Dutuuc 17

1Na ɣɔn acik Ampipoli bakic kene Apolonia, e ke lɔ Thethalonike, pan nɔŋic luaŋ de gueer de Judai: 2go Paulo lɔ thin enɔŋ keek, ci luɔiden ye loi ne nyindhia, leer ku jiɛm kene keek ne thabaath keediak, teer kene keek ne kacigɔɔr, 3yook ke ye Kritho ee guɔm dhiil, ku beer rɔt jɔt ne thouic; ku beer jam, Ye Yecu, man yan we lɛkne, yenekee Kritho. 4Go biak toŋ ci kuɛm nom go gam, ku mɛt kene Paulo ku Thila; ku dun diit de Girikii lajik, ku diar juec dit. 5Go ke til ne Judai, ku cɔlki kɔc rac, ku cɔkki dun dit gueer thiɛŋ baai ne awuɔu; ku lek ɣon de Jathon bik lɔ nɔk, ku kɔɔr kek Paulo ku Thila thin, bik ke lɔ bɛi bei ne kɔc nhiim kɔc ci gueer. 6Goki ke cuɔk yok, goki Jathon thel kene mɛɛthkeek kɔk, theleke ne bany ke baai nhiim, ku cotki, Yi keekɔcke kaa piny ebɛn puk nom, ku kaa bɛɛr ɣeet eene eya; 7ku kaaci Jathon ke loor: ku kaa jiɛi looŋ ke Kaithar ne jam ye kek jam yi nɔŋ meleŋ dɛ, ye cɔɔl Yecu. 8Goki kɔc diaŋ nhiim aɣet bany ke baai, te cik kek keewelke piŋ. 9Ɣɔn yi cik weu ke Jathon ku mɛɛthke loom, goki ke jal puɔl.

10Go Paulo ku Thila go ke dai tuɔc wei ne mɛɛthken ne wɛɛric lek Beroya: ana yi cik ɣet thin, e ke lɔ luaŋ de gueer de Judai. 11Ku keekɔc ke yepane apiath ne kɔc ke Thethalonike, liepki kepiɔth wel piŋeke, ku yeki kacigɔɔr caar ne nyindhia lan tɔe kaŋ yiya. 12Go kɔc juec gam, ku diar dit ke Giriki eya, ku kɔc juec. 13Na ci Judai ke Thethalonike ye piŋ ya Paulo apioc kɔc ke Beroya ne wɛt de Nhialic, e ke lɔ Beroya eya, lek dun dit cuɔth piɔu. 14Go Paulo dai tuɔc wei ne mɛɛthke bi ɣet bɛɛr: ku dhiac yi Thila ku Timotheo ne Beroya. 15Ku kɔc eke ruɛc Paulo konyki dholic acik ɣɛɛt Athenai, ku leki thon luɛth enɔŋ Paulo bii Thila ku Timotheo bik dai kuany cok.

16Te ŋoote Paulo e ke tiitke ne Athenai, ke dhiau piɔu ne ŋem ŋem en baai ne ci thiaŋ ne ka ke jak. 17Go lɔ leer luaŋ de gueer, lee teer kene Judai ku kɔc lajik, ku ye lɔ ne thuk yic ne nyindhia teer ke kɔc ye bɛn thin. 18Ku kɔc nyic kaŋ, ke Epikureoi ku Thotoikoi, rɛmki kene yen eya. Ku luel kɔc kɔk, Yi yeŋo luel yeran cin nome? go kɔc kɔk luel, Yi kacit ran weet kɔc ne jak lei: ne pioc pioc en keek ne Yecu ku jon de rɔt. 19Goki dɔm, ku leerki Areopago lek jam, Yi lɛk wɔ yepiocdun ye luele, e piɔc bɛne. 20Yin ci ka gɛi wɔ ke luɛl ne wɔyith: yen wɔ nɔŋ piɔth buk luɛlden nyic. 21(Kɔc ke Athenai ku alɛi ye tɔ kene keek aaye ke ci piac bɛn kɔɔr yetok bik ya piŋ ku bik ya luel.) 22Go Paulo kɔɔc ne Areopago ciɛlic, ku jiɛm,

Ye we kɔc ke Athenai, we ŋɛmke ke we ye ka ke duɔr ci tuɔl tak areet. 23Waar cath an ku ŋɛm ka yakake door, ke an yok kan de koc ne ci gɔɔr yala, ya ke de nhialiny kucku. Ke yaka door ku kuɔcka, yeneka lɛk an week. 24Nhialiny ci piny cak ku kaŋ kedhia ka ye tɔ ne yenom, man ye Bɛnydiit nhial ku piny, aci luek ye ɣap luek eke loike ne kɔc cin; 25ku kacie luɔi ne kɔc cin, ci ke dɛk kaŋ, yenekee kɔc cɔk piir, ku yin ke wei, ku keriɛc ebɛn; 26ku yenekee cak juur kedhia ne ran tok bik piny ɣap nom, ku yin ke runken, ku akɛɛth ke bɛiken; 27bik Nhialic ya kɔɔr, thapki lan bik kek ye ya yok, ku kacie mɛc enɔŋ wɔɔk: 28wɔ ye piir ne yeyic, ku wɔ ye cath thin, ku yuku tɔ thin; ci man ye kɔc ye luel, agut kɔckuɔn ke diɛt, Yi wɔ ye kɔc cike dhieth. 29Ku wɔɔk, wɔ kɔc ci dhieth ne Nhialic, acuk bi ya cɔk ye wɛnhjini, ku cɔkku ye wɛnhrial, ku cɔkku ye kuur, ka cike thɔɔth ku guaŋ ke ne teet de raan cin. 30Run eke kuce kɔc ke kaŋ aake ci puɔl ne Nhialic; ku yemane ayook kɔc bik kepiɔth wel kedhia ne piny nom ebɛn: 31ku kee kol tok week, kol ben piny luɔk nom ne luɔi lajik, ne luŋ de ran ci taau; ku kanyuuth kɔc kedhia yekene ne jon cen e cɔk jɔt rɔt ne thouic.

32Na cik wel ke jon de rɔt de ran ci thou piŋ, ke kɔc kɔk buɔi; ku jam kɔc kɔk, Yi kabuk bɛr piŋ yekene. 33Go Paulo jaal ne keyic. 34Ku mɛt kɔc kɔk kene yen gɛmki: keekɔcke ran tok ee cɔl Dionuthio, ran de Areopago, ku tiŋ cɔl Damari, ku kɔc kɔk kene keek.

Currently Selected:

Dutuuc 17: LEKJOT

Highlight

Compare

Copy