Fweny 18

Babulon opodho

1Bang’ wechego naneno malaika machielo kalor a e polo. Ne en gi teko maduong’, kendo ler mare ne menyo piny. 2#Isa 21.9; Jer 51.8; Fweny 14.8; Isa 13.21; Jer 50.39.Nokok matek niya,

“Yaye! Babulon dala maduong’ osepodho!

Osepodho!

Osedoko kar dak mar jochiende,

kendo odoko gunda ma chuny duto mochido odakie,

kaachiel gi winy duto ma ok ler kendo makuero.

3 # Isa 23.17; Jer 51.7. Mano osetimore nikech ogendini duto osemadho divai makech mag terruokne.

Ruodhi mag piny oseterore kode,

kendo joohala mag piny bende osedoko jomwandu

nikech ohala ma ngimane mamalo osekelonigi.”

4 # Isa 48.20; Jer 50.8; 51.6, 45. Eka ne achako awinjo dwol machielo moa e polo kawacho niya,

“Un joga, auru kuom dalano,

mondo kik uriwru e richone,

kendo kik unwang’ masichene,

5 # Chak 18.20, 21; Jer 51.9. nikech richone osebiwore mochopo nyaka e polo,

kendo Nyasaye koro oseparo timbene mamonogo.

6 # Zab 137.8; Jer 50.29. Timneuru kaka osetimo!

Medneuru nyadiriyo kuom gik ma osetimo!

Kikombe mane omiyo jomoko omadho,

ema mondo uolne nyadiriyo!

7 # Isa 47.7-9. Miyeuru sand kod ywagruok moromore mana gi duong’ mane omiyore owuon kodak e ngima mamalo!

Owacho e chunye niya,

‘An Ruoth, kendo ok nane gima dimi aywag ngang’.’

8Mano omiyo masichene chieng’ moro nopoye chieng’ achiel.

Masichego gin tho gi ywagruok kod kech,

kendo nowang’e pep gi mach,

nimar Ruoth Nyasaye moseng’adone bura nigi teko maduong’!”

9 # Ezek 26.16, 17. To ruodhi mag piny moseterore kode, kendo mosedak kode e ngimane mamalo noywage kasedo kod nyinge, kaneno ich mach mawang’e kadhuolore. 10Ginichung’ gi kuma bor, ka kihondko omakogi nikech sandruok moyudo, kendo giniwach niya,

“Yaye! Mano kaka dala maduong’ neno malit!

Yaye! In Babulon, dala man gi teko,

osetieki mana e sa achiel kende!”

11 # Ezek 27.31, 36. Johala mag piny bende noywage kadengo, nikech onge ng’at ma koro nochak ong’iew mwandugi, ma gin: 12#Ezek 27.12, 13, 22.Dhahabu gi fedha gi kite ma nengogi tek gi lulu gi nanga maber gi nanga maratiglo kod nanga mareprep gi nanga makwar gi yien duto madum tik mamit, gi gik moko duto molos gi lak liech, kod molos gi yien ma nengogi tek, kod molos gi mula, kod molos gi nyinyo, kendo molos gi kite mabeyo, 13kod gik moko kaka dalasini gi gik mang’ue ng’ar, gi uvumba, gi mor wir madum tik mamit, gi ubani, kod divai gi mo kod mogo mayom gi ngano kod rombe gi dhok kod farese gi geche lweny, gi joma otue wasumbini, kod ngima mag ji. 14Johala nowach ni dala Babulon niya, “Gik mabeyo duto ma yande iketo e chunyi oserumo! Adier, gik mapakni gi gik malombo wang’ oselal nono. Ok nichak ibed kodgi ng’ang’!” 15#Ezek 27.31, 36.Johala mane odoko momew nikech ne giloko ohala e dalano, nochung’ gi kuma bor, ka kihondko omakogi nikech sandruokne. Giniywagi ka giwacho niya, 16“Yaye! Mano gima lit manade ma osetimore ni dala maduong’ni! Ne orwakore gi nanga maber, gi maratiglo gi makwar, kendo nolichore gi dhahabu gi kite ma nengogi tek kod lulu. 17#Isa 23.14; Ezek 27.26-30.Yaye! Mano kaka oseketh mwandune duto mana kuom sa achiel kende!”

To ji duto ma weg yiedhi gi jokwang’ gi jonam kod ji duto maloko ohala e nam ne ochung’ gi kuma bor. 18#Ezek 27.32.Kane gineno ich mach mawang’o Babulon ne giywak ka gikok niya, “Onge dala moro maduong mosebedoe machal gi dalani!” 19#Ezek 27.30-34.Ne gibuko wigi buru ka giywak kendo gidengo niya, “Yaye! Mano gima lit manade mosetimore ni dala maduong’ni! En dala ma ji duto mane nigi yiedhi odokoe joma omew nikech mwandune mathoth. To osekethe mana kuom sa achiel kende, mi odoko gunda!

20 # R.Chik 32.43; Jer 51.48. “To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

21 # Jer 51.63, 64; Ezek 26.21. “Eka malaika maratego noting’o kidi machalo gi pong’ maduong’, mi obolo e nam, kowacho niya, “Mano e kaka dala maduong’ mar Babulon nobol piny, mi ok nochak onene kendo ngang’! 22#Ezek 26.13; Isa 24.8.#Jer 7.34; 25.10.Dwond joma goyo thum gi jower gi joma goyo asili gi joma goyo tung’ ok nochak owinj kuomi ngang’. Bende jotich matiyo tich moro amora ok nochak oyudi kuomi ngang’, kata dwond pong’ marego bende ok nowinji kuomi kendo. 23Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”

24 # Jer 51.49. Babulon ne okum kamano nikech remb jonabi gi remb jo-Nyasaye gi remb ji duto mane osenegi e piny, ne oyud kuome.

Currently Selected:

Fweny 18: DHO15

Highlight

Copy

Compare