Zabbu̱li̱ 8
8
Hali Mu̱handu̱ wa Bahi̱i̱mi̱. Zabbu̱li̱ gya Dau̱di̱.
1Ai̱ Mukama, Mukama weetu̱,
ibara lyamu kali̱ti̱i̱nwa mu nsi gyensei̱!
Ki̱ti̱i̱ni̱sa kyamu kibba hakyendi̱ weiguru.
2Mu mi̱nwa mya baana bato na nkerembe oteeri̱mwo ki̱ti̱i̱ni̱sa,
oteeri̱ho ki̱si̱i̱ka kyamaani ku banyanzigwa baamu,
naakumaliraho ki̱mwei̱ bahoora nzi̱go.
3B̯undingiira iguru li̱waahangi̱ri̱ na ngalu zaamu,
nkawona mweri̱ na nzota bi̱waarambi̱ki̱ri̱ mu mwanya,
4nnyeeb̯u̱u̱lya, “Muntu yooyo naani, we, kumuteekerezaho,
na mwana wa muntu hab̯waki omufaaho?”
5Kandi b̯u̱b̯wo, waamu̱hangi̱ri̱ yaabba hansiho kadooli̱ hali bamalayika,
waamutaho ki̱ti̱i̱ni̱sa nka kondo.
6Waamu̱heeri̱ b̯u̱sobozi̱ hali bintu bi̱waakoori̱ na ngalu zaamu,
waata bintu byensei̱ hansi wa magulu gaamwe:
7ntaama na nte zensei̱,
na bisolo bya mwirungu,
8bi̱nyoni̱ bya mu mwanya,
na nsu̱ za mu mataka gakooto,
na bihangwa byensei̱ bya mu meezi̱.
9Ai̱ Mukama, Mukama weetu̱,
ibara lyamu kali̱ti̱i̱nwa mu nsi gyensei̱!
Currently Selected:
Zabbu̱li̱ 8: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
