Isaya 29
29
Jerusalem gi wasike
1Yaye, inine malit in Jerusalem,
dala mane Daudi obworoe!
Kuom higa achiel kata higni ariyo sewni mitimo higa ka higa pod timore,
2to bang’e anakelni masira,
mi ywagruok gi nduru nobedie,
kendo inichal gi kendo-mar-misango ma remo ochuerie!
3Anabed jasiki, mi agoni ageng’a.
4Nadwoki piny, mi iwuo mana gie lowo,
kendo wecheni nowuog mana e buru.
Duondi nochal gi dwond ng’at ma jajuogi,
ma dwonde pilore ka wuok piny.
5To oganda maduong’ ma kedo kodi nochal gi buru.
Adier, oganda magerno nochal gi mihudhi ma yamo tero.
6Piyopiyo nono, Ruoth Nyasaye manyalo Gik Moko Duto biro biro mondo okonyi.
Polo nomor, kendo piny noyiengni gi koko maduong’.
Kodh yamo bende nobedie, gi kalausi,
kod polo ma goyo gik moko.
7Ogendini mang’eny ma goyoni ageng’a kendo kedo kodi,
nolal nono mana ka lek mar otieno, yaye Jerusalem.
8Ginichal gi ng’at modenyo ma leko ni chiemo,
to chiew, yudo ni onge gima ochamo,
kata ka ng’at ma riyo oloyo, ma leko ni modho,
to chiew, yudo ni onge pi mosemodho.
Mano e kaka ogendini makedo gi got Sayun nochal.”
Jo-Israel gin muofni kendo andhoke
9Nenore ni udhier nono. Ara galreuru agala kanyo!
Meruru amera, to ok gi divai, bende tagreuru ataga to ok nikech kong’o.
10 #
Rumi 11.8. Nimar Ruoth Nyasaye osemiyo ubedo gi chuny mar nindo matut.
Ee, osedino wengeu, (tiende ni jonabiu),
kendo oseumo wiyeu, (tiende ni jou ma koronu wach.)
11Weche duto ma bironu e fweny, chalo gi kitabu modin gi dwogo.
Kichiwo kitabuno ni ng’at mong’eyo somo,
mi ikwaye ni mondo osomnigo,
to obiro dwoki ni ok onyal some nikech odine.
12To kata ka ichiwo kitabuno ni ng’at makia somo,
mi iwachone ni mondo osome,
to obiro dwoki ni ok ong’eyo somo.
13 #
Math 15.8, 9; Mar 7.6, 7. Bang’ mano, Ruoth Nyasaye nowacho niya,
“Jogi lama mana gi dhogi kende,
kendo gimiya luor mana gi dhogi ma oko,
to chunygi bor koda, kendo luor ma giluorago
en mana chik mar dhano, momak gi wich.
14 #
1 Kor 1.19. Emomiyo anachak abwog jogi kendo,
ka atimo gik malich ma miyo giwuoro.
Rieko mar jogi mariek nolal nono,
kendo paro matut mar jogi mang’ado rieko, norum.”
15Yaye, unune malit, un joma temo pando parogi ni Nyasaye,
kendo ma, kosetimo timbegi e mudho, to wacho niya,
“Ere ng’ama nenowa, koso ere ng’ama ong’eyo gima watimo?”
16 #
Isa 45.9; Rumi 9.20. To koro mano kaka uloko weche ataro,
mana ka gima jachuech bende romre gi lowo mochueyo.
Bende gimoro ma ochue dikwer ni jachuechne ok ochueye?
Koso agulu bende diwachi ni ng’ama ochueye onge gi rieko?
Okor wach ni nores jo-Israel
17Bang’ kinde matin, Lebanon biro lokore puodho momew, mi yien mabeyo nodongie.
18Chieng’no, joma itgi odino nowinj wach, ka isomo kitabu,
kendo joma wengegi osebedo kotimo mudho mandiwa, nonen.
19Joma muol nochak obed mamor kuom Ruoth Nyasaye.
Adier, joma odhierie moloyo nobed mamor kuom Ng’ama Ler mar Israel.
20Joma ger norum, kendo josunga ok nobedie,
mi jogo duto ma timbegi mono notieki.
21Gin jogo ma ketho nying ji,
kendo ma buto mondo ohiny jong’ad bura,
bende gimiyo buch ng’at makare iketho kayiem nono.
22Kuom mano, Ruoth Nyasaye ma Nyasach joka Jakobo,
kendo mane owaro Ibrahim wacho kama:
“Koro Jakobo ok bi yudo wichkuot,
kendo kibaji ok nogoye,
23nikech ka nyikwaye oneno gima asetimo ni ogandagi,
to ginimi nyinga duong’.
Ee, ginidend Ng’ama Ler mar Jakobo.
Adier, ginimi Nyasach Israel luor.
24Joma parogi bayo noyud rieko,
kendo joma wigi tek bende nopuonji!”
Currently Selected:
Isaya 29: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
