Hosea 1

1 # 2 Ruo 15.1-7; 2 W.Nda 26.1-23; 2 Ruo 15.32-38; 2 W.Nda 27.1-8; 2 Ruo 16.1-20; 2 W.Nda 28.1-27; 2 Ruo 18.1—20.21; 2 W.Nda 29.1—32.33; 2 Ruo 14.23-29. Kitabuni ondikie weche mane Ruoth Nyasaye onyiso Hosea wuod Beeri e ndalo loch ruodhi Juda ma Uzia gi Jotham gi Ahaz kod Hezekia, kendo e ndalo loch Jeroboam wuod Jehoash ruodh Israel.

Chi Hosea ma wang’e tar, kod nyithinde

2Kane Ruoth Nyasaye okwongo miyo Hosea owuoyo ni jo-Israel, ne owachone niya, “Jopinyni oseweya, molamo nyiseche mamoko, mana ka dhako moweyo chwore mondo odwanyre gi chwo mamoko. 3Omiyo, dhiyo ikend nyako ma wang’e tar mondo inywolgo nyithindo.” Kamano Hosea nodhi mokendo Gomer nyar Diblaim. Ne omako ich, monywolo ni Hosea wuowi. 4#2 Ruo 10.11.Eka Ruoth Nyasaye nowacho ni Hosea niya, “Chak nyathino ni Jezreel, nimar achiegni kumo ruodh Israel kuom remo mane Jehu wuon mare ochwero Jezreel. Abiro tieko loch nyikwa Jehu e Israel, 5kendo e kindeno anaketh teko mar jolwenj Israel e holo Jezreel.”

6Gomer nochako omako ich, monywolo nyako. Ruoth Nyasaye nowacho ni Hosea niya, “Chake ni Lo-ruhama, tiende ni, ma ok oher, nikech ok nachak aher jo-Israel, kata mana ng’wononigi ok nang’wonnigi, 7to anaher jo-Juda. An Ruoth Nyasaye anaresgi, to ok naresgi gi lweny, kata gi gilweny.”

8Kane Gomer oseweyo dhodho Lo-ruhama, nochako omako ich, monywolo wuowi machielo. 9Eka Ruoth Nyasaye nowacho niya, “Chake ni Lo-ami, tiende ni joma ok joga, bende ok ayie bedo Nyasachu,”

10 # Rumi 9.26. “To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’, 11Bang’e jo-Israel gi jo-Juda nochak oriwre kanyakla achiel, mi gichak gidhi nyime maber. Kamano chieng’ Jezreel nobed chieng maduong’ adier!”

Currently Selected:

Hosea 1: DHO15

Highlight

Copy

Compare