Zabbuli 4
4
Ya mukulu w'abayimbi; ya bintu eby'engoye. Zabbuli ya Dawudi.
1 #
Yer 23:6
Onziremu bwe nkukaabira, ai Katonda ow'obutuukirivu bwange;
Wansumulula bwe nnali mu nnaku:
Onsaasire, ompulire okusaba kwange.
2Mmwe abaana b'abantu, mulituusa wa okukyusa ekitiibwa kyange mu nsonyi?
Mulituusa wa okwagala ebitaliimu, n'okugoberera eby'obulimba? (Seera)
3 #
Kuv 33:16
Naye mutegeere nga Mukama yeeterekedde atya Katonda:
Mukama anaawuliranga bwe nnaamukoowoolanga.
4 #
Zab 77:6, Bef 4:26 Muyimirire nga mutya, muleme okwonoona:
Mulowooze mu mutima gwammwe ku kitanda kyammwe, musiriikirire.
5 #
Ma 33:19, Zab 37:3; 51:19 Muweeyo esaddaaka ez'obutuukirivu,
Era mwesige Mukama.
6 #
Kubal 6:26, Zab 89:15 Waliwo bangi aboogera nti Ani alitulaga ekintu ekirungi?
Mukama, ggwe oyimuse omusana ogw'amaaso go ku ffe.
7 #
Is 9:3
Otadde essanyu mu mutima gwange,
Okusinga ery'omu kyengera ky'emmere n'omwenge gwabwe.
8 #
Leev 25:18,19, Zab 3:5 Mu butatya naagalamiranga ne nneebaka:
Kubanga ggwe wekka, Mukama, ontuusa mu mirembe.
Currently Selected:
Zabbuli 4: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
