ගීතාවලිය 76
76
ජයග්රහනයේදී දෙවියන්වහන්සේගේ ගුණ වර්ණනා කිරීම
නායක වාද්යකරුටයි; වීණා ඇතුව ගීතිකා කිරීමටයි. ආසාප්ගේ කාව්ය ගීතයකි.
1දෙවියන්වහන්සේ යූදාහි ප්රසිද්ධසේක.
ඉශ්රායෙල්හි උන්වහන්සේගේ නාමය උතුම්ය.
2උන්වහන්සේගේ මණ්ඩපය සාලෙම්හිය, උන්වහන්සේගේ වාසස්ථානය සියොන්හිය.
3එහිදී උන්වහන්සේ දුන්නේ ඊගස් හා පලිහද කඩුව හා සටනද බින්දසේක.
4කොල්ලගත් කඳුවල සිට ඔබ තේජෝමහිමයෙන් යුක්තවනසේක.
5සවි සිත් ඇත්තෝ කොල්ලකනු ලැබුවෝය, තමුන්ගේ නින්දට පැමිණියෝය;
බලවත්වූ කිසිවෙකුගේ අතෙහි ශක්තිය නොවීය.
6යාකොබ්ගේ දෙවියන්වහන්ස, ඔබගේ තරවටුකිරීමෙන් රථ සේනාව සහ අසරුවෝ බර නින්දට හෙළනු ලැබුවෝය.
7භයවිය යුත්තේ ඔබටය, ඔබට පමණක්මය.
ඔබ කෝපවූ කල්හි ඔබ ඉදිරියෙහි සිටින්ට හැකි කාටද?
8ඔබ ස්වර්ගයෙන් නඩුතීන්දුව ඇසෙන්ට සැලැස්වූසේක;
පොළොවේ සියලු යටහතුන් ගළවන පිණිස
9දෙවියන්වහන්සේ විනිශ්චයට නැගිටි කල, පොළොව භයව නිශ්චලවිය.
10සැබවින් මනුෂ්යයාගේ උදහසින් ඔබට ප්රශංසා ලැබෙන්නේය.
උදහසේ ඉතිරි කොටස ඔබ ආයුධ කොට බැඳගන්නාසේක.
11ඔබගේ දෙවිවූ ස්වාමීන්ට භාරයක්වී එය ඔප්පුකරව්.
උන්වහන්සේ වටකර සිටින සියල්ලෝ භයවිය යුතුවූ උන්වහන්සේට පඬුරු ගෙනෙත්වා.
12උන්වහන්සේ අධිපතීන්ගේ එඩි මඩිනසේක.
පොළොවේ රජුන්ට භයංකර වන සේක.
Currently Selected:
ගීතාවලිය 76: SROV
Highlight
Share
Copy
Want to have your highlights saved across all your devices? Sign up or sign in
Ceylon Bible Society