2 Jo-Korintho 6
6
1Kaka joma tiyo kaachiel gi Nyasaye, wamedo sayou ni kik uwe ng’wono mar Nyasaye museyudo bed kayiem nono, 2#Isa 49.8.nikech Nyasaye wacho niya,
“Ne awinji e kinde mowinjore.
Adier, ne akonyi e ndalo warruok.”
Koro neuru, ma e kinde mowinjore ahinya! Winjuru, ma e ndalo mar warruok. 3Ok wadwar timo gimoro ma dichwany ng’ato, nikech dipo ka tichwa oyudo achaye. 4To wanyiso ni wan jotich Nyasaye, e weche duto, kwatimo kinda ahinya e sand, e chandruok, e masira, 5#Joote 16.23.e chwat, e twech, e koko, kendo e thagruok, ma ok wanindi kendo ok wachiem. 6Wanyisore kuom timbewa makare, kendo kuom rieko, gi timo kinda, gi ng’wono, gi Roho Maler, gi hera maradier, 7gi lando wach adiera, kendo gi teko mar Nyasaye. Wamako tim makare ka gilweny mwamonjogo wasigu, kendo mwaritorego. 8Wayudo duong’, kendo wayudo achaye, bende iketho nyingwa, kendo ipakowa. Ikwanowa gi jomriambo, kata obedo ni wawacho adieri, 9bende wan ka joma ok ong’e, kata obedo ni ong’ewa maber, kendo wan ka joma tho, to kara pod wangima, bende kata ikumowa, to ok negwa. 10Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.
11Un jo-Korintho, wawuoyonu gi chuny moyawore chutho. 12Wan, chunywa ni thuolo kodu, to un ema udich e chunyu. 13Koro un bende yanwauru chunyu, nikech awuoyonu kaka wuoro wuoyo ni nyithinde.
Siem kuom timbe mag Satan
14Kik uriwru gi joma ok oyie. Ere kaka tim makare diriwre gi tim marach? Koso ler diriwre nadi gi mudho? 15Ere kaka Kristo diriwre gi jachien? Koso ere winjruok manyalo bet e kind ng’ama oyie gi ng’ama ok oyie? 16#1 Kor 3.16; 6.19; T.Lawi 26.12; Ezek 37.27.Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya,
“Abiro dak kodgi,
kendo anawuoth kuomgi.
Anabed Nyasachgi,
kendo ginibed joga.”
17 #
Isa 52.11. Emomiyo Ruoth owacho ni,
“Auru kuomgi, kendo pogreuru kodgi.
Kik umul gimoro mogak, mi narwaku.
18 #
2 Sam 7.14; 1 W.Nda 17.13; Isa 43.6; Jer 31.9. Kutimo kamano to eka anabed wuonu,
kendo unubed yawuota gi nyiga.
An Ruoth Nyasaye Manyalo Gik Moko Duto ema awacho kamano.”
Currently Selected:
2 Jo-Korintho 6: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
