Takatwasane Izipiti 20

Taimangealane ka padradrekase

(Tapelane Drekase 5.1-21)

1Ku Twaumase la avavaga, kikai lebe amani ku lasabulrwane:

2“Kunaku Tamatamaku ka Twaumasesu; amaniaku kudra nawasangiluku muswane patwalai ki takituduriane ikai kavai Izipiti.

3“Kathaanaku, kusu madha sukusukubu ki drumane ka twaumase.

4“Madha ngipapasikaikai darepe ku namaneemanenga ku samiamiange; la madha patwalralralrau sanaka tangimiamiane ki ngwababelenge, ki ngwadaedae, ku ngwaciacilai si alra darepe. 5Madha papiapia ki sanaka samiamiange pidruru sukubu si marasikaikai kaungu, asi lwiyane amaniaku ku Tamatama ka Twaumasesu; kainaku lri maka besere lutuumane tarumara kudra kiaececebe nakwane ku latwaumase. Kudra malisi kavalracevace nakwane ku umawmase, lri pathavungaku liniane, pakela ki mwasaka ngusitulrulu ngusisupatele ka lagaganeini. 6Ai ku madalame nakwane, si paluludu ku padradrekaseli ku umawmase, lri tara arakaiyaku ku thalradhane marasikai liniane, pakeela ki lamwabaibalrithi.

7“Madha cacacapange arakai kai naganeli; sanaka wacacapange arakai kai naganeli ku umawmase, kunaku ka Tamatama, ka Twaumasesu lri tara pathavungaku iniane.

8“Pasuswa ku Taisadrasadrane ka vai si tusaniange ka vai. 9Yakai ku amakanemelanesu kaungu; 10ku samakapitulu yai nipakitukudhane ka Taisadrasadrane ka vaili, ka nakwane ka Tamatama ka Twaumasesu. Kikai vai kai, adravane ka amanisu, ka lalakesu, ka durisu, ka lanilapulapwane, ku saliakaikai ka maelane ka zuku, kai lri maka kaungu. 11Kunaku ka Tamatama yakaiyaku kai ki minakanemelane ka vai bekace kai belenge, lebe, laveke si lamaneemanenga, ai ikai ki samakapitulu la isadra. Lakamani, kunaku ka Tamatama swabulrubulrwaku ki Taisadrasadrane ka vai, si cegecege tusaniange ka vai.

12“Musakena ki marudrawdrangesu, lasu maka ikai ki apatarumaraneli muswane ka kadaengane kisupilri ku malragi ku apanianiakane.

13“Madha papacapacai ki umawmase.

14“Madha sudringai madha pasudringai.

15“Madha kupawpa.

16“Madha draedraedrangelre kawriva tulisi ki umawmase.

17“Madha kararau ku daane ki palrapalra; la madha kadaladalame ku taelrelre ki palrapalra, si karau ku duri, lwange, ruba si ku drumane ku lawbubulu ki palrapalra.”

Mwakuludru ku mapapangale

(Tapelane Drekase 5.22-23)

18Ku mapapangale sa kilalranga ku dreredrere si lingau ki rapa, la drelenga ki lrikace si satuebebelre ku lregelrege, makitwa mukuludru turamuru, la saadaili acegecege. 19La iya kai ki Musi, “Ala kamania ka kawariva naiane, lri tara kilalra nai; luka Twaumase ka kawariva naiane, alau lri pacai nai!”

20Ku Musi la tubalre liniane, “Madha mukuludru; lu mutaluvaivai ku Twaumase yai lri kilrialringau numiane, lanu ka tamusakeenane mukuludru iniane, si kai pasalriu.” 21Ai ku mapapangale yadaailiana acegecege; kathane ku Musi ku wamwa aru cucubungu, deethe kwini taikaiyane ki Twaumase ka ememe.

Tinukakudhane ki tapatarumaramarane

22Ku Tamatama wadrekase ki Musi pelaela ki swa Iseraylri, “Kunumi wadrelenga numi nakwane ka Tamatama luka pangiatumane patwalai ka subelebelenge kawriva numiane. 23Kunumi madha daredarepe sanaka samiamiange pakiramau nakwane, la mialri madha ngipapasikaikai darepe tusamiamiange ku lakingi ku lagingi si sukusukubu. 24Kunumi anu pasikai nakwane arakai ku dae si darepe ku taluvaale ku tapatarumaramarane, ikai ki tapatarumaramarane patarumara ku lwange ku kiu, ka amani ku Lama ka lrisi si Sulivatane ka lrisi. Ikai kwidra ki kelreteli ku lrika taikaikaiyane numi si sukubu nakwane, lri tara keelaku, si subulrubulru numiane. 25Lwiyasi pasikai numi arakai ku lrenege tutapatarumaramarane, madha arakaikai ku nitulrenegane ku lrenege, asi lwiyane ku nitulrenegane ku lrenege kai mamamwa arakai tutapatarumaramarane. 26Madha pasikaikai nakwane pia ku nitutataetaetalane ka tapatarumaramarane, lu tabelenge numi ki tataetaetale lri ngwimadhane numi.”

Currently Selected:

Takatwasane Izipiti 20: NDV

Highlight

Copy

Compare