Zabbuli 107
107
EKITABO 5
1 #
Zab 106:1
Mumwebaze Mukama; kubanga mulungi:
Kubanga okusaasira kwe kubeerera emirembe gyonna.
2 #
Zab 106:10, Is 62:12 Abanunule ba Mukama boogera bwe batyo,
Be yanunula mu mukono gw'omulabe;
3 #
Zab 106:47, Is 43:5,6; 49:12, Yer 29:14, Ez 39:27 N'abakuŋŋaanya mu nsi nnyingi,
Mu buvanjuba ne mu bugwanjuba,
Mu bukiika obwa kkono ne mu bwa ddyo.
4 #
Ma 32:10
Baakyamira mu ddungu mu kkubo omutali bantu;
Ne batalaba kibuga kya kutuulamu.
5Baalumibwa enjala n'ennyonta,
Emmeeme yaabwe n'ezirika mu bo.
6 #
Zab 50:15; 106:44 Ne balyoka bakaabira Mukama mu nnaku zaabwe,
N'abawonya mu kweraliikirira kwabwe.
7 #
Ezer 8:21
Era n'abaluŋŋamiza mu kkubo eggolokofu,
Batuuke mu kibuga eky'okutuulamu.
8Kale singa abantu batendereza Mukama olw'obulungi bwe,
N'olw'eby'amagero bye eri abaana b'abantu!
9 #
Zab 34:10, Luk 1:53 Kubanga akkusa emmeeme eyeegomba,
N'emmeeme erumwa ennyonta agijjuza ebirungi.
10 #
Yob 10:21; 36:8, Luk 1:79 Abo abaatuula mu kizikiza ne mu kisiikirize eky'okufa,
Nga basibibwa n'ennaku n'ekyuma;
11 #
Zab 78:40; 106:43, Nge 1:30, Luk 7:30 Kubanga baajeemera ebigambo bya Katonda,
Ne banyooma okuteesa kw'oyo ali waggulu ennyo:
12 #
Zab 22:11
Kyeyava azitoya omutima gwabwe n'okutegana;
Ne bagwa, so nga tewali anaabayamba.
13Ne balyoka bakaabira Mukama mu nnaku zaabwe,
N'abalokola mu kweraliikirira kwabwe.
14 #
Zab 107:10, Is 49:9 N'abaggya mu kizikiza n'ekisiikirize eky'okufa,
N'amenyaamenya enjegere zaabwe.
15Kale singa abantu batendereza Mukama olw'obulungi bwe,
N'olw'eby'amagero bye eri abaana b'abantu!
16 #
Is 45:2
Kubanga yamenya enzigi ez'ebikomo,
N'atemera ddala ebisiba eby'ebyuma.
17Abasirusiru olw'okwonoona kwabwe,
N'olw'obutali butuukirivu bwabwe,
babonyaabonyezebwa.
18 #
Yob 33:20,22 Emmeeme yaabwe etamwa emmere yonna yonna;
Ne basemberera emiryango egy'okufa.
19Ne balyoka bakaabira Mukama mu nnaku zaabwe,
N'abalokola mu kweraliikirira kwabwe.
20 #
2 Bassek 20:5, Zab 103:3,4, Mat 8:8 Atuma ekigambo kye, n'abawonya,
N'abaggya mu kuzikirira kwabwe.
21Kale singa abantu batendereza Mukama olw'obulungi bwe,
N'olw'eby'amagero bye eri abaana b'abantu!
22 #
Zab 9:11; 50:14, Beb 13:15 Era bawengayo ssaddaaka ez'okwebaza,
Era batenderenga ebikolwa bye n'okuyimba.
23 #
Is 42:10
Abaserengetera ku nnyanja mu maato,
Abakola emirimu awali amazzi amangi;
24Abo balaba ebikolwa bya Mukama,
N'eby'amagero bye mu buziba.
25 #
Yon 1:4
Kubanga alagira, n'akunsa omuyaga,
Oguyimusa amayengo gaagwo.
26 #
Zab 22:14
Balinnya mu ggulu, ne bakka nate mu ddubi:
Emmeeme yaabwe esaanuuka olw'ennaku.
27 #
Yob 12:25
Beesunda eruuyi n'eruuyi, era batagatta ng'omutamiivu,
N'amagezi gonna nga gababuze.
28Ne balyoka bakaabira Mukama mu nnaku zaabwe,
N'abaggya mu kweraliikirira kwabwe.
29 #
Zab 65:7
Alaaza omuyaga,
Amayengo gaagwo ne gateeka.
30Ne balyoka basanyuka kubanga bawummula;
N'alyoka abaleeta mu mwalo gwe baagala okutuukamu.
31Kale singa abantu batendereza Mukama olw'obulungi bwe,
N'olw'eby'amagero bye eri abaana b'abantu!
32 #
Zab 22:22,25, Zab 36:5; 113:4 Era bamugulumizenga mu kkuŋŋaaniro ery'abantu,
Era bamutenderezenga awali ekituuti eky'abakadde.
33 #
Is 42:15; 50:2, Nak 1:4 Afuula emigga eddungu,
N'enzizi azifuula ettaka ekkalu;
34 #
Lub 13:10; 19:24,28 Ensi ebala agifuula olukoola olw'omunnyo,
Olw'obubi bwabo abatuula omwo.
35 #
Yob 38:26,27, Is 35:7; 41:18 Eddungu alifuula ekidiba eky'amazzi,
N'ensi enkalu ensulo ez'amazzi.
36Omwo mw'atuuza abalumwa enjala,
Balongoosenga ekibuga eky'okutuulamu;
37Era basigenga ennimiro, basimbenga emizabbibu,
Beefunirenga ebibala eby'ekyengera.
38 #
Lub 12:2
Era n'abawa omukisa, n'okweyongera ne beeyongeranga nnyo;
N'ataganya nte zaabwe okukendeera.
39Nate, ne baweebuuka ne bajeezebwa
Olw'okujoogebwa, n'okweraliikirira, n'okunakuwala.
40 #
Yob 12:21,24 Anyoomesa nnyo abalangira,
Era abakyamiza mu nsiko omutali kkubo.
41 #
1 Sam 2:8, Yob 21:11, Zab 113:7 Era naye agulumiza omwavu okuva mu nnaku.
N'amukolera ebika ng'ekisibo.
42 #
Yob 5:16; 22:19, Zab 63:11 Abatuukirivu balibiraba, balisanyuka;
N'obutali butuukirivu bwonna buliziba akamwa kaabwo.
43 #
Yer 9:12, Dan 12:10, Kos 14:9 Buli alina amagezi anaalowoozanga ebyo,
Era banaafumiitirizanga okusaasira kwa Mukama.
Currently Selected:
Zabbuli 107: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
