2 Timotheo 1

1An Paulo, jaote mar Kristo Yesu kuom dwaro mar Nyasaye, 2#Joote 16.1.andikoni in Timotheo, nyathina ma ahero. Nyasaye ne omiya tich mar lando ni ji wach ni osesingorenwa ni wayudo ngima kuom Kristo Yesu. Ng’wono gi miwafu kod kue moa kuom Nyasaye Wuoro gi Kristo Yesu Ruodhwa obed kodi.

Weche mag erokamano kod mag jip

3Alemoni pile, odiechieng’ gotieno, kendo ka alemo to agoyo erokamano ni Nyasaye ma atiyone ka parona liw, kaka kwerena bende notiyone. 4Ka aparo kaka pi wang’i nochwer to agombo neni, mondo chunya obed gi mor mogundho, 5#Joote 16.1.nikech aparo yie maradier ma in-go. Yienino chalo gi yie mane Lois dani nigo mokwongo, kendo mane Yunike meru bende ni-go. 6Mano emomiyo aparoni mondo ichier mich mar chuny mane Nyasaye omiyi kane ayieyo lweta kuomi. 7Nyasaye ne ok omiyowa chuny mar bedo ngoche, to nomiyowa chuny mar bedo gi teko, gi hera, kod ritruok.

8Omiyo kik wiyi kuodi kod nyiso ji wach Ruodhwa, kata kik wiyi kuod koda, an ng’ate motue. To kuom teko mar Nyasaye, yie mondo ine masiche kodwa nikech Injili. 9Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu. 10To koro oseele kuom fwenyruok mar Jawar Kristo Yesu e piny. Kristo ema nosetieko tho, kendo osenyisowa ratiro kuom Injili ni ngima ma nyaka chieng’ nitie.

11 # 1 Timo 2.7. Ne oyiera mondo aland Wach Maber kaka jaote kendo japuonj. 12Mano ema omiyo aneno masira kama, to wiya ok nyal kuot, nikech ang’eyo Jal mane ayie kuome, kendo aonge gi kiawa ni gima asemiye, onyalo ritona nyaka chop chieng’ Bura. 13Nyaka imak puonj maradier mane amiyi, obedni ranyisi. Luw puonj ka in gi yie kod hera ma wan-go kuom Kristo Yesu. 14Gima ber mane omiyino rit mang’won, ka Roho Maler konyi.

15Ing’eyo ni owete duto manie piny Asia, koda ka Fugelo, gi Hermogene, oseringo oweya kenda. 16To Ruoth mondo oguedh jood Onesiforo, nikech noduogo chunya ndalo mang’eny, kendo wiye ne ok okuot koda kane an e jela, 17to kane ochopo Rumi nomanya ahinya nyaka oyuda. 18Ing’eyo maber ahinya kaka ne okonya e yore mathoth e dala mar Efeso! Ruoth mondo okeche chieng’ Bura.

Currently Selected:

2 Timotheo 1: DHO15

Highlight

Copy

Compare