E kia tae ki te po varu ra ka rave aia i #Levi 14:22,23e rua kukupa, e kare ra, e puke punua rupe e rua, ka aere mai ei ki mua i te aroaro o Iehova i te ngutupa o te Are uipaanga, ka tuku atu ei ki te taunga ra; 15E na te taunga e apai, ei tarangaara #Levi 14:30,31tetai, ei atinga karakaratio tetai; #Levi 14:19,31ko te taunga te ka apai i te tapokiangaara ki mua i te aroaro o Iehova nana, i te maki opî nona ra.
16 #
Levi 22:4; Deu 23:10 E kia rokoia tetai tangata e te opî taʼe ua, ka paî roa aia iaia uaorai ki te vai, e ka viivii ïa e aiai atu. 17E te kakau, e te kiri i topaia e te reira, ka oreiia ïa ki te vai, e ka viivii ïa e aiai atu.
18E te vaine i moeia e te tangata, e kia raveia, ka paî raua ravarai ki te vai, #1 Samu 21:4e ka viivii ïa e aiai ua atu.
19E te vaine #Levi 12:2kia makiia ra, i tona ra maki vaine tikai, ka akatakaia aia e kia po itu; e ko te tukia ua atu iaia ra, ka viivii ïa e aiai ua atu. 20E te au mea katoa e moeia e ia i tona akataka ke angaia ra, ka viivii ïa: e te au mea katoa e nooia e ia, ka viivii katoa ïa. 21E ko te tukia ua atu i tona roi, ka orei aia i ona kakau, e paî oki ki te vai, e ka viivii ïa e aiai ua atu. 22E ko te tukia ua atu i tetai mea i nooia e ia ra, ka orei aia i ona kakau, ka paî oki ki te vai, e ka viivii ïa e aiai ua atu. 23Tona roi tei tukiaia atu e ia, e tetai mea i nooia e ia, ka viivii rai aia e aiai ua atu. 24#Levi 20:18E kia moe te tane i tona pae, e kua iri te mea i akatakaiaʼi aia ki runga iaia, e viivii aia e kia po itu; e te au roi katoa tana e moe ra, ka viivii katoa ïa.
25 #
Mata 9:20; Mare 5:25; Luka 8:43 E e maki to te vaine kare i tae ki nga rā akataka anga nona ra, e te vai ua ra taua maki ra i topa uaʼi tona akataka anga; ka viivii rai ïa aia i taua au rā katoa i makiiaʼi aia ra, mei tei te au rā akataka anga nona ra. 26Te vai rai taua maki nona ra, ka riro te au roi katoa tana i moe i taua au rā ra, mei te roi katoa nona i te akataka anga ra te tu, iaia; e te au mea katoa e nooia e ia ka viivii ïa, mei te viivii o te akataka anga nona ra. 27E ko tei tukia ua atu i taua au mea ra, ka viivii ïa, e ka orei aia i ona kakau, e paî oki ki te vai, e ka viivii ïa e aiai ua atu. 28#Levi 15:13Kia mā ra aia i tona maki ra, ka tatau aia i nga rā e itu nona, e i muri ake ka mā ïa aia. 29E kia tae ki te po varu ra, ka rave ei aia i e rua kukupa, e kare ra, e puke punua rupe e rua, ka apai ei ki te taunga ra, ki te ngutupa Are uipaanga ra. 30E na te taunga e apai i tetai ei tarangaara, e tetai ei atinga karakaratio; na te taunga e apai i tana tapokiangaara ki mua i te aroaro o Iehova, i taua maki ra i viivii ei aia.
31E akapera korua i te tamariki a Iseraela, #Levi 11:47; Deu 24:8; Eze 44:23kia akataka ke ratou i to ratou mea viivii; kia kore ratou e mate i to ratou viivii, #Nume 5:3; 19:13,20; Eze 5:11; 23:38kia akaviivii ratou i toku puakapa i rotopu ia ratou ra.
32 #
Levi 15:2
Ko te ture teia no te tangata maki opî, #Levi 15:16e no te tangata opî taʼe ua, i tei viivii i te reira ra; 33#Levi 15:19E no te vaine i makiia i tona akataka anga, no te tane #Levi 15:25e no te vaine katoa i tei makiia ra, e #Levi 15:24no te tangata i moe i vaitata i te vaine i viivii ra.
Currently Selected:
Levitiku 15: CIMB
Highlight
Share
Copy
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.
