Engero 2
2
1Mwana wange, bw'onokkirizanga ebigambo byange,
N'oterekanga ebiragiro byange ewuwo;
2N'okutega n'oteganga okutu kwo eri amagezi
N'ossangayo omutima gwo eri okutegeera;
3Weewaawo, bw'onookaabiranga okumanya,
N'oliriranga okutegeera.
4Bw'onooganoonyanga nga ffeeza,
N'ogakenneenyanga ng'eby'obugagga ebyakwekebwa;
5Kale lw'olitegeera okutya Mukama,
N'ovumbula okumanya Katonda.
6 #
Yob 32:8
Kubanga Mukama awa amagezi;
Mu kamwa ke mwe mufuluma okumanya n'okutegeera:
7 #
Zab 84:11
Aterekera abagolokofu amagezi amatuufu,
Aba ngabo eri abo abatambulira mu butayonoona;
8 #
1 Sam 2:9
Alyoke akuume amakubo ag'omusango,
Era awonye okutambula kw'abatukuvu be.
9Kale lw'olitegeera obutuukirivu n'omusango,
N'eby'ensonga, weewaawo buli kkubo eddungi.
10Kubanga amagezi ganaayingiranga mu mutima gwo,
N'okumanya kunaawoomeranga emmeeme yo;
11 #
Nge 6:22
Okuteesa kunaakulabiriranga.
Okutegeera kunaakukuumanga:
12Okukuwonyanga mu kkubo ery'obubi,
Eri abasajja aboogera eby'ekyejo;
13 #
Zab 82:5, Yok 3:19,20 Abaleka amakubo ag'obugolokofu,
Okutambuliranga mu makubo ag'ekizikiza;
14 #
Yer 11:15
Abasanyuka okukola obubi,
N'ekyejo eky'omubi kye kibawoomera;
15 #
Zab 125:5
Amakubo gaabwe makyamukyamu,
N'okugenda kwabwe kwenyoolanyoola:
16 #
Nge 7:5
Okukuwonyanga eri omukazi omugenyi,
Eri omugenyi anyumiriza n'ebigambo bye;
17 #
Mal 2:14,15 Aleka omukwano ogw'omu buto bwe,
Ne yeerabira endagaano ya Katonda we:
18 #
Nge 7:27
Kubanga ennyumba ye etwala mu kufa,
N'amakubo ge eri abafu:
19Tewali abagenda gy'ali abadda nate,
So tebatuuka mu makubo ag'obulamu:
20Olyoke otambulirenga mu kkubo ery'abasajja abalungi,
N'okwata empenda ez'abatuukirivu.
21 #
Zab 37:9
Kubanga abagolokofu banaabeeranga mu nsi,
N'abo abatuukirira balisigala omwo.
22 #
Zab 37:38; 52:5 Naye ababi balimalibwawo okuva mu nsi,
N'abo abasala enkwe balisimbulirwamu ddala.
Currently Selected:
Engero 2: LUG68
Highlight
Share
Copy
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.