Taasipane 12
12
Kia pathavungu ku Miriame
1Ku Musi marudrange mwa ki tangea ka swa Kuse#12.1 “Kuse” ku “Midianite” ku “Sudane” amia madu.; ku Miriame si Arungu ngwalai kikai si kawriariva ki Musi. 2Amia kai, “Bekace ku Tamatama ka kathane ki Musi ku tapangukaiyaneini kawriva? Lumialrini kaika pangwakai naiane kawriva?” Kikai vaga kai la kilalra ku Tamatama. 3Ku Musi amani kwidra ngiasasangate ku takaumawmasane; mangisasasaangatenga ki sanaka umawmase kai kawmasane.
4Ku Tamatama la kirimu kawriva ki Musi, Arungu, Miriame, “Kunumi ka tatulru kela mudaane ki Alrivilrivi ka balrawbau.” La makitu mwa kwini. 5Ku Tamatama la mulebe ikai ki ulrudru ka ememe, si acegecege ikai lrawlrawdru ki Alrivilrivi ka balrawbau, la dawlu liniane, “Arungu, Miriame!” Kwini tadrusa la mulatadre acegecege. 6Ku Tamatama la kawriva, “Kunumi kilalra nau kawriva! Sa ikai ku yuginsia numiane, yakaiyaku ki maburusi cunu liniane ku tangimiamianeli, si ikai ki sipi kawriva liniane. 7Ai lu kawrivaku ki sasiakawluli ka Musi makaela; siakawlaku iniane pakadrenge sanaka swa Iseraylri ka kawkawluli#12.7 “siakawlaku iniane pakadrenge sanaka swa Iseraylri ka kawkawluli” ku wahunyake madu iya kai “kwi lasu ikai ki daaneli amani kwidra tengatengane ku kidremedreme ka matiasudralru”.. 8Lakamani ku maicubunguli iniane kawriva, si pudriadringai; kai arakai ku anazu. Kwi lasu pakeela ku wadrele ku tangimiamianeli! Kunumi anu maka thuru takiecebe iya ki sasiakawluli ka Musi?”
9Ku Tamatama la kaelaela liniane; lakamani sa katwase, 10ku ememe sa twalai ki Alrivilrivi ka balrawbau talulaela, ku kinawmasane ki Miriame la karaibiu, akabalrithi mia ki pasabu ku lrapungane. Ku Arungu la drele iniane karaibiu, 11la iya kai ki Musi, “Tamatamali, madha ngwalai ku tangikulrungane nai pasalriu si kipathavungu. 12Madha pangimiamia ki Miriame ki kiatulalake si apararamaunga kaburaburawnga ka wapacai ka yabarangane.”
13Ku Musi la kitubi ki Tamatama, “Twaumase, kiatubiaku sulrava iniane!”
14Ku Tamatama la tubalre ki Musi, “Lwiyasi ku tamaini la sungalrai ki lringauini, kwini alisu lri tara kiadiliana ku amaka pitulane kiarubwane! Lakamani, malra iniane emenge pulatadre ki tasuladhane makapitulu.” 15Ku Miriame la kiemenge pilatadre ki tasuladhane makapitulu; ku mapapangale lri mukalava iniane lu siwlringa lri musuburu ku tasuladhane lini. 16Kwini lalasu matwase ka Hazeruthe, la kela calragulragu ka Parange si cegecege ku tasuladhane lini.
Currently Selected:
Taasipane 12: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
