Zabbu̱li̱ 52
52
Hali mu̱handu̱ wa bahi̱i̱mi̱. Masikili#52:0 Masikili kisobora ku̱manyi̱sya kyembu rundi kigambu kikora mu kwebembera kusaba. gya Dau̱di̱. B̯wi̱re b̯wa Dyego Mu̱nyedomu̱ agyendi̱ri̱ hali Sau̱lo, amuweera naakoba yati, “Dau̱di̱ agyendi̱ri̱ ha nnyu̱mba gyʼAhi̱mereki̱.”
1Ai̱ we muntu wa maani, hab̯waki okwempankisya bibii?
Ngonzi za Ruhanga zinene ziicalaho biro byensei̱.
2Okutegeka ku̱hwerekeereerya bantu banene,
Kalimi kaamu kabaza b̯u̱gobya nka nsone gyobi.
3Wendya b̯ubiibi kukira b̯urungi,
na kubaza bya b̯u̱gobya kukira mananu.
4Wendya bigambu bikuhuutaaza,
ai̱ kalimi kagobya!
5Bei̱tu̱ Ruhanga alikucwacwana akugume hansi hooho oicale biro byensei̱,
alikusab̯ula kandi aku̱tooleho b̯wicalu b̯wamu,
kandi aku̱ku̱pu̱le kuruga mu nsi gya boomi.
6Bantu barungi baliwona ki̱kyo bati̱i̱ne,
kandi bali̱mu̱sekereerya nibakoba.
7“Wona yogo,
munyakusuula Ruhanga akabba b̯wi̱ru̱ki̱ro b̯wamwe,
kyonkei akacwamwo kwesiga b̯unene b̯weitungu lye,
akasigala mu̱si̱gi̱ku̱ kuraba mu ku̱zi̱ndi̱ri̱za bei̱ra.”
8Bei̱tu̱ ndi nka musaali mu̱zayi̱tu̱u̱ni̱ gubisi,
gukunyengetera mu nnyu̱mba gya Ruhanga.
Nyesiga ngonzi zinene za Ruhanga biro byensei̱.
9Nkwi̱za ku̱ku̱si̱i̱manga Ruhanga biro byensei̱, hab̯wa ki̱kyo kyokoori̱,
nyaatanga ku̱ni̱hi̱ra kwange muli we hab̯wa ibara lyamu lirungi,
nyaakuhariizanga mu mei̱so ga bantu beesigwa.
Currently Selected:
Zabbu̱li̱ 52: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
