Fweny 15
15
Malaika abiriyo makelo masiche mogik
1Bang’e ne aneno ranyisi machielo malich kendo miwuoro e polo! Gima ne aneno ne gin malaika abiriyo moting’o masiche abiriyo. Mago ne masiche mogik, nikech ka girumo to mirimb Nyasaye bende orumo kodgi.
2Eka ne aneno gima chalo gi nam mar rang’i moruwore gi mach. Bende ne aneno joma ne oseloyo Ondiek gi gima ket kode kod namba mar nyinge. Ne gichung’ e dir nam mar rang’i ka gin gi thumbe mag Nyasaye e luetegi. 3#Wuok 15.1.Ne giwero wend Musa jatich Nyasaye, kod wend Nyarombo, niya,
“A Ruoth Nyasaye Manyalo Gik Moko Duto!
Mano kaka tijeni dongo!
A Ruodh ogendini,
mano kaka yoreni kare kendo adier!
4 #
Jer 10.7;
Zab 86.9. A Ruoth, en ng’ano ma ok nyal luori,
kata ma ok nyal miyo nyingi duong’?
In kendi ema iler!
Ogendini duto nobi, mi kulre e nyimi,
nikech timbeni makare osenenore ratiro.”
5 #
Wuok 38.21. Bang’ mano, ne ang’icho mi aneno ka Hekalu mar Hemb Rapar oyawore e polo. 6Malaika abiriyo man gi masiche abiriyogo nowuok e Hekalu. Ne girwakore gi lewni maler kendo marieny, kendo ne gitueyo okanda mag dhahabu e korgi. 7Eka achiel kuom gik mangima ang’wen-go nomiyo malaika abiriyogo tewni abiriyo mag dhahabu ma opong’ gi mirimb Nyasaye mantie nyaka chieng’. 8#Wuok 40.34; 1 Ruo 8.10, 11; 2 W.Nda 5.13, 14; Isa 6.4.To iro moa kuom duong’ maler mar Nyasaye gi tekone nopong’o Hekalu, omiyo onge ng’ama ne nyalo donjo e Hekalu ka masiche abiriyo mag malaika abiriyogo pok orumo.
Currently Selected:
Fweny 15: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
