Kwan 27
27
Kwayo mar nyi Zelofehad
1Bang’ kweno, nyi Zelofehad nobiro. Zelofehad ne wuod Hefer ma wuod Gilead ma wuod Makir ma wuod Manase ma wuod Josef. Nying nyirigo ne Mala gi Noa gi Hogla gi Milka kod Tirza. 2Ne gibiro e dho Hema Miromoe gi Nyasaye e nyim Musa gi Eleazar jadolo kaachiel gi jodongo kod oganda duto, mi giwacho niya, 3“Wuonwa ne otho e thim, to ne ok en achiel gi jo-Korah mane piem gi Ruoth Nyasaye. Ne otho athoya kuom richone owuon, kendo noonge gi yawuowi. 4Koro ere gimomiyo nying wuonwa dilal e dhoodgi mana nikech oonge gi wuowi? Pognwa lowo mana kaka ipogo ni omine wuonwa.”
5Kuom mano Musa notero wachgi e nyim Ruoth Nyasaye, 6mi Ruoth Nyasaye nowachone niya, 7#Kwan 36.2.“Gima nyi Zelofehad dwaro ni kare. Nyaka ipognigi lowo mana kaka ipogo ni omine wuon-gi. 8To wach ni jo-Israel ni ka ng’ato otho maonge wuowi, to mwandune nyaka dong’ ni nyare. 9Ka oonge gi nyako, to mwandune nyaka dong’ ni owetene. 10To ka oonge gi owetene, to mwandune dong’ ni omine wuon-gi. 11Ka wuon onge gi ominene, to mwandune dong’ ni watne moro machiegni, kendo ng’atno ema kawo. Wachni nobed chik ni jo-Israel.” Mano e kaka Ruoth Nyasaye nochiko Musa.
Oket Joshua jatelo kar Musa
(Rapar mar Chik 31.1-8)
12 #
R.Chik 3.23-27; 32.48-52. Ruoth Nyasaye nowacho ni Musa niya, “Idh got Abarim, mondo ine piny masemiyo jo-Israel. 13Ka isenene, to ibiro tho miluw kwereni, mana kaka Harun owadu notho, 14nikech nutamoru rito chikna kane oganda jo-Israel piem koda e sokni manie thim Zin, kendo ne ok unyiso oganda ni an Ng’ama Ler.” (Mago e sokni mag Meriba man but Kadesh e thim Zin.)
15Bang’e Musa nowacho niya,, 16“A Ruoth Nyasaye ma Nyasach ngima, yier jatelo ni ogandani, 17#1 Ruo 22.17; Ezek 34.5; Math 9.36; Mar 6.34.mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.” 18#Wuok 24.13.Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome, 19kendo ikete e nyim Eleazar jadolo gi oganda duto. Miye chik e nyimgi, 20kendo imiye tekoni moko mondo oganda jo-Israel duto oluore. 21#Wuok 28.30; 1 Sam 14.41; 28.6.Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”
22Musa notimo kaka Ruoth Nyasaye nochike. Nokawo Joshua moketo e nyim Eleazar jadolo gi oganda duto, 23#R.Chik 31.23.moyieyo lwete kuome, kendo omiye chik kaka Ruoth Nyasaye nosechike.
Currently Selected:
Kwan 27: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
