Rapar mar Chik 14

Kit ywak ma Ruoth Nyasaye ok dwar

1 # T.Lawi 19.28; 21.5. “Un e nyithind Ruoth Nyasaye ma Nyasachu, omiyo kik usar dendu kata kik uliel nyiem wengeu kuywago ng’at motho, 2#Wuok 19.5, 6; R.Chik 4.20; 7.6; 26.18; Tito 2.14; 1 Pet 2.9.nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Le ma jo-Israel nyalo chamo gi mago makuergi

(Tim jo-Lawi 11.1-47)

3“Kik ucham gimoro makuero. 4To jamni gi le munyalo chamo e magi: Dhiang’ gi rombo gi diel 5gi nyakech gi ogunde gi ngawo gi diend thim gi puro gi omoro kod nyambaja. 6Unyalo chamo kit jamni gi kit le duto ma ombong’gi opogore ariyo, kendo ma nyamo kambula. 7To mak mana ni kik ucham mago ma nyamo kambula, to ombong’gi ok opogore ariyo, kata mago ma ombong’gi opogore ariyo to ok nyam kambula kaka ngamia gi apuoyo kod terere. Mago nyamo kambula to ombong’gi ok opogore, omiyo nyaka ukwan-gi ka gik makuero. 8Mbidhi bende kik ucham, nikech kata ombong’ne opogore kamano, to ok onyam kambula omiyo en gima kuero. Kik ucham lego kata mulogi kik umulgi ka gisetho.

9“Unyalo chamo rech duto man gi thuokgi kata man gi kagahla, 10to kik ucham rech moro amora maonge gi gigo, nimar ka en kamano to en gima kuero.

11“Unyalo chamo winy duto ma ok kuero, 12to mago ma kuero ma kik ucham e magi: Ongo gi koga gi kwasi 13gi kalamindi gi okunekune gi otenga gi winy machal kamago, 14kod kit agak duto, 15gi udo gi nyatawo gi okok kod kit olith duto, 16gi tula matin gi tula maduong’ kod tula ma ite dongo, 17gi mbusi gi achuth gi osou 18kod nyamnaha gi kit ng’ang’a duto gi cherwa kod oliktik. 19Gik mahuyo mang’eny kanyakla gin gik makuero, omiyo kik uchamgi. 20To unyalo chamo gik mahuyo ma ok kuero. 21#Wuok 23.19; 34.26.Kik ucham gima otho kende, nimar un joma ler mowal ni Ruoth Nyasaye ma Nyasachu. Gima kamano unyalo miyo jopinje mamoko modak kodu mondo ocham, kata unyalo ng’iewe gi jopinje mamoko.

“Kutedo nyadiel, to kik uolie cha min mare.

Chike mag chiwo mar achiel kuom apar

22 # T.Lawi 27.30-33; Kwan 18.21. “Higa ka higa nyaka uket tenge achiel kuom apar mag gik moko duto monyak e puotheu, kaka cham gi divai gi mo, kaachiel gi nyithind jambu duto mokwong nywol. 23Chamgiuru e nyim Ruoth Nyasaye ma Nyasachu kama obiro yiero mondo nyinge obedie. Kamano ubiro puonjoru luoro Ruoth Nyasaye ma Nyasachu ndalo duto. 24To ka Ruoth Nyasaye ma Nyasachu oseguedhou gi gik mang’eny, kendo ng’atu moro odak mabor gi kama Ruoth Nyasaye biro yierono, ma ok onyal ting’o gigo motundgo kuno, 25to onyalo lokogo pesa, moter kuno. 26Kosetundo kuno, to onyalo ng’iewo gima ohero gi pesago, bed ni en ring dhiang’ kata ring rombo, divai kata kong’o. Unuchiem kuno gi joodu kumor e nyim Ruoth Nyasaye ma Nyasachu. 27To dhiuru gi jo-Lawi modak kodu, ni mar dhood Lawi ok opogne piny kaka opognu.

28“To bang’ higni adek ka higni adek, keluru achiel kuom apar mag gik monyaknu e higano, kendo uket e dhorangeyeu, 29mondo jo-Lawi ma onge gi piny mopognigi, kod jopinje mamoko, gi nyithindo ma kiye kod mond liete modak kodu oyud chiemo moromogi. Kutimo kamano, to Nyasaye noguedh gik moko duto mutimo.

Currently Selected:

Rapar mar Chik 14: DHO15

Highlight

Copy

Compare