Isaya 53
53
1 #
Rumi 10.16; Joh 12.38. En ng’a moseyie wach mwalando?
Koso ere ng’ama Ruoth Nyasaye osenyiso tekone?
2Jatich Ruoth Nyasaye nodongo e nyime mana ka yath ma tiendene nie lowo motwo.
Ne oonge gi chia, bende ne oonge gi duong’ moro,
mane nyalo mako wang’wa, mi mi wahere.
3Ji ne ojare, kendo okwere.
Ne ne ng’at ma neno chandruok, kendo mong’iyo gi rem.
Adier, ne wajare, mi wakwane ka gima nono,
ma, ka ng’ato oneno, to loko wang’e kucha.
4 #
Math 8.17. To eka tuochewa ema ne oting’o,
kendo chandruokwa ema ne ture.
Wan to ne waparo ni masira mane oyudono
ne en kum mane Nyasaye omiye nikech richone owuon,
5 #
1 Pet 2.24. to kara ne ochwowe mana nikech kethowa.
Ee, ne osande nikech richowa.
Sand mane oyudo ema kelonwa kue,
kendo wachango nikech chwat mane ochwadego.
6 #
1 Pet 2.25. Waduto ne waselal mana ka rombe,
ka ng’ato ka ng’ato ochiko mana yore owuon,
to en ema ne Ruoth Nyasaye oketo kuome richowa duto.
7 #
Fweny 5.6. #
Joote 8.32, 33. Ne osande, kendo ne oyie mondo ochwade,
to ne ok owacho gimoro, to noling’ thi mana ka rombo mitero kar yeng’o,
kata ka rombo manie nyim joma ng’ado yiere.
8Kane osemake, mi ong’adne bura, ne okawe mi otere e tho,
to onge ng’ama ne openjo gima omiyo inege.
Adier, ne ogole oko e piny joma ngima nikech richo mag jowa.
9 #
1 Pet 2.22. Ne en gi jamoko ka otho,
kendo ne okunyne bur kama iyikoe joricho,
to onge tim mahundu mane osetimo,
kata miriambo mane osewuok e dhoge.
10To kata kamano ne en dwaro mar Ruoth Nyasaye
ni mondo ogoye, mi kete e chandruok.
Ka ochiwo ngimane mondo opwodhgo richo mag joma moko,
to enone ka nyithinde dak aming’a,
kendo gik ma Ruoth Nyasaye ochano nodhi maber nikech en.
11Bang’ chandruokne duto enone ler,
kendo enong’e malong’o ni osetimo gima kare.
Kaka jatichna en ng’at makare,
omiyo en bende enomi ji mang’eny bedo joma kare,
koting’o richogi.
12 #
Mar 15.28; Luka 22.37. Kuom mano, anamiye pok kaachiel gi joma dongo,
kendo enopog gik moyaki gi joma rateke,
nimar ne ochiwore chuth, mi otho,
kendo ne okwane kaka achiel kuom joricho,
nikech ne oting’o richo ji mang’eny,
kochung’ kar joricho e nyim Nyasaye.
Currently Selected:
Isaya 53: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
