Mathayo 7
7
Puonj kuom ng’ado ni ji bura
(Luka 6.37-38, 41-42)
1“Kik ung’ad ni ji bura, mondo un bende kik ng’adnu bura, 2#Mar 4.24.nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue. 3Marang’o ineno mana pilni yath manie wang wadu, to yath maduong’ manie wang’i iwuon to otami neno? 4Ere kaka diwach ni wadu ni, ‘We agolni pilni yath manie wang’i,’ ka into yath maduong’ ngolni e wang’i? 5In miwuondori awuondani! Kwong igol yath maduong’ manie wang’i iwuon, eka ininen maler mondo igol pilni yath manie wang’ wadu!
6“Kik umi guogi gik maler, nimar dipo ka gilokore, gikayou. Bende kik ubol kiteu ma nengogi tek ni nguruwe, nono to ginyonogi gi tiendgi.
Puonj kuom kwayo gik mwachando
(Luka 11.9-13)
7“Kwauru, eka nomiu, kendo dwaruru, eka unuyudi, bende dwong’uru eka noyawnu; 8nikech ng’at mokwayo ema yudo, kendo ng’at modwaro ema nwang’o, bende ng’at modwong’o ema iyawone.
9“Bende nitie ng’ato kwomu, ma, ka nyathine okwaye kuon, to omiye kidi? 10Kata kokwaye rech, to omiye thuol? 11Koro, ka un joma richo kama ema ung’eyo miyo nyithindu gik mabeyo, to Wuonu mae polo donge dibed mamor kuom chiwo gik moko mabeyo ni joma okwaye?
12 #
Luka 6.31. “Pile timuru ni jowadu mana kaka duher mondo gin bende gitimnu. Mano e tiend Chik Musa gi tiend puonj Jonabi.
Rangach madiny
(Luka 13.24)
13“Donjuru e rangach madiny, nikech yo madhi e tho lach, bende rangach midonjogo kuno duong’ kendo joma luwe ng’eny. 14To yo madhi e ngima diny, bende rangach midonjogo tin, kendo joma nwang’e nok.
Ngech yath gi olembe
(Luka 6.43-44)
15“Beduru motang’ ni jonabi mag miriambo, mabiro iru korwakore gi lep rombe, to chutho gin mana ondiegi mangemo! 16Unung’e joma kamago mana gi olemo ma ginyago. Bende ji nyalo pono olemb mzabibu kuom kudho? Koso digipon ng’owo kuom oriang’, ka ok mana kuom yiend olemo? 17Yien mabeyo nyago olemo mabeyo, to yien maricho nyago olemo maricho. 18Yath maber ok nyal nyago olemo maricho, kendo yath marach ok nyal nyago olemo mabeyo. 19#Math 3.10; Luka 3.9.To yath ka yath ma ok nyag olemo mabeyo iting’o mi wit e mach. 20#Math 12.33.Mano emomiyo awacho ni, unung’e joma kamago mana gi olemo ma ginyago.
Timo gima Nyasaye dwaro
(Luka 13.25-27)
21“Kik upar ni ji duto ma luonga ni,’ Ruoth, Ruoth,’ ema nodonji e Piny Ruodh Polo. Ooyo, joma timo gik ma Wuora manie polo dwaro kende ema nodonji. 22Ka chieng’ giko ochopo, to ji mathoth nowachna niya, ‘Ruoth! Ruoth! Donge ne wakoro wach e nyingi, kendo wagolo jochiende e nyingi? Koso donge e nyingi ema ne watimoe honni?’ 23#Zab 6.8.Eka anawachnigi niya, ‘Ne ok ang’eyou ngang’! Ayeuru kuoma un jorichogi!’
Ngech jogedo ariyo
(Luka 6.47-49)
24“Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda. 25Koth ne ochwe maduong’, mi ohula omol, kendo yamo bende nokudho mogoyo odno, to ne ok opodho, nikech mise mare ne oketi e wi lwanda. 26To ng’at ma winjo wechegi, to ok omako, chalo gi ng’at mofuwo mane ogero ode ewi kuoyo. 27Koth ne ochue maduong’, mi ohula omol, kendo yamo bende nokudho mogoyo odno, mi oruombore piny matek!”
Ji owuoro teko ma Yesu nigo
(Mariko 1.22)
28 #
Mar 1.22; Luka 4.32. Kane Yesu osetieko wacho wechego duto, ji ne owuoro puonjne, 29nimar ne ok opuonj kaka jopuonjgi mag Chik puonjo, to ne opuonjo ka ng’at man gi teko.
Currently Selected:
Mathayo 7: DHO15
Highlight
Share
Copy
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.