Lrivi 24
24
Kakudhane ki tapikaikaiyane ki tinaki
(Taasipane 27.20-21)
1Ku Tamatama wacunu ki Musi, 2“Drekasa ki swa Iseraylri malra ku alrivilrivi ku lawlau ki ulrive, tusapadaladhane ki tatinakiane ki daane ki Alrivilrivi ka balrawbau, lani ka taledrane kwini apwi ki tatinakiane. 3Luka maungu, ku Arungu lri pikai cucubungu ki taikaiyane ki Langiane ki Twaumase ka Alrivilriviilrivinga ka taikaikaiyane kwini ki makalrilau latadre padalai ku apwi, kikai apwi ani twalai ki maungu pakela ki mialrealre icucubungu ki Tamatama ledraledra. Kikai kakudhane amani ku apasuswane ki mwabaibalrithi iniane apalralraawthunga. 4Ku Arungu lri arathungu kwini apwi ki kakingiane ka taikaiyane ki tinaki, lani ka taledrane ikai cucubungu ki Tamatama.”
Apatarumarane ki Twaumase ka pange
5“Kusu arakaiya ku 24 ki kukingi ku malaelamenge ku milrikinku si akame tu 12 ku pange, 6ala malra kwini la pange pubelenge ki cukwi kwini ki yacucubungu ki Tamatama; kwini pange tusipusala, ku sivale eneme ku pange. 7Kusu la malra ku sapasangulrelremane sabulu pubelenge kwini ki matilibi ka pange, ka sapatuthingalane ka wamalra kwini pange tusalamane si patarumara ki Tamatama ka Apwi ka lrisi. 8Luka Taisadrasadrane ka vai, ku Arungu lri tara malra kwini pange pucucubungu ki Tamatama, apalralrawthu kai lri karetegenga. Kikai amani ku apasuswane ki swa Iseraylri ka samakaketeketane apalralrawthu. 9Kikai pange abaadhane ki Arungu si mwabaibalrithi iniane. Lri ikai ki saniange ka taikaiyane kane kikai pange; asi lwiyane amani kai ku sapatarumarane baai ki Tamatama ka Apwi ka lrisi ka sanianiangenga, ka barakaladhane.”
Kakudhane ki aparamaramau turingaringau
10-11Yakai ku tangea ku umawmase, ku tamaini swa Izipiti, ku tinaini swa Iseraylri ka zuku ki Dange ka lalake ki Dibiri, ku naganeini sia Silumithe. Yakai saka minakavalane, kikai umawmase la ikai ki tasuladhane makakarivu ki tangea ka swa Iseraylri. Sa karivurivu, kai lasu la pusu ki Tamatama, kwi lalasu la malra iniane iluku mwa ki Musi, 12la malra emenge iniane, mukalava ku apelaelane ki Tamatama ku apangimiane pathavungu iniane.
13Ku Tamatama la pelaela ki Musi, 14“Alra kwini ki umawmase pulatadre ki tasuladhane. Sanaka kialalra ku tapuswaneini ku umawmase, lri makitu malra ku alrimaini si pubelenge ki awlruini, sapelaelane ka yakai ku pasalrivaneini, ala lri malra ku lrenege ku mapapangale si cabiri papacai iniane. 15Ala, lri pelaelasu ki swa Iseraylri, sanaka wapusu ki Twaumase ku umawmase lri tara siamece ku pasalrivaneini. 16Sanaka twasinalreme ki Tamatama ku umawmase lri tara kipapacai; ku mapapangale makanaelre lri malra ku lrenege si papacai iniane. Adravane ka swa Iseraylri ka badha ki swa Iseraylri, alaiyasi ikai ku umawmase ku wapusu ki Tamatama, lri tara kipapaacai.
17“Ku papacai ki umawmase lri kipapacai. 18Ku papacai ku nilapulapwane ki palrapalra lri tara balrithi sawlri. Ku kakwakudhane lri arakai ku niake balrithi ki niake.
19“Ku umawmase alaiyasi pakadula ki palrapalra, lri pangimia ku tapangimianeini ki palrapalra marasikai iniane: 20Ku ara culrale lri kibilri ara culrale; ku ara maca lri kibilri ara maca; ku ara valisi lri kibilri ara valisi. Ku tapangimiane pakadula ki palrapalra, lri kipangimia ki pakadula. 21Ku papacai ku nilapulapwane ki palrapalra lri tara thavungu sawlri; ai ku papacai ki umawmase lri tara kipapaacai. 22Kikai tinu kakudhanane swadalepe numiane, adravane ka swa Iseraylri ka yakai numiane ka singibadhane ka umawmase thadalrane. Tamatamaku ka Twaumase numi.”
23Ku Musi sa maka kawrivanga ki swa Iseraylri kikai lavaga, kwini lalasu la malra kwini ki umawmase pulatadre ki tasuladhane, si arakai ku lrenege papacai iniane. Kikai, ku swa Iseraylri pangiamianga kwini tadrekasane ki Tamatama ki Musi.
Currently Selected:
Lrivi 24: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
