Taasipane 30
30
Kakudhane ki ngiabulru
1Kai lebe peaelaela ku Musi ki lakiacapili ki lazuku ki swa Iseraylri. 2Yakai ku umawmase ku papia ki Tamatama ngiabulru, ku kiaketekete kitepese, madha pulibalibake, lri tara pasusu ku taiyaneini si pangimia.
3Ku tawvailekete lu ikaiyana ki tamaini yai, lwiyasi ngiabulru papia ki Tamatama ku kitepese, 4kathane lu kilalra ku tamaini si kai palraingi, kwini alisu lri tara pasusu ku tangiabulrwaneini ku palraingini kitepese. 5Lwiyasi la kilalra ku tamaini la kai palraingi iniane pangimia ku ngiabulruini ku takitepesaneini, kwini alisu kai lri pasusunga; ku Tamatama lri pacepe iniane, asi lwiyane ku tamaini kai palraingi iniane pasusu.
6Lwiyasi kwini kaina marudrange ka ababai lu ngiabulru, adravane ka kidremedremeini ka kaika kidremedremeini, ku pwakawnu ku apangimiane, sakabilrilanenga ala karudrange, 7kathane lu kilalra kwini tawaneini la kai palraingi, kwini alisu lri tara pasusu kwini ki ngiabulruini ku palraingingaini kitepese. 8Lwiyasi kwini tawaneini la kilalra si kai palraingi iniane pangimia ku ngiabulruini si kitepeseini, kwini alisu kai lri pasusunga. Ku Tamatama lri pacepe iniane.
9Ku walibakane si makakatwase ki tawaneini ku ababai, kwini ngiabulruini, si palraingini kitepese, lri tara pasusu.
10Lwiyasi kwidra marudrangenga ku ababai la ngiabulru ku palrainginga kitepese, 11kathane lu kilalra kwini tawaneini si la kai palraingi, kwini alisu lri tara pasusu ku tangiabulrwaneini ku tapalrainganeini kitepese. 12Lwiyasi kwini tawaneini la kilalra si kai palraingi iniane pangimia ku ngiabulruini ku kitepeseini, kwini alisu kai lri pasusunga. Ku Tamatama lri pacepe iniane, asi lwiyane taelrelreini ka kai palraingi iniane pasusu. 13Ku tawaneini yakai ku kindri thingale ku tangimiane ku wasuburu ku ngiabulruini si palraingingaini kitepese. 14Ai, lwiyasi ku tawane ki alisu sa ivaivai kilalra iniane sa ngiabulru la kai pathingalane ka kai palraingi, kwini alisu lri tara pasusu ku tangiabulrwaneini ku tapalrainganeini kitepese. Ku tawaneini sa ivaivai kilalra ku tangiabulrwaneini la kai kirimu kai palraingi, wathingalenga kwini tangiabulrwaneini. 15Lukabilrilinga, lwiyasi kwini tawane ki alisu la suburu kwini ningiabulrwane, kwini tawane ki alisu lri tara siamece ku kaika tapangimiane ku ngiabulru ki alisu.
16Kikai yai Tamatama ka wabaai ki Musi tukakudhane ki ngiabulru si kiaketekete pangukai kudra ki kaiyana marudrange si ikaiyana ki tamaini ka ababai si kudra marudrangenga ka ababai.
Currently Selected:
Taasipane 30: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
