Èfɛ́sì ŋa 6
6
Bí ɔma òŋu ínà má nára-boba, à nákó gbé gbà fáà?
1Ɔma ŋa, è gbɔ̃́ɔ̃̀rã̀ fú ìnà-ŋɛ́ ŋa òŋu boba-ŋɛ́ ŋa kíbí Ɔlá-wa náa wà wòó gbà#á. Iŋɛ́ yèé tse#ɛ́, iŋɛ́ yèé dzɛ́ òtítɔ́#ɛ́ ńnɛ̀ɛ́. 2Náàŋírĩ-iŋɛ́ yèé Ɔ̀ɖáyé fɔ̀ si ńnɔ́-ɛkpa‐ɛ̀ ní ká tse ŋa#á, yèé ó tsɛ̃̀tsɛ̃̀ tàlé má nára‐ɛ̀#ɛ́ ní. Ó fɔ̀ ní: “Nɛ́ àrísá fú boba-ɛ̀ɛ òŋu ìnà-ɛ̀ɛ méèdzì.”#6:2 Ìwé-Fúfùɖá 20:12 (Exode 20:12) 3Tsí àlé#ɛ́ ní dzɛ́ ní: “Nákó sã̀ fɛ́ɛ, tsí nàa tɔ́ gbo ńǹtalɛ̀#ɛ́.”#6:3 Ìwé-Àkóro 5:16 (Deutéronome 5:16)
4Ó ɖi, ìnà-ɔma ŋa òŋu boba-ɔma ŋa, ɛ̀ŋɛ gbo, è máa wà dzára fú ɔma-ŋɛ́ ŋa. Kà kàa bɛ́ɛ̀, è náa wà sɛ̃̀ ŋá, tsí wà kɔ́ ŋa gbo. È náa wà bá ŋa gbo fɔ̀ bí ó dzɛ́ ní à lò sé. Ó ɖi, è náa tse iŋɛ́ yèé ŋa nyí kpó ńǹrɔ́-kíbí Ɔlá-wa náa wà wòó gbà#á.
Bí arú ŋa òŋu olówó-ŋà ŋa nákó gbé gbà fáà?
5Arú ŋa, è gbɔ́ɔ̀lú fú olówó-ŋɛ́ ŋa yèé wà ńǹtalɛ̀ bí#ɛ́ òŋu àrísá lákṹ-kã̀. Kíbí è wà gbɔ́ɔ̀lú fú Kírísítò gbà#á, è náa wà gbɔ́ɔ̀lú fú olówó-ŋɛ́ ŋa gbo bɛ́ɛ̀ inɔ́ tã̀ã́, ànyì tã̀ã́. 6Tsí kó máa dzɛ́ nódzú-ŋa gé. Ɛnɛ yèé ŋa náa wà wo ká gba nyínyɛ̀ ńɖi-ɔ̀nyà ŋa gé#ɛ́ ní náa wà tse bɛ́ɛ̀#ɛ́. Ó ɖi, ɛ̀ŋɛ òŋu, è tse awù-Ɔ̀ɖáyé inɔ́ tã̀ã́, ànyì tã̀ã́, iŋɛ́ yèé tse#ɛ́, arú-Kírísítò ŋa ní è dzɛ́#ɛ́. 7Ara kó yá ŋɛ́ ńtsɛ́ tsítse kíbí Ɔlá-wa ní è wà tseé fú#ɛ́ bɛ́, kò tsi ɔ̀nyà ŋa gé ní è wà tsitsɛ́ fú#ɛ́. 8Ó ɖi, è ti mà si ní ɛnɛ yèé dzɛ́ arú gbo, ɛnɛ yèé wà nɔ́wɔ́-ara‐ɛ̀ gbo, bí ɔ̀nyà-kã̀ tse ore-kã̀ gé, Ɔlá-wa nákó bù kɔ̃́ɔ̃ fúu.
9Ó ɖi, olówó-arú ŋa, ɛ̀ŋɛ gbo, è náa wà tse bɛ́ɛ̀ ké fú arú-ŋɛ́ ŋa. È máa wà ɖódzo tse ŋá. È náa wà tédzú ní ɛ̀ŋɛ ká-ŋɛ́ gbo, arú ŋa gbo, ɛ̀ŋɛ kpó, è nɛ́ olówó-kã̀, tsí ó wà nɔ́ɔ̀rɔ̃ si. Tsí èmi ǹ dzɛ́ bɛ́, èmi mà tse bɛ́, nyɛ̀ŋɛ̀ òŋu kò wà ńɖɔ̀‐ɛ̀.
Bí àa nákó dzogu bá Ètsù gbà fáà?
10Báàyí#ɛ́, è wo àmí-ŋɛ́ ti ńɖi-Ɔlá-wa, iŋɛ́ yèé tse#ɛ́, àmí-ŋɛ́ náa ti ńɖi-ikpá‐ɛ̀ lákṹ#ɛ́ ni. 11È kɛ́ iŋɛ́-ìdzògu kpó yèé Ɔ̀ɖáyé fú ŋɛ́#ɛ́, tsí e ń kɔ́. Ńbɛ̀ɛ́, è nákó nyáa le ɛ̀ɖɔ̃̀ gbe ɔgbɔ̃́ yèé ŋa Ètsù† nákó ɖá#á. 12Iŋɛ́ yèé tse#ɛ́, kò tsi ɔ̀nyà ní àa wà dzogu bá#á. Ikpá-íbàɖí ŋa ni. À wà ńǹgbèrí, tsí wà dzoyè si ńǹtalɛ̀ yèé kí nóòkùkù si#ɛ́. Àŋa kpó ní àa wà dzogu bá#á. 13Àtsùgbée bɛ́ɛ̀, è kɛ́ iŋɛ́-ìdzògu kpó yèé Ɔ̀ɖáyé fú ŋɛ́#ɛ́, tsí e ń kɔ́, àtóoríi nɔ́dzɔ́ yèé ìkparà ŋa nákó wá#á, ni e nyáa gbódzú, tsí dza ɔ̀tɛ̀-ŋɛ́. Tsí bí è dzàá bɛ́ɛ̀ títí lɔ ńǹtã̀ntã́, ni e nyáa ɖóro rìgírìgí si ró.
14Ńbɛ̀ɛ́, è ɖóro rìgírìgí si gé. È kɛ́ òtítɔ́, tsí ń ɖi èrèɖé kíbí ɖíɖì bɛ́. Tsí e kɛ́ òtítɔ́ tsítse, tsí ń wɔ̀ kíbí ìwɔ̀ra-irɛ̃ bɛ́, tsí kó bo ɛ̀ɖɔ̃̀-ŋɛ́ si. 15Kíbí à náa bɔ kpákò si nɛ́sɛ̀ si kírí#ɛ́, ɛ̀ŋɛ gbo, e kɛ́ ikɔ̀ ɖíɖɔ̃̀, ikɔ̀-tútùúrɔ̀#ɛ́, tsí e ń bɔ̀, tsí kó tse tsí e kpaɖí si rere. 16Tsí yèé tɛ̀ɛ́ ró#ɛ́, è nɛ́ àkaralé si ńǹtá-Yèésù Kírísítò. Àkaralé-ŋɛ́ kó wà kíbí ìbòdzú bɛ́, tsí kó kpa iná-ɔfà kpó yèé Ètsù wà ta ŋɛ́ ŋa#á. 17È kɛ́ ɔlà yèé Ɔ̀ɖáyé fú ŋɛ́#ɛ́ gbo, tsí e ń tse òkúkú-irɛ̃, tsí e ń ɖé si. È lo afɔ̀-Ɔ̀ɖáyé kíbí tàsú bɛ́. Tàsú yèé Mímí-Ɔ̀ɖáyé† fú ŋɛ́#ɛ́ ńnɛ̀ɛ́. 18Náàsòkò ɔ̀kã̀lɔ́ɔ̀kã̀ kpó#ɛ́, è náa wà wúùre ńǹrɔ́-kíbí Mímí-Ɔ̀ɖáyé#ɛ́ wà gbɛ̃́ ŋɛ́ gbà#á. Tsí bí è wà wúùre, è náa wà tsìkálɛ̀ fú Ɔ̀ɖáyé ní kó mɔ́wɔ́ gbè fú ŋɛ́ ńŋɛ́ ɔ̀kã̀lɔ́ɔ̀kã̀ kpó. È náa wà nódzúfò si gé, tsí è náa wà ɖìgírí, tsí e wà ńǹre wúwú gbo si gé fú Ɔ̀ɖáyé fú ɛnɛ yèé dzɛ́ tɛ̀ɛ̀ ŋa kpó#ɛ́. 19È náa wà wúùre fú Ɔ̀ɖáyé fú èmi gbo, àtsùgbée bí ǹ tsí arũ gé, ni Ɔ̀ɖáyé òŋu ká‐ɛ̀ kó wà nyà si nárũ fú mi, tsí ikɔ̀ yèé ó ń ɖúkù si títí wáa fú ɔdzɔ́-òníbɛ́#ɛ́, n nyáa nyàá fɔ̀ fú ɔ̀nyà ŋa náàrì rí odzú-ɔ̀nyà-kã̀ sá. Ikɔ̀#ɛ́, Ɔ̀ɖáyé ɖúkùú si títí wáa fú ɔdzɔ́-òníbɛ́. 20Tsí àtsùgbée n wáa dzíkɔ̀#ɛ́ ní Yèésù Kírísítò mú mi, tsí ń kparɔ arũ‐ɛ̀#ɛ́. Òŋu ní tse tsí ǹ wà nɛ́ɛ̀ŋà si nɔ́mbɛ́#ɛ́. Ó ɖi, è wúùre ní n nyáa dzíkɔ̀#ɛ́ dzì ńǹɖì‐ɛ̀ rere náàrì rí odzú-ɔ̀nyà-kã̀ sá.
Okũ-ìtã̀ntã́ ŋa
21Tùtsìkɔ́sì nákó fɔ ɔ̀kã̀lɔ́ɔ̀kã̀ kpó fú ŋɛ́, àtsùgbée ɛ̀ŋɛ gbo, e ma iŋɛ́ yèé ǹ wà tse#ɛ́ òŋu kíbí iŋɛ́ ŋa#á wà lɔ fú mi gbà bí#ɛ́. Tùtsìkɔ́sì#ɛ́, ìnàbí-wa òŋu àrínódzú-wa ni. Ó wà mɔ́wɔ́ gbè fú wa gbo ńtsɛ́-Ɔlá-wa#á òŋu òtítɔ́. 22Àtsùgbée e gbɔ́ ìdzã̀mà-wa ní ǹ bɛ̀ɛ́ wá ńɖi-ŋɛ́#ɛ́. Nákó ɖáàmí le ŋɛ́ gbo.
23Ɔ̀ɖáyé Boba-wa òŋu Yèésù Kírísítò Ɔlá-wa ká fú ɛ̀ŋɛ yèé dzɛ́ ìnàbí-wa ŋa#á ńtútùúrɔ̀. Ká tse tsí e nɛ́ àmúɖɔ̃̀ fú ara-ŋɛ́ ŋa, tsí e nɛ́ àkaralé si ńǹtá-Kírísítò gbo. 24Ɔ̀ɖáyé kó tse ore-ɔ̀fɛ́ fú ɛnɛ yèé ŋa kpó nɛ́ àmúɖɔ̃̀ yèé kò nɛ́ ìkpàkũ#ɛ́ fú Yèésù Kírísítò Ɔlá-wa#á.
Currently Selected:
Èfɛ́sì ŋa 6: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Èfɛ́sì ŋa 6
6
Bí ɔma òŋu ínà má nára-boba, à nákó gbé gbà fáà?
1Ɔma ŋa, è gbɔ̃́ɔ̃̀rã̀ fú ìnà-ŋɛ́ ŋa òŋu boba-ŋɛ́ ŋa kíbí Ɔlá-wa náa wà wòó gbà#á. Iŋɛ́ yèé tse#ɛ́, iŋɛ́ yèé dzɛ́ òtítɔ́#ɛ́ ńnɛ̀ɛ́. 2Náàŋírĩ-iŋɛ́ yèé Ɔ̀ɖáyé fɔ̀ si ńnɔ́-ɛkpa‐ɛ̀ ní ká tse ŋa#á, yèé ó tsɛ̃̀tsɛ̃̀ tàlé má nára‐ɛ̀#ɛ́ ní. Ó fɔ̀ ní: “Nɛ́ àrísá fú boba-ɛ̀ɛ òŋu ìnà-ɛ̀ɛ méèdzì.”#6:2 Ìwé-Fúfùɖá 20:12 (Exode 20:12) 3Tsí àlé#ɛ́ ní dzɛ́ ní: “Nákó sã̀ fɛ́ɛ, tsí nàa tɔ́ gbo ńǹtalɛ̀#ɛ́.”#6:3 Ìwé-Àkóro 5:16 (Deutéronome 5:16)
4Ó ɖi, ìnà-ɔma ŋa òŋu boba-ɔma ŋa, ɛ̀ŋɛ gbo, è máa wà dzára fú ɔma-ŋɛ́ ŋa. Kà kàa bɛ́ɛ̀, è náa wà sɛ̃̀ ŋá, tsí wà kɔ́ ŋa gbo. È náa wà bá ŋa gbo fɔ̀ bí ó dzɛ́ ní à lò sé. Ó ɖi, è náa tse iŋɛ́ yèé ŋa nyí kpó ńǹrɔ́-kíbí Ɔlá-wa náa wà wòó gbà#á.
Bí arú ŋa òŋu olówó-ŋà ŋa nákó gbé gbà fáà?
5Arú ŋa, è gbɔ́ɔ̀lú fú olówó-ŋɛ́ ŋa yèé wà ńǹtalɛ̀ bí#ɛ́ òŋu àrísá lákṹ-kã̀. Kíbí è wà gbɔ́ɔ̀lú fú Kírísítò gbà#á, è náa wà gbɔ́ɔ̀lú fú olówó-ŋɛ́ ŋa gbo bɛ́ɛ̀ inɔ́ tã̀ã́, ànyì tã̀ã́. 6Tsí kó máa dzɛ́ nódzú-ŋa gé. Ɛnɛ yèé ŋa náa wà wo ká gba nyínyɛ̀ ńɖi-ɔ̀nyà ŋa gé#ɛ́ ní náa wà tse bɛ́ɛ̀#ɛ́. Ó ɖi, ɛ̀ŋɛ òŋu, è tse awù-Ɔ̀ɖáyé inɔ́ tã̀ã́, ànyì tã̀ã́, iŋɛ́ yèé tse#ɛ́, arú-Kírísítò ŋa ní è dzɛ́#ɛ́. 7Ara kó yá ŋɛ́ ńtsɛ́ tsítse kíbí Ɔlá-wa ní è wà tseé fú#ɛ́ bɛ́, kò tsi ɔ̀nyà ŋa gé ní è wà tsitsɛ́ fú#ɛ́. 8Ó ɖi, è ti mà si ní ɛnɛ yèé dzɛ́ arú gbo, ɛnɛ yèé wà nɔ́wɔ́-ara‐ɛ̀ gbo, bí ɔ̀nyà-kã̀ tse ore-kã̀ gé, Ɔlá-wa nákó bù kɔ̃́ɔ̃ fúu.
9Ó ɖi, olówó-arú ŋa, ɛ̀ŋɛ gbo, è náa wà tse bɛ́ɛ̀ ké fú arú-ŋɛ́ ŋa. È máa wà ɖódzo tse ŋá. È náa wà tédzú ní ɛ̀ŋɛ ká-ŋɛ́ gbo, arú ŋa gbo, ɛ̀ŋɛ kpó, è nɛ́ olówó-kã̀, tsí ó wà nɔ́ɔ̀rɔ̃ si. Tsí èmi ǹ dzɛ́ bɛ́, èmi mà tse bɛ́, nyɛ̀ŋɛ̀ òŋu kò wà ńɖɔ̀‐ɛ̀.
Bí àa nákó dzogu bá Ètsù gbà fáà?
10Báàyí#ɛ́, è wo àmí-ŋɛ́ ti ńɖi-Ɔlá-wa, iŋɛ́ yèé tse#ɛ́, àmí-ŋɛ́ náa ti ńɖi-ikpá‐ɛ̀ lákṹ#ɛ́ ni. 11È kɛ́ iŋɛ́-ìdzògu kpó yèé Ɔ̀ɖáyé fú ŋɛ́#ɛ́, tsí e ń kɔ́. Ńbɛ̀ɛ́, è nákó nyáa le ɛ̀ɖɔ̃̀ gbe ɔgbɔ̃́ yèé ŋa Ètsù† nákó ɖá#á. 12Iŋɛ́ yèé tse#ɛ́, kò tsi ɔ̀nyà ní àa wà dzogu bá#á. Ikpá-íbàɖí ŋa ni. À wà ńǹgbèrí, tsí wà dzoyè si ńǹtalɛ̀ yèé kí nóòkùkù si#ɛ́. Àŋa kpó ní àa wà dzogu bá#á. 13Àtsùgbée bɛ́ɛ̀, è kɛ́ iŋɛ́-ìdzògu kpó yèé Ɔ̀ɖáyé fú ŋɛ́#ɛ́, tsí e ń kɔ́, àtóoríi nɔ́dzɔ́ yèé ìkparà ŋa nákó wá#á, ni e nyáa gbódzú, tsí dza ɔ̀tɛ̀-ŋɛ́. Tsí bí è dzàá bɛ́ɛ̀ títí lɔ ńǹtã̀ntã́, ni e nyáa ɖóro rìgírìgí si ró.
14Ńbɛ̀ɛ́, è ɖóro rìgírìgí si gé. È kɛ́ òtítɔ́, tsí ń ɖi èrèɖé kíbí ɖíɖì bɛ́. Tsí e kɛ́ òtítɔ́ tsítse, tsí ń wɔ̀ kíbí ìwɔ̀ra-irɛ̃ bɛ́, tsí kó bo ɛ̀ɖɔ̃̀-ŋɛ́ si. 15Kíbí à náa bɔ kpákò si nɛ́sɛ̀ si kírí#ɛ́, ɛ̀ŋɛ gbo, e kɛ́ ikɔ̀ ɖíɖɔ̃̀, ikɔ̀-tútùúrɔ̀#ɛ́, tsí e ń bɔ̀, tsí kó tse tsí e kpaɖí si rere. 16Tsí yèé tɛ̀ɛ́ ró#ɛ́, è nɛ́ àkaralé si ńǹtá-Yèésù Kírísítò. Àkaralé-ŋɛ́ kó wà kíbí ìbòdzú bɛ́, tsí kó kpa iná-ɔfà kpó yèé Ètsù wà ta ŋɛ́ ŋa#á. 17È kɛ́ ɔlà yèé Ɔ̀ɖáyé fú ŋɛ́#ɛ́ gbo, tsí e ń tse òkúkú-irɛ̃, tsí e ń ɖé si. È lo afɔ̀-Ɔ̀ɖáyé kíbí tàsú bɛ́. Tàsú yèé Mímí-Ɔ̀ɖáyé† fú ŋɛ́#ɛ́ ńnɛ̀ɛ́. 18Náàsòkò ɔ̀kã̀lɔ́ɔ̀kã̀ kpó#ɛ́, è náa wà wúùre ńǹrɔ́-kíbí Mímí-Ɔ̀ɖáyé#ɛ́ wà gbɛ̃́ ŋɛ́ gbà#á. Tsí bí è wà wúùre, è náa wà tsìkálɛ̀ fú Ɔ̀ɖáyé ní kó mɔ́wɔ́ gbè fú ŋɛ́ ńŋɛ́ ɔ̀kã̀lɔ́ɔ̀kã̀ kpó. È náa wà nódzúfò si gé, tsí è náa wà ɖìgírí, tsí e wà ńǹre wúwú gbo si gé fú Ɔ̀ɖáyé fú ɛnɛ yèé dzɛ́ tɛ̀ɛ̀ ŋa kpó#ɛ́. 19È náa wà wúùre fú Ɔ̀ɖáyé fú èmi gbo, àtsùgbée bí ǹ tsí arũ gé, ni Ɔ̀ɖáyé òŋu ká‐ɛ̀ kó wà nyà si nárũ fú mi, tsí ikɔ̀ yèé ó ń ɖúkù si títí wáa fú ɔdzɔ́-òníbɛ́#ɛ́, n nyáa nyàá fɔ̀ fú ɔ̀nyà ŋa náàrì rí odzú-ɔ̀nyà-kã̀ sá. Ikɔ̀#ɛ́, Ɔ̀ɖáyé ɖúkùú si títí wáa fú ɔdzɔ́-òníbɛ́. 20Tsí àtsùgbée n wáa dzíkɔ̀#ɛ́ ní Yèésù Kírísítò mú mi, tsí ń kparɔ arũ‐ɛ̀#ɛ́. Òŋu ní tse tsí ǹ wà nɛ́ɛ̀ŋà si nɔ́mbɛ́#ɛ́. Ó ɖi, è wúùre ní n nyáa dzíkɔ̀#ɛ́ dzì ńǹɖì‐ɛ̀ rere náàrì rí odzú-ɔ̀nyà-kã̀ sá.
Okũ-ìtã̀ntã́ ŋa
21Tùtsìkɔ́sì nákó fɔ ɔ̀kã̀lɔ́ɔ̀kã̀ kpó fú ŋɛ́, àtsùgbée ɛ̀ŋɛ gbo, e ma iŋɛ́ yèé ǹ wà tse#ɛ́ òŋu kíbí iŋɛ́ ŋa#á wà lɔ fú mi gbà bí#ɛ́. Tùtsìkɔ́sì#ɛ́, ìnàbí-wa òŋu àrínódzú-wa ni. Ó wà mɔ́wɔ́ gbè fú wa gbo ńtsɛ́-Ɔlá-wa#á òŋu òtítɔ́. 22Àtsùgbée e gbɔ́ ìdzã̀mà-wa ní ǹ bɛ̀ɛ́ wá ńɖi-ŋɛ́#ɛ́. Nákó ɖáàmí le ŋɛ́ gbo.
23Ɔ̀ɖáyé Boba-wa òŋu Yèésù Kírísítò Ɔlá-wa ká fú ɛ̀ŋɛ yèé dzɛ́ ìnàbí-wa ŋa#á ńtútùúrɔ̀. Ká tse tsí e nɛ́ àmúɖɔ̃̀ fú ara-ŋɛ́ ŋa, tsí e nɛ́ àkaralé si ńǹtá-Kírísítò gbo. 24Ɔ̀ɖáyé kó tse ore-ɔ̀fɛ́ fú ɛnɛ yèé ŋa kpó nɛ́ àmúɖɔ̃̀ yèé kò nɛ́ ìkpàkũ#ɛ́ fú Yèésù Kírísítò Ɔlá-wa#á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.