1 Petro 5

Kuedh Nyasaye

1Koro an gi wach moro ma adwaro kwayou, un jodongo. Awuoyo kodu kaka jaduong’ wadu, mane oneno kaka Kristo sandore, kendo mageno yudo pok kuom duong’ mabiro fwenyore. 2#Joh 21.15-17.Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero. 3Kik utimru ruodhi ni jogo moketi e lwetu ka kueth mondo uriti, to nyaka udok nigi ranyisi maber. 4Eka ka jakwath maduong’ obiro, to unuyud osimbo mar duong’ ma ok kethre, manyiso ni uselocho.

5 # Nge 3.34. Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.” 6#Math 23.12; Luka 14.11; 18.14.Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore. 7Keturu parruok duto ma un-go kuome, nikech oparou.

8Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam! 9Chung’uru motegno kuom yie ma un-go, mondo utame, ka ung’eyo ni oweteu moyie manie piny duto, bende yudo chandruok ma kamago. 10To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni. 11En e wuon loch nyaka chieng’. Amin.

Mos mogik

12 # Joote 15.22, 40. Andikonu barua machiekni, ka Silvano, ma ageno kaka owadwa maradier, konya. Adwaro jiwou kendo nyisou ni mano e kaka ng’wonono mar adier mar Nyasaye chalo. Omiyo chung’uru motegno kuom ng’wonono.

13 # Joote 12.12, 25; 13.13; 15.37-39; Kol 4.10; Filem 1.24. Kanyakla mar jo-Kristo man Babulon,#5.13 Nenore ni Babulon miwuoyo kuomeni en dala mar Rumi. mane Nyasaye oyiero, omosou. Wuoda Marika bende omosou. 14Yogreuru gi mos maler mar hera. Kue obed kodu uduto ma un kuom Kristo.

Currently Selected:

1 Petro 5: DHO15

Highlight

Copy

Compare