Husia 5
5
1“Labarakalai, kunumi kicacaligira kilalalra! Swa Iseraylri, kunumi dradrela! Wacekecekele ki talialalai, kunumi mialria kilalalra! Kunumi nai arakai numi ku aparamaramavane saibange ki umawmase, kaiasasane ngiabaalrelringa kalri kisaibange; asi lwiyane amaninga numi kudra nipikaiyane ka Mizepa ka tukulru, ka nipaipadhane ka lravathe ikai ka lregelrege Tabure, 2ka nilrukwane ikai Asasia ka lrubange. Lri tara pathavungaku numiane! 3Wathingalaku ki swa Iseraylri; kwi lalasu kai lri maka sekete nakwane. Kwi lalasu kaika patengatengane ku kidremedreme nakwane, kai swadalepe sukubu nakwane.”
Ku Husia pakiapapawlringau ki wasukubu ki samiamiange
4Ku ngangane ki swa Iseraylri watelenge ku lrika apapiane lini ki Twaumase. Kwi lalasu ngwalai ku tasukubane lini ki samiamiange, la kai thingale ki Tamatama. 5Ku ngikalrilrigwane ki swa Iseraylri amani ku sapelaelane ka pasalrivane lini. Kwi pasalrivane lini patwabakebake liniane; ku swa Yuda la mialri tupapalra liniane tubakebake. 6Kwi lalasu papia ki Tamatama patarumara ku lalwange si kiu; kikai papia liniane kadrwa ku paluludane. Kwi lalasu kai maka kiadringai ki Tamatama, asi lwiyane ku Tamatama wacilringa liniane. 7Kwi lalasu papia ki Tamatama kaika patengatengane ku kidremedreme; ku tulalake lini la nikibubuliane. Lakamani, ku kadaengane lini takauawngane lri kidredredre.
Tamakakaruburane ki swa Yuda si swa Iseraylri
8Kunumi ikaiya Gibia ngirapa! Ikaiya Rama pasairingi! Ikaiya Bithele karaleale! Swa Biniyamingi, ngidrakala si kikaruburu! 9Ku apathavungane ka vai wakelanga; ku cekele ki swa Iseraylri lri kamudunga. Swa Iseraylri, kikai lri tara ngimiya!
10Ku Tamatama amia kai, “Lri papiaku ki tarasangililuku ki swa Yuda kalisi, mia ki acilai ka walriau pathavungu liniane, asi lwiyane kwi lalasu wadrikisi ku kadaengane ki swa Iseraylri. 11Ku swa Iseraylri lri kidredrepete, pakiamalra ku patarumarali ku kadaengane, asi lwiyane, amani sa kai telrai papia ki kadrwa ku puku#5.11 “kadrwa ku puku” ku pacase ki Hiburu yai “kwidra wadrekase” amia. ka lapasiagiagisi ka kuni kitubi ku akiparalubane. 12Lakamani, lri kabebetethaku ki swa Iseraylri, lai lri amudaku ki swa Yuda.
13“Ku swa Iseraylri sa thingale ku caemaneini matelrege turamuru ku kidremedreme, ku swa Yuda wadrele ku dulaini ka kiapakilringau turamuru, ku swa Iseraylri matwase kikawriva ki talialalai ki swa Asiria, si kitubi iniane ku akiparalubane; ai kwi lasu kai lri maka dulru sulrau liniane, lai lri kai dulru cabu ki dula lini. 14Lri miaku ki raiyungu lredepe ki swa Iseraylri, mia ki yacengecenge ka raiyungu lredepe ki swa Yuda. Lri ngikakamaniaku ka wathiriace liniane, si malra saralidri liniane, kadrwa ku umawmase kulri dulru palribulu liniane.
15“Lri cilriaku ki kawkawluli, pakela ku akisalruane lini kwalri, si ngithathingale ku tapasalrivane lini. Ikai ki sakwalrialri, kwi lalasu lri silape nakwane.”
Currently Selected:
Husia 5: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
