Maruku 7

Kakwakudhane ki cucungulane

(Matai 15.1-20)

1Ku swa Palrisai si twalai Yerusalrime ku tapiya ka tarabulrubulru ki Sisiu karededele kainganai kikawriva ki Yesu. 2Kai lalasu wadrele ki lasitu ki Yesu ku yakai ku arakai ku kaika mabula ku alrima kane ku aga, kai ngiamia ki swa Palrisai paswalana tawlrima.

3Kudra tangimiamiane, kai swa Palrisai si la swa Yuda ka umawmase pangiamiamia makanaelre kudra kakudhane, lu kaina paswalana tawlrima kai lri kane ku aga. 4Ku nipatwaladhane ki siwbai langai ku lamanemane lu kai paswala sinau lri kai kane#7.4 “Ku nipatwaladhane ki siwbai langai ku lamanemane lu kai paswala sinau lri kai kane” ku wahunyake madu iya kai “Ku nipatwaladhane ki siwbai langai ku lamanemane lu kai paswala tawlrima lri kai kane”.. La kakaalrana ku drumane ku palululudu lini ku nitukakudhanane ki cucungulane, marwamaaninga kikai watumane madu lu sinavane ku kupu, lu sinavane ku palungu, lu sinavane ku bulavane si tapeapecane#7.4 Yakai ku sidrumane ka hungu ku kai wapacase kikai “tapeapecane”. kudra la miyaiya kwini.

5Lakamani kwidra kai swa Palrisai si latarabulrubulru ki Sisiu kiavaga ki Yesu, “Asi kai lasitusu kai paluludu ku sabulrwane ki cucungulaneta, la thuru arakai ku kaika mabula ku alrima kane ku aga?”

6Ku Yesu la kawriva: “Ku Isaiya ku tapapiane numiane ka langiakathaithaitharirane ka laumawmase ku tayugingane pacengecenge; kwi lasu amia kai:

Ku Twaumase amia kikai kawriva:

Kikai laumawmase arakai ku bibiane lini musakene nakwane,

ai ku kidremedreme lini wadailinga nakwane.

7Kikai lalasu la maalralringa ku tukakudhane ki umawmase si drekaseini iya nakwane;

kwini lalasu lu sukusukubu nakwane kadrwa ku paluludane!”

8La iya kai ku Yesu, “Kunumi paluludu numi ku sabulrwane ki sidrumane ki umawmase, la cilri numi ku drekase ki Twaumase.”

9Kwi lasu la iyana kai, “Kunumi malrigili numi pasiwlri si kai tarumara ku padradrekase ki Twaumase, pakai ku apaluludane ki nakakwakudhane. 10Ku Musi wadrekase numiane, ‘Musakena ki tamasu si tinasu,’ si la tukakudhane, ‘Ku wapusu kaelaela ki tamaini si tinaini, lri kipathavungu kipapacai.’ 11La iyalringa numi kikai, alaiyasi ikai ku umawmase ku wamalra ku salapwane ki marudrawdrange ku lamanemane si tu ‘Kurebane’ (ku pacugane yai sapatarumarane ki Twaumase ka lataleke), 12kwi lasu lri kai lapunga ki marudrawdrange la iya numi. 13Kunumi lu pia numi kikai maru wamalranga numi kudra bulru numi ki palrapalra ku sidrwadrumane ka kakwakudhane arakai amudu ku vaga ki Twaumase. Kunumi la kakalrana ku piapia numi ku thadalrane kikai.”

Ku lri kai pakabula ki umawmase ku lamanemane

(Matai 15.10-20)

14Ku Yesu la peelana sarubu ki mapapangale pucucubungu iniane, si iya kai liniane, “Kunumi makanaelre makitu kilalra kai vagali, si pulringalringava. 15Kudra twalai latadre si mwadringi ki umawmase kai lri pakakudrulru ki umawmase; ngiabaalrelringa kamani, kudra twalai adringi ki umawmase ngibwale ala amani ku lri pakakudrulru ki umawmase.”#7.15 Yakai ku sidrumane ka hungu ku wadrima ki mwasaka 16 ka vaga “Ku yakai ku calringa si lri dulru kilalra, kilalra makanaelre!” (Drela ki Maruku 4.23.)

17Ku Yesu sa katwase ki laumawmase si mudaanenga, ku situ la kivaga iniane ku pacugane kikai sapathalrilrikwane. 18Ku Yesu la iya kai liniane, “Kunumi laka mararamau numi liniane ka kai pulringalringau? Kai numi wathingale? Kudra twalai latadre si mwadringi ki umawmase kai lri pakakudrulru iniane; 19asi lwiyane ku twalai latadre si mwadringi kai ka wamwa ki kidremedremeini, wamwa ki barangeini, si pakatwase.” (Ku taiyane kikai ki Yesu ku pacugane yai, papia ki sanaka akaneane mabula patueelre iya.)

20La pacuungulu iya kai, “Kudra lri kai paalrivilrivi ki umawmase amani kwidra twalai adringi ki umawmase kainganai. 21Asi lwiyane ku twalai adringi, amani kudra twalai ki kidremedreme ki umawmase kainganai ka makaelaela ku ngilisianane ku takidremedremane; kilakikai ngialisiane ka takidremedremane lri papasalriu iniane ki padralra, ki kwaupa, ki papacai, 22pasalriu ki sawvalai si ababai, ki marau, ki ngilisiane, ki draedrangelre, ki ngilralrailrailraingi, ki pathalra, ki twalilisi, ki ngiakamiane, ki ngiakasanianiange ka lamiyaiya kai ka lapasalrivane. 23Kikai ngialisiane patuelre twalai adringi ki umawmase kainganai ka patengatengane ka kai pakabula ki umawmase.”

Salrwane ki tangea ka ababai

(Matai 15.21-28)

24Ku Yesu la katwase kwini, si mwa kwini ki ngwadeethe ki Tayre ka cekele. La mudaane ki vaeva ka wacekecekele, si kai apipathingale ki umawmase, ai kai maka aseketane. 25La makakai, ikai ku tangea ku ababai, ku lalakeini ka ababai kiaikai ki aidridringane, sakilalra ku ngwakai ki Yesu la makakaai kainganai drele iniane, si pidruru icucubungu ki drapaleini. 26Kikai ababai sakamaelanane ka kuni, kiatulalake ikai Puinicia ka Siria. Kai alisu kiatubi ki Yesu ku apakatwasane ki aidridringane patwalai ki kinawmasane ki lalakeini. 27Ku Yesu la tubalre iniane, “Paswalana pakane pakabucuku ki lalalake. Kudra wamalra ku akaneane ki lalalake si cilri pakane ki kukulu ka tawpungu kai pacengecenge.”

28Kwini ababai la tubalre, “Unu, Tamatama, ai ku yatailebeane ki cukwi ku kukulu ka tawpungu wakaane ku dukace.”

29Ku Yesu la iya kai kwini ki alisu, “Ngwalai kikai ki vagasu, lu mutavanaananga; kudra aidridringane twalainga ki kinawmasane ki lalakesu katwase!”

30Kwini ababai la katwase mutavanane, la drele ki lalakeini la apecenga ikai tapeapecane; kudra aidridringane la katwasenga kidaili iniane.

Ku Yesu pawadringai ki tangea ka macele si kamenene ka umawmase

31Ku Yesu la katwase kwini talikai Tayre, si lribate ka Sidune la twalai pagisane ka Dikapulrise siwlri mwa ka baiyu Galrilri. 32Yakai ku waililuku ku tangea ku macele si ka mamenene mwa ki Yesu cucubungu, si ani pawdringai iya ki Yesu iniane. 33Ku Yesu la patwalai ki laumawmase iluku iniane, si puthili, la arakai ku dadiputhaneini pwadringi kwini ki calringa ki lasu, la arakai ku ngalrai sakidri ki lridame ki lasu. 34Ku Yesu la paswabelenge si kiaseasene, la kawriva kwini ki umawmase, “Ipatha!” Kwidra pacugane kwi taiyane yai, “Manunganga!” amia.

35Kwidra calringa kwini ki umawmase la makakaai nguelebane, ku lridameini la kalralrukanga, si kawrivanga, kakadruanga ku pakakucingalreini. 36Ku Yesu la pelaela cunu liniane makanaelre madha matikaikai kikai si pelaela ki palrapalra; ai lu aru iya kwini, kwini lalasu arwa pelaela pasalraelre. 37Kudra lakialalra makanaelre ku umawmase la kasamali; si iya kikai, “Kudra tapianeini mathariri turamuru! Pakialalra ki macele, pakawarivanga ki mamenene!”

Currently Selected:

Maruku 7: NDV

Highlight

Copy

Compare