Dutuuc 27

1Na wen ci e luel ya buk loony dhol loku Yitalia, goki Paulo kene kɔc kɔk cike mac taau ne Julio cin, bɛny de rem cɔl rem de Augoutho. 2Goku kɛɛc ne rian diit de Adramutionic, bi lɔ ne bɛi ke piny de Athia, lonyku lɔk bɛɛr, ku ciɛthku wɔne Aritharko, muɔny Makedonia de Thethalonike. 3Ɣɔn miak ke wɔ kɛɛc piny ne Thidon: go Julio piɔu kac ne Paulo, a cɔk lɔ mɛɛthke neem bik lɔ kony. 4Ku beerku lony, lɔk bɛɛr, tekku ne biak guk rɔt de Kupurio ne luɔr loor wɔ yomic. 5Wen cuk bar teem kɔu, bar thiak ke Kilikia ku Pampulia, ke wɔ ɣet Mura de Lukia. 6Go bɛny de rem rian diit de Alekandaria yok thin, bi lɔ Yitalia: go yen wɔ taau thin. 7Goku cath nemath ne nin juec, ku ɣetku ne baai thoŋ de Kinido ke wɔ ci thook loi ne cath. Go yom wɔ pɛn lɔ tueŋ, a goku Thalmone reet thok, tekku ne biak guk rɔt de Kerete; 8kuanyku agoric, ke wɔ ci thook loi, ɣetku te col Telɔdip thiak ke pan cɔl Lathaia.

9Nin juec aacukke laar dholic wuuya, ku cath de riai ee rac emane, ne kee cii Thiel thok, go ke nyiɛn ne Paulo, 10jiɛm, Ye banycie, kaŋɛm rɛɛc ku maar aabi tɔ ne yecanheic, ku kacie kaŋ kepɛc kene riai, abi tɔ aɣet weikuɔ eya. 11Go bɛny de rem wel ke Paulo rɛɛc, ku yiic wel ke reeth kene wun e riai. 12Ku cin wanh piath bii riai mai thol thin, go kɔc piɔth naŋ bik lony, themki lan bik kek ɣet Poinike, te yene riath ɣaal thin, tɔ ne agor de Kereteic, ye ŋɛm ciɛm ku cuec. 13Ana ye yom thi ye bii ne rɔɔk, ke cɔkki ye kepiath ne kepiɔth, goki luŋ de mɛc jat riɛi, ku tekki ne agor de Kereteic, kuekki roth agor. 14Go yom dit go dai bɛn bei ne agoric ne apuɔu thieth wɔɔk, yom cɔl Eurakulo. 15Go riai peen ne yom, cuk ber leu ne luɔric, goku cuɔk ter pɛlku roth en kuɛɛth wɔɔk. 16Goku wuu ɣetku ne baŋ guk rɔt de tur thin cɔl Kauda, ke wɔ jɔl rian thi leu ne dom, ne ci wɔ dɛr nuaan. 17Goki jɔt, ku dutki riandit ne yuin rir, yiki ke cuɔk piny ne riai thar: ɣɔn riɔc kek lan ben ke kuaath Thurti, goki ka ye riai caath miɛt piny, ku lek e ke lɔk. 18Goku dhiac ke wɔ tɛr wɔne yom, ɣɔn miak e ke gɔc kaŋ ne cuɛt wɛric. 19Ɣɔn ne kol e diak e ke cuɛt ka ye riai caath wei ne cinken. 20Ɣɔn acin akol ruer ku cin kuel ne nin juec, ku dhiac yom dit ke put, ke ŋɔthdɛn e ŋɔɔth wɔ luak jɔl liu. 21Te tɔ kek ke ke ken cam ne nin juec, go Paulo rɔt jɔt, ku kɛɛc ne keciɛl yic, jiɛm, Ye week banycie, ee te cak ɣa piŋ waar, ku kee te kɛnka loony dhol ne Kerete, a yekerɛɛce ku yemaare ee te kene ke yok. 22Yen ŋɛɛnyka emane, weikuɔn aaci bi liu, a kee riandit yeneka bi maar yetok. 23An cii malaika de Nhialic kɔɔc ne ɣalɔɔm wenakɔu, Nhialiny yan mɛnhde ku ya awunde, 24bii, ku jiɛm, Ye duɔne riɔc, Paulo; yin bi rɔt dhiɛl ne Kaithar nom; yin cii Nhialic aci yi yiɛn wei ke kɔc kedhia, kɔc ciɛth we keek. 25Yen banycie, muɔkka wepiɔth: Nhialic agam, aabi ya yith ne lek e lek en ke an. 26Wɔ bi kan cuat ne tuur nom buk gak.

27Na cuk nin ya thiɛr ku ŋuan, ke wɔ dhiac ke wɔ lɔk bar de Adria, ke cɔl baarii yi cuk piny cuɔp; 28goki piu them yic, e ke yok mita ne ye thiɛrŋuan: na re ke berki them, goki yok ne ye thiɛr ku dhiec. 29Goku riɔc lan ben wɔ cuat ne kur nhiim, goki luɔŋ ke mac keeŋuan lɔny ne yeliel, ŋuenyki ne run de piny. 30Go baarii piɔth naŋ riŋ wei ne rianditic, goki rian thi luai ne piu yic, bik ciɛt ka lɔ luɔŋ ke mɛc cuat piny ne riai nom, 31go Paulo Julio yɔɔk kene lathkeer, jiɛm, Ye we ce roth leu ne luak, te cii keekɔcke dhiac riɛi. 32Go lathkeer, goki yuin ke rian thi tɛm kɔth, cɔkki lony. 33Ana ye piny ye bii ke run, ke ke lɔŋ Paulo ke kedhia bik cam, jiɛm, Ye yekole ee kol de thiɛr ku ŋuan dhiɛc we ke ke we thiɛl, ku cak ciɛm. 34Yen, an laŋ week, camka: yeneka bi we luɔk: acin nhiɛm de ran toŋ de week yic bi riak. 35Ɣɔn ye ci jam yeya, ke lom mono, ku leec Nhialic ne kenhiim kedhia, ku wɛkic, ku kɔɔŋ thok. 36Goki piɔth pol kedhia, berki cam. 37Kɔc ke riai kedhia aake ye thiɛrnyɛny rou ku thiɛrdherou ku dhetem. 38Wen yi cik kuɛth, e ke cɔk riandit piɔl, cuɛtki rap wɛric. 39Ɣɔn miak aci piny run, e ke kuc piny: goki tan kuak ŋem ne nɔŋ wath, goki roth thiec lan bii riandit lɔ leu, bi rɔt ɣaal. 40Goki luɔŋ ke riai cuat piny, ku nyiɛŋki ke wɛric, ku lonyki yuin e cik kek ka ke dok mac; ku miitki alath nhial ne yomic, leki wɛɛth. 41Wen yi ɣetki te ye atitiak mat thin, ke riai gɛk, kɛɛc nom cii rɔt leu ne thooc, ku leer ke dhoŋ thar ne atitiak. 42Go lathkeer cɔɔl yi bik kɔc cike mac nɔk, kɛlke ke bi kuɛŋ biyic ku kɛtki. 43Go bɛny de rem nɔŋ piɔu kuny de Paulo, go pɛn ke etɛŋe, ku jiɛm yook kɔc nyic kuaŋ ye bik roth cuat wɛric, bik kan lɔ teɣer: 44go kɔc kɔk lɔ wɛric ne ameth, cikke nyuɔc nhiim, ku kɔk ke riai, goki lɔ biyic kedhia cik jal poth.

Currently Selected:

Dutuuc 27: LEKJOT

Highlight

Compare

Copy