Ilawi 18

Mbaa e mboita naatomitoki

1Nejoki Olaitoriani Musa, 2“Tiaaki iltung'ana le Israel, Ara nanu Olaitoriani Enkai inyi. 3Miasiasa anaa enaasita ninche te nkop e Misiri, teine apa nemanya intae, nimiasiasa anaa enaasi te nkop e Kanaan teine nayaita nanu intae nimipuopuo intae too nkiguanat enye. 4Entaas intae nkiguanat aainei nimbung'ubung'u nkitanapat aainei nipuoyieyie ninche. Ara nanu Olaitoriani Enkai inyi. 5#Neh 9.29; Esek 18.9, 20.11-13; Lk 10.28; Irm 10.5; Ilg 3.12 Embung'a naa nkitanapat aainei o nkiguanat aainei, naa teneas oltung'ani neton eishu: Ara nanu Olaitoriani.

6“Metii oltung'ani te intae onyikaki o likae lenye le sotua auru ilkilani aitalioo emasipaisho enye. Ara nanu Olaitoriani. 7Mioru ake papaai lino ilkilani aitaa olmasipai amu emasipaisho e ng'utunyi ina. Ng'utunyi ina nimilo naa aitalioo emasipaisho enye. 8#Ilaw 20.11; Enkig 22.30, 27.20 Milo aitalioo emasipaisho e nkitok e papaai lino; amu emasipaisho e papaai lino ina. 9#Ilaw 20.17; Enkig 27.22 Mintalioo emasipaisho e nkanashe ino, ning'arie menye aashu ina tito e ng'utunyi aa einoti eang aashu enayawuaki. 10Nimintalioo emasipaisho entito o layioni lino aashu ene ntito e ntito ino amu ore emasipaisho enye naa emasipaisho ino makewan. 11Mintalioo emasipaisho e ntito ning'arie menye, ina naino te papaai lino, amu enkanashe ino ninye. 12#Ilaw 20.19-20 Mintalioo emasipaisho e nkanashe e papaai lino amu eno lmarei le papaai lino ninye. 13Mintalioo emasipaisho enkanashe e ng'utunyi amu eno lmarei le yieyioo lino ninye. 14Mintalioo emasipaisho o lalashe papaai lino, aa taa minyikaki enkitok enye; amu nkapu ino ninye. 15#Ilaw 20.12 Mintalioo emasipaisho e nkitok o layioni lino, amu entito ino ninye, mintalioo emasipaisho enye. 16#Ilaw 20.21 Mintalioo emasipaisho e nkitok o lalashe lino, amu emasipaisho o lalashe lino. 17#Ilaw 20.14; Enkig 27.23 Mintalioo emasipaisho e nkitok tenebo entito enye, nimiya entito o layioni lenye aashu entito e ntioto enye aitalioo emasipaisho enye; nkanashera inono ninche, entorroni ina. 18Nimiya enkanashe enkitok ino ayam eton eishu enkanashe enye.

19 # Ilaw 20.18 “Milo enetii enkitok aboitare eton etii erishata enye o lapa. 20#Ilaw 20.10 Nimiboitare enkitok olelatia ino apik kewan entioto te ninye. 21#Ilaw 20.1-5 Minchooyo ae nabo oo nkera inono meitarasari to lasar le nkima aaisho enkitanyaanyukoto e nkai e Molek aisarkionie enkarna e Nkai ino; Ara nanu Olaitoriani. 22#Ilaw 20.13 Miboitare ake olee aitaa enkitok; entaboi ina. 23#Ena 22.19; Ilaw 20.15-16; Enkig 27.21 Nimiboitare ake eng'ues pooki aisarkionie kewan te ninye, nemeisho enkitok kewan eng'ues metaboitare, entaboi ina.

24“Emisarkionie ate tiae nabo e kuna baa, amu te kuna pooki eisarkionie ate lelo oshon pooki laaraa nanu te dukuya intae. 25Neaku enkop enaisarkionieki, neaku aitamio nanu enkitarruorroto enye, nelopu enkop lelo oomanya. 26Kake embung'a intae nkitanapat aainei o nkiguanat aainei nimiasiasa ae nabo e kuna tabo, aa oinoti aashu ilo dokunoti oidurrua alotu atua intae. 27(Amu ore kuna baa o lminong pooki etaasa apa iltung'ana lena kop, lelo apa ootii dukuya intae, neaku eisarkionieki enkop); 28pee melopu ake intae enkop, tenisarkionienie, anaa apa enatolopua ilo osho otii dukuya intae. 29Amu ore oloba anaa oloas nabo e kuna baa olminong, ore lelo tung'ana oas neiwuang'ieki too ltung'ana lenye. 30Metaa embung'a enkitanapata ai nimiasiasa aikata ae nabo e kuna tabo oo lkuaki apa ootaasaki te dukuya intae, nimisarkionienie ate te ninche: ara nanu Olaitoriani Enkai inyi.”

Currently Selected:

Ilawi 18: MBS

Highlight

Copy

Compare