Lrivi 21
21
Kakudhane pangukai ki bulane ki barakalai
1-3Ku Tamatama wacunu ki Musi pelaela ki ngwakai ki Arungu ka barakalai, “Ku akipaelreane dralreke kathane ki marudrawdrangeini, lalake, betakane si kaiyana marudrange ka betakaneini ka ababai, ku barakalai madha ngwalalai ki takipaelreane ki kiapusau ki wapacai si ngikakudrulru. 4Kwini lasu la mialri kai lri maka kipaelre kipusau ki wapacai ki la tamathaetharevaneini si ngikakudrulru.
5“Ku barakalai madha kikirikiriti ku isiu, kungisingisi, ngigagelregelre ki kinawmasaneini si pathingale aka malremelreme. 6Kwi lasu lri tara kabula, madha sidrekadrekase ki saniange ka naganeli; asi lwiyane kwini lasu papia nakwane ka Tamatama patarumara ku Apwi ka lrisi, amani kwidra wabaai ki Twaumaseini ku akaneane. 7Ku barakalai madha mwamwa karudrange ki pairairange, ki kaika tawvaileketenga, si makakatwase ki tawvane, asi lwiyane kwini lasu amani ku kiatusaniange ka swakaiyane ki Twaumase. 8Ku mapapangale tara tumabula drele ki barakalai, asi lwiyane kwi lasu amani ku patarwamara nakwane ku akaneane ka lrisi. Tamatamaku; ka Alrivilrivi; lri pakabulaku ki kawkawluli. 9Alaiyasi ikai ku lalake ki barakalai ku apairairange, kwini alisu twasinalremenga ki tamaini, atara arakaiya ku apwi lama pathavungu papacai iniane.
10“Ku awlru ki abebeelengenga ki barakalai lu kipulawlaunga, si tarumara ku mabula ka awngane, la silaimai ku sangiragelanane ki barakalai, madha ikaikai kwini ki tamatithalithiane ngipurugucu ku isiu, thuriace ku laimai. 11-12Kwi lasu kai lri maka kidaili ki Alrivilrivi ka taikaikaiyane, si mudaane ki matiathalithi; adravane ka marudrawdrangeini ka wapacai, mialri ka kai lri maka mua, amani lu ngikakudrulru si kudrulru ki Alrivilrivi ka taikaikaiyaneli, asi lwiyane ngiapapatarumaranga baai nakwane ka Tamatama. 13Lri tara mwa ki tawvailekete karudrange, 14madha mwamwa ki walibakane, makakatwase ki taelrelre ka ababai, ku pairairange karudrange, kathane kwidra tawvailekete ikai ki cekele ku amaka mwane karudrange; 15lumia kwini, kwini lasu kai lri maka pakamani ku kaika mabula kwini ki lalakeini. Tamatamaku; wapilringaku iniane pacegecege ka abebeelengenga ki barakalai.”
16Ku Tamatama wacunu ki Musi pelaela ki Arungu, 17“Ikai ki mwabaibalrithi muswane, sanaka kaika kiatulrepenge ku kinawmasaneini madha papia nakwane patarumara ku akaneane; kikai amani ku atara pasuswane ka kakudhane. 18Sanaka kaika mwadringadringai ku kinawmasane, adravane ka mamukici, mapiapilai, kai mathariri ku tatulringavane, ngialilisi ku kinawmasane, 19ku mapilai ku alrima ku drapale, 20madrukungu, mwatelrele, macaecaeme ku maca, makuvingi, ku kiatuminwalrane, kai lri maka papia nakwane patarumara. 21Ku mwabaibalrithi ki Arungu, sanaka kaika mwadringadringai ku kinawmasane kai lri maka papia nakwane patarumara ku Apwi ka lrisi, asi lwiyane kwini kaika mwadringadringai ku kinawmasane kai lri dulru papia ki Twaumase patarumara ku akaneane. 22Ku miyaiya kai ku umawmase lri maka kane ku patarumara baai nakwane ku sapatarumarane ka akaneane, adravane ka saniange ka sanianiangenga lri kane makanaelre. 23Ai, amani sa kai kitulrepenge kwi kinawmasaneini, kwini lasu kai lri maka deethe kwini ki Alrivilriviilrivinga ka taikaikaiyane cucubungu ka makalrilau, lai lri kai maka deethe ki tapatarumaramarane. Kwini lasu kai lri maka kudrulru ki saniange ka lawbubulu ki Alrivilrivi ka taikaikaiyaneli. Amaniaku ka pakasaniange kikai ki lawbubulu ka Tamatama.”
24Kikai belenge kai lavaga amani ku Musi ku peaelaela ki Arungu, ki lalalakeini, si mapapangale ki swa Iseraylri.
Currently Selected:
Lrivi 21: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
