Husia 6
6
Ku Iseraylri kaika patengane ku tangitatupelane
1Kai swa Iseraylri amia kai, “Bwala, tapapia ki Tamatama! Ku Tamatama wathiriacenga mitane, lri mialri sulrau si pawdringai mitane; walrumai si pakadula mitane, lai lri mialri cabu mitane. 2Lu makapusalenga makatulrulunga, kwi lasu lri patarumara mitane ku bavane ka puku, lai lri dulruta mwamwamua sukubu iniane. 3Ala takisamula kisilape si thingale ki Tamatama. Lri tara keela, mia ki ledra ki mialrealre kalri tara utaluvaivai, mia ki udale ki kalarigarigane alreke ki kadaengane.”
4Ku Tamatama amia kai, “Swa Iseraylri, swa Yuda, lri tungitwatumanaku numiane? Kwi sakialialibake numi nakwane mia ki kulrulrungu luka mialrealre, ka makakaai kawlrau; mia ki lamu, sana kaliare maulrau.” 5Ngwalai kikai, siakawlaku ki layuginsiali pamwa numiane kwini, si pelaela ku lrika asaibanganeli numiane, amudaneli numiane. 6Ku kitubili numiane yai, mapapedrenge ka sakialibake, kaika lasapatarumarane ka lwange si kiu; ani thingale nakwane amiaku numiane, inaku ki Lama ka lrisi.
7Ai kikai laumawmase yakai ki cekele Adame#6.7 “yakai ki cekele Adame” ku wahunyake madu iya kai “kikai laumawmase mia ki Adame”. baebalre ku tamakaketeketane nakwane. 8Kai Gileade yai swaete ku ngilisianane ka cekele, wamwa kidruanga patueraerai. 9Kai labarakalai mia ki lasadre, turededele lepenge, karededele ravase, adravane ka samamwa Sekeme kadalranane yakaai, pakai ku amalrane ku paisu la papacai ki umawmase. 10Yakaiyaku Iseraylri drele ku ngialisiane turamuru: Ku kawkawluli yakai kwini sukusukubu ki lasamiamiange, si ngikakudrulrunga.
11“Ala kunumi ka laswa Yuda, mialri wakelretenga naku ku vai ku lrika apathavunganeli numiane.”
Currently Selected:
Husia 6: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
