Amos 1
1
Bura mibiro ng’ado ni ogendini ma okiewo gi jo-Israel
1 #
2 Ruo 15.1-7; 2 W.Nda 26.1-23;
2 Ruo 14.23-29. Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.
2 #
Joel 3.16. Nowacho niya, “Ruoth Nyasaye ruto Sayun!
Ee, dwonde mor Jerusalem!
Kuom mano lege jamni two,
kendo wi got Karmel mang’ich ner.”
3 #
Isa 17.1-3; Jer 49.23-27; Zek 9.1. Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham. 4Kuom mano abiro oro mach e dhood Hazael piny Aram, kendo majno biro wang’o miech ruodh Ben-hadad mochiel motegno. 5Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”
6 #
Isa 14.29-31; Jer 47.1-7; Ezek 25.15-17; Joel 3.4-8; Zef 2.4-7; Zek 9.5-7. Ruoth Nyasaye owacho niya, “Jo-Gaza osetimo richo mang’eny, omiyo abiro kumogi mak orem, nikech ne gikawo oganda ngima, mi giketo e lwet jo-Edom. 7Kuom mano abiro oro mach e ohinga mar Gaza mondo owang’ kuonde mochiel motegno mag dalano, 8kendo abiro riembo jodong mier mag Ashdod gi Ashkelon. Anakum dala mar Ekron, kendo jo-Filistia duto modong’ notho.” Mano e wach Ruoth Nyasaye.
9 #
Isa 23.1-18; Ezek 26.1—28.19; Joel 3.4-8; Zek 9.1-4; Math 11.21, 22; Luka 10.13, 14. Ruoth Nyasaye owacho niya, “Jo-Turo osetimo richo mang’eny, omiyo abiro kumogi mak orem, nikech ne gidaro oganda moro, mi gitero e piny Edom e tuech, ka ok girito winjruok mar osiep mane gitimo kodgi. 10Kuom mano abiro oro mach e ohinga mar Turo mondo owang’ kuonde mochiel motegno mag dalano.”
11 #
Isa 34.5-17; 63.1-6; Jer 49.7-22; Ezek 25.12-14; 35.1-15; Obad 1.1-14; Mal 1.2-5. Ruoth Nyasaye owacho niya, “Jo-Edom osetimo richo mang’eny, omiyo abiro kumogi mak orem, nikech ne gimonjo jowetegi ma jo-Israel, mi ginego malit, kendo ne ok gigeng’o mirimbgi, to ne gisiko ka gimako kodgi sadha marach. 12Kuom mano abiro oro mach Teman mondo owang’ kuonde mochiel motegno mag Bozra.”
13 #
Jer 49.1-6; Ezek 21.28-32; 25.1-7; Zef 2.8-11. Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead. 14Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach. 15Ruodhgi ibiro daro, mi ter e tuech, kaachiel gi jodonge.”
Currently Selected:
Amos 1: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
