Fìlíkpò ŋa 1
1
1Èmi, Kpɔ́lù òŋu Tìmɔ̀té méèdzì, àtsìtsɛ́-Yèésù Kírísítò ŋa ní àa dzɛ́#ɛ́, tsí àa wà tse ìwé yèé bɛ́ fú ɛ̀ŋɛ yèé dzɛ́ ti Ɔ̀ɖáyé akpá akpá, ɛsɛ̀ ɛsɛ̀ si, tsí dzɛ́ ti Yèésù† Kírísítò† gbo si, tsí wà ńǹlú-Fìlíkpò#ɛ́. Àa wà tse ìwé#ɛ́ fú onùgbó-ɛgbɛ́-Kírísítò ŋa òŋu àtsìtsɛ́-ɛgbɛ́-Kírísítò ŋa gbo. Àa wà kí ɛ̀ŋɛ kpó. 2Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà wúùre fú ɔma-ɛgbɛ́-Kírísítò yèé ŋa wà ńFìlíkpò#ɛ́
3Ńǹwèrè kpó yèé afɔ̀-ŋɛ́ náa wá ńǹsérè fú mi#ɛ́, mà wà ɖɔ́kpɛ́ fú Ɔ̀ɖáyé-mi. 4Náàsòkò ɔ̀kã̀lɔ́ɔ̀kã̀ yèé mà wúùre fúu fú ɛ̀ŋɛ kpó#ɛ́, mà wà tseé òŋu ayè títɛ́ ni. 5Mà wà wúùre fú ŋɛ́ bɛ́ɛ̀, iŋɛ́ yèé tse#ɛ́, ti nɔ́dzɔ́-àtsɛ̃̀tsɛ̃̀ yèé è gba Yèésù gbɔ́ títí wáa fú òní#ɛ́, àa dzɔ́ wà dzíkɔ̀ ɖíɖɔ̃̀ ti nára-Yèésù fúnɛ. 6Ǹ karalé si ní Ɔ̀ɖáyé yèé kpilɛ̀-itsɛ́-òtítɔ́-kã̀ náàŋírĩ-ŋɛ́#ɛ́, nákó wà tseé làkóò títí nákó káà dzálɛ̀ nɔ́dzɔ́ yèé Yèésù Kírísítò nákó wá#á.
7Kíbí è dzɛ́ àrínódzú-mi ŋa#á, ó sã̀ bɛ́ɛ̀ tútútú ní afɔ̀-ŋɛ́ kó kí ńǹsérè si fú mi. Bí ó dzɛ́ báàyí yèé ǹ wà nɛ́ɛ̀ŋà si#ɛ́ gbo, bí ó sì dzɛ́ ńǹwèrè yèé ǹ wà ɖù fú ikɔ̀ ɖíɖɔ̃̀#ɛ́, tsí wà nyà ɖíre ní òtítɔ́ ni#ɛ́ gbo, è náa wà mɔ́wɔ́ gbè fú mi ńtsɛ́ yèé Ɔ̀ɖáyé ń tse ore-ɔ̀fɛ́ fú mi#ɛ́. 8Ɔ̀ɖáyé mà ní ǹ nɛ́ àmúɖɔ̃̀ lákṹ-kã̀ fú ɛ̀ŋɛ kpó ńǹrɔ́-kíbí Yèésù Kírísítò gbo nɛ́ àmúɖɔ̃̀ fú ŋɛ́#ɛ́.
9Bí ǹ wà wúùre fú Ɔ̀ɖáyé fú ŋɛ́, mà wà bèrèé ní kó tse tsí e ma kíbí kṹnukṹ nákó nɛ́ àmúɖɔ̃̀ fú enìkéèdzì‐ɛ̀ máa ró#ɛ́ òŋu bí e tse fáà, tsí tse si ńǹtá‐ɛ̀ rere#ɛ́. 10Mà wà wúùre bɛ́ɛ̀, tsí e nyáa wà rí iŋɛ́ yèé ŋa sã̀ lárè#ɛ́ mà, tsí ìlò-ŋɛ́ kó máa gbɛ̃ɛ̃́rĩ́, tsí ká máa bá ŋɛ́ fɔ̀ gbo nɔ́dzɔ́ yèé Kírísítò nákó wá#á, 11tsí Yèésù Kírísítò#ɛ́ kó mɔ́wɔ́ gbè fú ŋɛ́ gbo, tsí e wà tse ore ɔ̀kã̀lɔ́ɔ̀kã̀ kpó fúnɛ. Bí è wà tse bɛ́ɛ̀, ɔ̀nyà ŋa nákó rí iyì-Ɔ̀ɖáyé, tsí wà nyɛ̀ɛ́ gbo.
Kpɔ́lù wà nɛ́ɛ̀ŋà si, tsí itsɛ́-ikɔ̀ ɖíɖɔ̃̀#ɛ́ kò sì ɖá ɖóro
12Ìnàbí-mi ŋa, ǹ wà wò ní e mà ní iŋɛ́ yèé bá mi si#ɛ́ kò ɖá itsɛ́-ikɔ̀ ɖíɖɔ̃̀#ɛ́ ɖóro. Kà kàa bɛ́ɛ̀, ó tse tsí ǹ wà dzɛ́ɛ fú ɔ̀nyà kpíkpɔ̀ máa ró. 13Sɔ́dzà ŋa kpó yèé wà ɖe ilé-ólú ńbíbɛ́#ɛ́ òŋu ɛnɛ-àtíbɔ̀ ŋa gbo kpó, à mà ní ǹ wà nɛ́ɛ̀ŋà si, iŋɛ́ yèé tse#ɛ́, ǹ wà tsitsɛ́-Kírísítò. 14Tsí kpíkpɔ̀-olí-Yèésù ŋa gbo wà gbódzú láre dzɔ̀ɔ́. À rí kíbí Ɔlá-wa wà mɔ́wɔ́ gbè fú mi gbà nɛ́ɛ̀ŋà#á, tsí à wà karalé si ńǹtá‐ɛ̀ máa ró ní nákó mɔ́wɔ́ gbè fú àŋa gbo. Tsí à mú ɛ̀ɖɔ̃̀ kã ara-ŋa, tsí à wà dzíkɔ̀-Ɔ̀ɖáyé fúnɛ náàrì tsodzo.
15-16Ɔ̀nyà kã̀ŋa wà dzíkɔ̀-Kírísítò fúnɛ òŋu ìsérè-ire, iŋɛ́ yèé tse#ɛ́, à nɛ́ àmúɖɔ̃̀ fú mi. À mà ní Ɔ̀ɖáyé kɛ́ mi si ńbí, tsí n wà ɖù fú ikɔ̀ ɖíɖɔ̃̀#ɛ́. Ó ɖi, ɔ̀nyà kã̀ŋa òŋu wà dzíkɔ̀-Kírísítò#ɛ́, iŋɛ́ yèé tse#ɛ́, à wà dzowú-mi, tsí à wà ɖugbã̀-mi gbo. 17À wà wò ní àŋa kó gbonùgbó nɔ́wɔ́-mi. À wà tsèsérè#ɛ́ nɛ́ɛ̀rɛ̀ méèdzì. Kíbí ǹ wà nɛ́ɛ̀ŋà si#ɛ́, à wà tsèsérè ní àŋa kó tse tsí ìréré kó má ìréré fú mi. 18Kò sì tse iŋɛ́-kã̀. Bí ó dzɛ́ ní à wà dzíkɔ̀-Kírísítò#ɛ́ nɛ́ɛ̀rɛ̀ méèdzì gbo, bí ó dzɛ́ ní à wà dzɛ́ɛ òŋu ìsérè mímá gbo, iŋɛ́ yèé kpã́dzú#ɛ́ ní dzɛ́ ní ɔ̀nyà ŋa wà dzíkɔ̀-Kírísítò#ɛ́. Àtsùgbée bɛ́ɛ̀ ní ayè wà tɛ́ mi#ɛ́. Ayè nákó tɔ́ wà tɛ́ mi ró, 19iŋɛ́ yèé tse#ɛ́, kíbí è wà wúùre fú Ɔ̀ɖáyé fú mi, tsí Mímí-Yèésù Kírísítò gbo wà mɔ́wɔ́ gbè fú mi#ɛ́, ǹ mà ní iŋɛ́ nyɛ̀ŋɛ̀ ŋa kpó nákó ɖi ire fú mi. 20Ǹ módzú si nɔ́ɔ̀nà si, tsí ǹ karalé gbo ní ǹ kàkó dzanɔ́. Kà kàa bɛ́ɛ̀, ǹ wà wo n wà kɛ̃̀ɖɔ̃̀, tsí màa wà nya iyì-Kírísítò ɖíre fúnɛ, kíbí ǹ ti wà tseé bàa á. Ńǹrɔ́-kíbí màa gbé náyé#ɛ́ gbà#á niì nàmí ńǹrɔ́-kíbí màa kú gbà#á niì, ǹ wà wò ní iŋɛ́ tsítse-mi ŋa kpó kó wà nya iyì-Kírísítò ɖíre fúnɛ.
21Ń tèmi òŋu, àyɛ̀-mi kpó wà nɔ́wɔ́-Kírísítò, tsí bí ǹ kú gbo, màa rí èrè ńnɛ̀. 22Ó ɖi, bí ǹ sì wà náàyɛ̀ si, itsɛ́-mi ŋa nákó nɛ́ èrè. Ǹ kò ma yèésí màa kɛ́. 23Ó le fú mi héŋú ní n tsã ɔ̀kã̀ náàŋírĩ-iŋɛ́ méèdzì ŋa#á. Ǹ wà wò ní n ǹɖe ńǹtalɛ̀ bí, tsí n lɔ káà gbé bá Kírísítò. Nyɛ̀ŋɛ̀ nákó sã̀ fú mi lárè. 24Ó ɖi, ó sì kpã́dzú tó bɛ́ɛ̀ ní n wà ńǹtalɛ̀ si náàtsùgbée n wà mɔ́wɔ́ gbè fú ŋɛ́. 25Kíbí ǹ gbà si ńǹtá-bɛ́ɛ̀#ɛ́, ǹ mà ní màa gbé náàyɛ̀, tsí màa wáa gbé ńɖɔ-ŋɛ́, tsí e gba Kírísítò gbɔ́ lárè bɛ́ɛ̀, tsí ayè kó wà tɛ́ ŋɛ́. 26Ìɖéǹɖè#ɛ́, ńǹwèrè yèé màa sɛ̃̀ wá ńɖɔ-ŋɛ́#ɛ́, è nákó wà mú Yèésù Kírísítò nya akpá máa ró náàtsùgbé-iŋɛ́ yèé ó tse fú mi#ɛ́.
Kpɔ́lù wà ɖáàmí le ɔma-ɛgbɛ́-Kírísítò yèé ŋa wà ńFìlíkpò#ɛ́
27Iŋɛ́ yèé kpã́dzú lárè#ɛ́ ní dzɛ́ ní ìgbèngbé-ŋɛ́ kó ɖé bá kíbí ikɔ̀ ɖíɖɔ̃̀ ti Kírísítò wà kɔ́ olí-Yèésù ŋa ní ká gbé gbà#á. È tse bɛ́ɛ̀, àtsùgbée bí ǹ wá ńɖɔ-ŋɛ́, tsí ǹ rí ŋɛ́ nàmí bí ǹ kò wá, tsí ǹ wà gbɔ́ ìdzã̀mà-ŋɛ́, ni n mà ní ìsérè-ŋɛ́ ŋa dzɛ́ ɔ̀kã̀ntso si, tsí è ɖóro rìgírìgí nódzú-ɔ̀tɛ̀-ŋɛ́ ŋa gbo si, tsí è tse ɔ̀kã̀ntso, tsí dzɔ́ wà dzà bá ŋa, tsí àkaralé yèé è nɛ́ si ńǹtá-ikɔ̀ ɖíɖɔ̃̀#ɛ́ kó máa mì dzígí. 28Tsí ǹ mà gbo ró ní láyé, ɔ̀tɛ̀-ŋɛ́ ŋa kò wà módzú ɖódzo fú ŋɛ́. Bí ó dzɛ́ bɛ́ɛ̀, nákó wà nyà ɖíre fú ŋa ní à làkóò nɛ́ɛ̀rá, tsí wà nyà ɖíre fú ɛ̀ŋɛ òŋu ní è nákó rí ɔlà. Ɔ̀ɖáyé ní náa wà tse iŋɛ́ nyɛ̀ŋɛ̀ ŋa#á. 29Ó ɖi, ó tse ore-ɔ̀fɛ́ fú ŋɛ́ ní e gba Kírísítò gbɔ́, tsí yèé yɔ#ɛ́, ó tse ore-ɔ̀fɛ́ fú ŋɛ́ gbo ní e réré, iŋɛ́ yèé tse#ɛ́, è dzɛ́ ti Kírísítò. 30Ìréré#ɛ́ wà nyà ɖíre ní è wà dzà bá ɔ̀tɛ̀-ikɔ̀ ɖíɖɔ̃̀ ti Kírísítò ŋa. Ìdzà#á ké ní ǹ dzà bá ŋa wáa lɔ, tsí è rí#ɛ́. Tsí òŋu#ɛ́ ké ní è wà gbɔ́ ní ǹ wà dzà bá ŋa báàyí ró#ɛ́.
Currently Selected:
Fìlíkpò ŋa 1: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Fìlíkpò ŋa 1
1
1Èmi, Kpɔ́lù òŋu Tìmɔ̀té méèdzì, àtsìtsɛ́-Yèésù Kírísítò ŋa ní àa dzɛ́#ɛ́, tsí àa wà tse ìwé yèé bɛ́ fú ɛ̀ŋɛ yèé dzɛ́ ti Ɔ̀ɖáyé akpá akpá, ɛsɛ̀ ɛsɛ̀ si, tsí dzɛ́ ti Yèésù† Kírísítò† gbo si, tsí wà ńǹlú-Fìlíkpò#ɛ́. Àa wà tse ìwé#ɛ́ fú onùgbó-ɛgbɛ́-Kírísítò ŋa òŋu àtsìtsɛ́-ɛgbɛ́-Kírísítò ŋa gbo. Àa wà kí ɛ̀ŋɛ kpó. 2Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà wúùre fú ɔma-ɛgbɛ́-Kírísítò yèé ŋa wà ńFìlíkpò#ɛ́
3Ńǹwèrè kpó yèé afɔ̀-ŋɛ́ náa wá ńǹsérè fú mi#ɛ́, mà wà ɖɔ́kpɛ́ fú Ɔ̀ɖáyé-mi. 4Náàsòkò ɔ̀kã̀lɔ́ɔ̀kã̀ yèé mà wúùre fúu fú ɛ̀ŋɛ kpó#ɛ́, mà wà tseé òŋu ayè títɛ́ ni. 5Mà wà wúùre fú ŋɛ́ bɛ́ɛ̀, iŋɛ́ yèé tse#ɛ́, ti nɔ́dzɔ́-àtsɛ̃̀tsɛ̃̀ yèé è gba Yèésù gbɔ́ títí wáa fú òní#ɛ́, àa dzɔ́ wà dzíkɔ̀ ɖíɖɔ̃̀ ti nára-Yèésù fúnɛ. 6Ǹ karalé si ní Ɔ̀ɖáyé yèé kpilɛ̀-itsɛ́-òtítɔ́-kã̀ náàŋírĩ-ŋɛ́#ɛ́, nákó wà tseé làkóò títí nákó káà dzálɛ̀ nɔ́dzɔ́ yèé Yèésù Kírísítò nákó wá#á.
7Kíbí è dzɛ́ àrínódzú-mi ŋa#á, ó sã̀ bɛ́ɛ̀ tútútú ní afɔ̀-ŋɛ́ kó kí ńǹsérè si fú mi. Bí ó dzɛ́ báàyí yèé ǹ wà nɛ́ɛ̀ŋà si#ɛ́ gbo, bí ó sì dzɛ́ ńǹwèrè yèé ǹ wà ɖù fú ikɔ̀ ɖíɖɔ̃̀#ɛ́, tsí wà nyà ɖíre ní òtítɔ́ ni#ɛ́ gbo, è náa wà mɔ́wɔ́ gbè fú mi ńtsɛ́ yèé Ɔ̀ɖáyé ń tse ore-ɔ̀fɛ́ fú mi#ɛ́. 8Ɔ̀ɖáyé mà ní ǹ nɛ́ àmúɖɔ̃̀ lákṹ-kã̀ fú ɛ̀ŋɛ kpó ńǹrɔ́-kíbí Yèésù Kírísítò gbo nɛ́ àmúɖɔ̃̀ fú ŋɛ́#ɛ́.
9Bí ǹ wà wúùre fú Ɔ̀ɖáyé fú ŋɛ́, mà wà bèrèé ní kó tse tsí e ma kíbí kṹnukṹ nákó nɛ́ àmúɖɔ̃̀ fú enìkéèdzì‐ɛ̀ máa ró#ɛ́ òŋu bí e tse fáà, tsí tse si ńǹtá‐ɛ̀ rere#ɛ́. 10Mà wà wúùre bɛ́ɛ̀, tsí e nyáa wà rí iŋɛ́ yèé ŋa sã̀ lárè#ɛ́ mà, tsí ìlò-ŋɛ́ kó máa gbɛ̃ɛ̃́rĩ́, tsí ká máa bá ŋɛ́ fɔ̀ gbo nɔ́dzɔ́ yèé Kírísítò nákó wá#á, 11tsí Yèésù Kírísítò#ɛ́ kó mɔ́wɔ́ gbè fú ŋɛ́ gbo, tsí e wà tse ore ɔ̀kã̀lɔ́ɔ̀kã̀ kpó fúnɛ. Bí è wà tse bɛ́ɛ̀, ɔ̀nyà ŋa nákó rí iyì-Ɔ̀ɖáyé, tsí wà nyɛ̀ɛ́ gbo.
Kpɔ́lù wà nɛ́ɛ̀ŋà si, tsí itsɛ́-ikɔ̀ ɖíɖɔ̃̀#ɛ́ kò sì ɖá ɖóro
12Ìnàbí-mi ŋa, ǹ wà wò ní e mà ní iŋɛ́ yèé bá mi si#ɛ́ kò ɖá itsɛ́-ikɔ̀ ɖíɖɔ̃̀#ɛ́ ɖóro. Kà kàa bɛ́ɛ̀, ó tse tsí ǹ wà dzɛ́ɛ fú ɔ̀nyà kpíkpɔ̀ máa ró. 13Sɔ́dzà ŋa kpó yèé wà ɖe ilé-ólú ńbíbɛ́#ɛ́ òŋu ɛnɛ-àtíbɔ̀ ŋa gbo kpó, à mà ní ǹ wà nɛ́ɛ̀ŋà si, iŋɛ́ yèé tse#ɛ́, ǹ wà tsitsɛ́-Kírísítò. 14Tsí kpíkpɔ̀-olí-Yèésù ŋa gbo wà gbódzú láre dzɔ̀ɔ́. À rí kíbí Ɔlá-wa wà mɔ́wɔ́ gbè fú mi gbà nɛ́ɛ̀ŋà#á, tsí à wà karalé si ńǹtá‐ɛ̀ máa ró ní nákó mɔ́wɔ́ gbè fú àŋa gbo. Tsí à mú ɛ̀ɖɔ̃̀ kã ara-ŋa, tsí à wà dzíkɔ̀-Ɔ̀ɖáyé fúnɛ náàrì tsodzo.
15-16Ɔ̀nyà kã̀ŋa wà dzíkɔ̀-Kírísítò fúnɛ òŋu ìsérè-ire, iŋɛ́ yèé tse#ɛ́, à nɛ́ àmúɖɔ̃̀ fú mi. À mà ní Ɔ̀ɖáyé kɛ́ mi si ńbí, tsí n wà ɖù fú ikɔ̀ ɖíɖɔ̃̀#ɛ́. Ó ɖi, ɔ̀nyà kã̀ŋa òŋu wà dzíkɔ̀-Kírísítò#ɛ́, iŋɛ́ yèé tse#ɛ́, à wà dzowú-mi, tsí à wà ɖugbã̀-mi gbo. 17À wà wò ní àŋa kó gbonùgbó nɔ́wɔ́-mi. À wà tsèsérè#ɛ́ nɛ́ɛ̀rɛ̀ méèdzì. Kíbí ǹ wà nɛ́ɛ̀ŋà si#ɛ́, à wà tsèsérè ní àŋa kó tse tsí ìréré kó má ìréré fú mi. 18Kò sì tse iŋɛ́-kã̀. Bí ó dzɛ́ ní à wà dzíkɔ̀-Kírísítò#ɛ́ nɛ́ɛ̀rɛ̀ méèdzì gbo, bí ó dzɛ́ ní à wà dzɛ́ɛ òŋu ìsérè mímá gbo, iŋɛ́ yèé kpã́dzú#ɛ́ ní dzɛ́ ní ɔ̀nyà ŋa wà dzíkɔ̀-Kírísítò#ɛ́. Àtsùgbée bɛ́ɛ̀ ní ayè wà tɛ́ mi#ɛ́. Ayè nákó tɔ́ wà tɛ́ mi ró, 19iŋɛ́ yèé tse#ɛ́, kíbí è wà wúùre fú Ɔ̀ɖáyé fú mi, tsí Mímí-Yèésù Kírísítò gbo wà mɔ́wɔ́ gbè fú mi#ɛ́, ǹ mà ní iŋɛ́ nyɛ̀ŋɛ̀ ŋa kpó nákó ɖi ire fú mi. 20Ǹ módzú si nɔ́ɔ̀nà si, tsí ǹ karalé gbo ní ǹ kàkó dzanɔ́. Kà kàa bɛ́ɛ̀, ǹ wà wo n wà kɛ̃̀ɖɔ̃̀, tsí màa wà nya iyì-Kírísítò ɖíre fúnɛ, kíbí ǹ ti wà tseé bàa á. Ńǹrɔ́-kíbí màa gbé náyé#ɛ́ gbà#á niì nàmí ńǹrɔ́-kíbí màa kú gbà#á niì, ǹ wà wò ní iŋɛ́ tsítse-mi ŋa kpó kó wà nya iyì-Kírísítò ɖíre fúnɛ.
21Ń tèmi òŋu, àyɛ̀-mi kpó wà nɔ́wɔ́-Kírísítò, tsí bí ǹ kú gbo, màa rí èrè ńnɛ̀. 22Ó ɖi, bí ǹ sì wà náàyɛ̀ si, itsɛ́-mi ŋa nákó nɛ́ èrè. Ǹ kò ma yèésí màa kɛ́. 23Ó le fú mi héŋú ní n tsã ɔ̀kã̀ náàŋírĩ-iŋɛ́ méèdzì ŋa#á. Ǹ wà wò ní n ǹɖe ńǹtalɛ̀ bí, tsí n lɔ káà gbé bá Kírísítò. Nyɛ̀ŋɛ̀ nákó sã̀ fú mi lárè. 24Ó ɖi, ó sì kpã́dzú tó bɛ́ɛ̀ ní n wà ńǹtalɛ̀ si náàtsùgbée n wà mɔ́wɔ́ gbè fú ŋɛ́. 25Kíbí ǹ gbà si ńǹtá-bɛ́ɛ̀#ɛ́, ǹ mà ní màa gbé náàyɛ̀, tsí màa wáa gbé ńɖɔ-ŋɛ́, tsí e gba Kírísítò gbɔ́ lárè bɛ́ɛ̀, tsí ayè kó wà tɛ́ ŋɛ́. 26Ìɖéǹɖè#ɛ́, ńǹwèrè yèé màa sɛ̃̀ wá ńɖɔ-ŋɛ́#ɛ́, è nákó wà mú Yèésù Kírísítò nya akpá máa ró náàtsùgbé-iŋɛ́ yèé ó tse fú mi#ɛ́.
Kpɔ́lù wà ɖáàmí le ɔma-ɛgbɛ́-Kírísítò yèé ŋa wà ńFìlíkpò#ɛ́
27Iŋɛ́ yèé kpã́dzú lárè#ɛ́ ní dzɛ́ ní ìgbèngbé-ŋɛ́ kó ɖé bá kíbí ikɔ̀ ɖíɖɔ̃̀ ti Kírísítò wà kɔ́ olí-Yèésù ŋa ní ká gbé gbà#á. È tse bɛ́ɛ̀, àtsùgbée bí ǹ wá ńɖɔ-ŋɛ́, tsí ǹ rí ŋɛ́ nàmí bí ǹ kò wá, tsí ǹ wà gbɔ́ ìdzã̀mà-ŋɛ́, ni n mà ní ìsérè-ŋɛ́ ŋa dzɛ́ ɔ̀kã̀ntso si, tsí è ɖóro rìgírìgí nódzú-ɔ̀tɛ̀-ŋɛ́ ŋa gbo si, tsí è tse ɔ̀kã̀ntso, tsí dzɔ́ wà dzà bá ŋa, tsí àkaralé yèé è nɛ́ si ńǹtá-ikɔ̀ ɖíɖɔ̃̀#ɛ́ kó máa mì dzígí. 28Tsí ǹ mà gbo ró ní láyé, ɔ̀tɛ̀-ŋɛ́ ŋa kò wà módzú ɖódzo fú ŋɛ́. Bí ó dzɛ́ bɛ́ɛ̀, nákó wà nyà ɖíre fú ŋa ní à làkóò nɛ́ɛ̀rá, tsí wà nyà ɖíre fú ɛ̀ŋɛ òŋu ní è nákó rí ɔlà. Ɔ̀ɖáyé ní náa wà tse iŋɛ́ nyɛ̀ŋɛ̀ ŋa#á. 29Ó ɖi, ó tse ore-ɔ̀fɛ́ fú ŋɛ́ ní e gba Kírísítò gbɔ́, tsí yèé yɔ#ɛ́, ó tse ore-ɔ̀fɛ́ fú ŋɛ́ gbo ní e réré, iŋɛ́ yèé tse#ɛ́, è dzɛ́ ti Kírísítò. 30Ìréré#ɛ́ wà nyà ɖíre ní è wà dzà bá ɔ̀tɛ̀-ikɔ̀ ɖíɖɔ̃̀ ti Kírísítò ŋa. Ìdzà#á ké ní ǹ dzà bá ŋa wáa lɔ, tsí è rí#ɛ́. Tsí òŋu#ɛ́ ké ní è wà gbɔ́ ní ǹ wà dzà bá ŋa báàyí ró#ɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.