Zabbu̱li̱ 11
11
Hali Mu̱handu̱ wa Bahi̱i̱mi̱. Zabbu̱li̱ gya Dau̱di̱.
1 Mukama, yooyo nyeesiga,
musobora teetei̱ kumbwera,
“I̱ru̱ka nka nnyoni̱ ha lusahu,
2kubba na mu kyebi̱si̱i̱re babiibi bakweti̱ b̯uta na mbasi,
zakulasa ba mitima mirungi,
3Tihalohoona kya murungi akusobora akore,
biragiro b̯ubilemereerwa.”
4 Mukama abba mu Yeekaru gyamwe gi̱syanu̱,
kitebe kya Mukama kibba mwiguru,
awona bali hansi na mei̱so gaamwe,
naalenga bya baana ba bantu bibakora.
5 Mukama yooyo alenga barungi,
bei̱tu̱ mutima gwamwe gunoba babiibi na bazongobi̱.
6Leka mworo gu̱talu̱ma gu̱tokomokye babiibi,
leka mworo guwa b̯uganga,
ki̱bbi̱ri̱i̱ti̱ na mpehu kajuguta kingeere kibbenge kifubiro kyab̯u.
7Kubba Mukama abba wa mananu,
yendya bikorwa byamananu,
barungi balimuwona.
Currently Selected:
Zabbu̱li̱ 11: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
